قرطبہ چوک ، وارث روڈ ، کوئنز روڈ ، مزنگ وملحقہ آبادیوں کیلئے اچھی خبر
اشاعت کی تاریخ: 8th, March 2025 GMT
دور نایاب: واسا (واٹر اینڈ سیوریج ایجنسی) نے قرطبہ چوک، وارث روڈ، کوئنز روڈ، مزنگ اور ملحقہ آبادیوں کے لئے پانی کے ذخیرہ کے ایک نئے منصوبے کی منظوری دے دی ہے۔ اس منصوبے کے تحت واسا کو وارث روڈ پر واٹر سٹوریج ٹینک کی تعمیر کی منظوری حاصل ہو گئی ہے جس میں بارشی پانی ذخیرہ کرنے کی صلاحیت 18 لاکھ گیلن تک ہوگی۔
واسا کو متروکہ وقف املاک بورڈ سے 2 کنال اراضی لیز پر لینے کی منظوری بھی مل گئی ہے جس کے بعد واٹر سٹوریج ٹینک کی تعمیر کے منصوبے پر عملدرآمد کیا جائے گا۔واسا نے متروکہ وقف املاک بورڈ کو اراضی کی لیز کے لیے سمری ارسال کی تھی۔
ترقیاتی منصوبوں کے معیار پر کوئی سمجھوتا نہیں ہوگا:وزیراعلیٰ مریم نواز
اس منصوبے کی تکمیل کے لیے 60 کروڑ روپے کی لاگت سے نیا واٹر ٹینک بنایا جائے گا۔واسا منظوری کے منٹس کے اجرا کے بعد جلد ہی ٹینڈرنگ پراسیس کا آغاز کرے گا۔
اس سے قبل لاہور شہر میں چار واٹر سٹوریج ٹینک مکمل کیے جا چکے ہیں جبکہ چار پر کام تیزی سے جاری ہے۔واسا کی جانب سے تاجپورہ واٹر ٹینک کے ٹینڈرنگ پراسیس پر بھی کام جاری ہے، جس کا اعلان ایم ڈی واسا نے کیا۔
اس حوالے سے ایم ڈی واسا غفران احمد کا کہنا تھا کہ واسا شہر میں بارشی پانی کو محفوظ بنا کر زیر زمین پانی کے ضیاع کو روکے گا، جس سے پانی کی کمی کے مسئلے کو حل کرنے میں مدد ملے گی۔
حکومت کا اہم فیصلہ، گریڈ 21 سے 22 میں ترقی کے قوانین مزید سخت
.ذریعہ: City 42
پڑھیں:
کراچی میں نماز کیلیے جانے والے بزرگ کو واٹر ٹینکر نے کچل دیا
سعید آباد کے علاقے بلدیہ سیکٹر 8 ای میں خونی واٹر ٹینکر نے نماز پڑھنے والے بزرگ شہری کو روند کر زندگی سے محروم کر دیا۔
ایس ایچ او سعید آباد ادریس بنگش نے بتایا کہ متوفی کی شناخت 75 سالہ عارف خان کے نام سے کی گئی جبکہ ابتدائی معلومات کے مطابق متوفی جائے وقوعہ کے قریب ہی گلی کا رہائشی تھا اور نماز پڑھنے جا رہا تھا۔
انہوں نے بتایا کہ اس دوران متوفی واٹر ٹینکر کی زد میں آکر جاں بحق ہوگیا جبکہ حادثے کا ذمہ دار ڈرائیور موقع سے فرار ہوگیا۔
پولیس نے موقع پر پہنچ کر سخت جدوجہد کے بعد واٹر ٹینکر کو مشتعل افراد کے ہاتھوں جلنے سے بچا کر قبضے میں لیکر تھانے منتقل کر دیا جبکہ پولیس واٹر ٹینکر کے مالک اور ڈرائیور کا پتہ چلانے کی کوششیں کر رہی ہے۔
وہاڑی: چھوٹا طیارہ گر کر تباہ