اپنی چھت اپنا گھر پروگرام کے تحت 19 ہزار افراد کو رقوم جاری ہوچکیں، ڈی جی پنجاب ہاؤسنگ اینڈ ٹاؤن پلاننگ ایجنسی
اشاعت کی تاریخ: 8th, March 2025 GMT
ڈی جی پنجاب ہاؤسنگ اینڈ ٹاؤن پلاننگ ایجنسی خواجہ ذیشان سکندر کا کہنا ہے کہ ’اپنی چھت اپنا گھر پروگرام‘ کے تحت کم آمدنی والے 19 ہزار افراد کو بغیر سود کے 15 لاکھ روپے تقسیم کیے جا چکے ہیں جبکہ مجموعی طور پر اس پروگرام سے ایک لاکھ افراد مستفید ہوں گے ۔
وی نیوز سے بات کرتے ہوئے خواجہ ذیشان سکندر نے بتایا کہ جن لوگوں کے پاس گھر بنانے کے لیے پلاٹ نہیں ہے اب انہیں حکومت پلاٹ بھی دینے جارہی ہے۔
انہوں نے کہا کہ وزیر اعلیٰ پنجاب مریم نواز کے ویژن کے مطابق پنجاب میں ان لوگوں کو گھر دیے جارہے ہیں جن کے پاس پلاٹ تو تھا مگر ان کے پاس گھر بنانے کے پیسے نہیں تھے۔
خواجہ ذیشان سکندر نے کہا کہ شہری علاقوں میں ایک سے 5 مرلے اور دیہی علاقوں میں ایک سے 10 مرلے کا پلاٹ جن لوگوں کے پاس تھا ان میں سے 19 ہزار افراد کو بغیر سود کے آسان اقساط پر 15 لاکھ روپے 2 اقساط میں تقسیم کیے گئے ہیں۔
ان کا کہنا تھا کہ حکومت کی طرف سے پہلی قسط گھر شروع کرنے وقت ساڑھے 7 لاکھ دیے جاتے ہیں اور جب لینٹر مکمل ہوجاتا ہے تو دوسری قسط ساڑھے 7 لاکھ روپے کی جاری کر دی جاتی ہے۔
مزید پڑھیں: وزیراعلیٰ پنجاب کا صوبے کے بے گھر اور مستحق خاندانوں کو مفت پلاٹ دینے کا اعلان
انہوں نے بتایا کہ اپنی چھت اپنا گھر پروگرام کے آن لائن پورٹل پر جن لوگوں نے اپلائی کیا تھا ان میں سے تقریباً سب لوگوں کو گھر بنانے کے لیے 15 لاکھ روپے تقسیم کیے جاچکے ہیں۔
ڈی جی پنجاب ہاؤسنگ اینڈ ٹاؤن پلاننگ ایجنسی نے کہا کہ جو افراد یہ بغیر سود قرضہ لے رہے ہیں انہیں یہ قرضہ 9 سال کی آسان اقساط میں واپس کرنا ہے۔ انہوں نے مزید کہا کہ قرض کی رقم موصول ہونے کے 3 ماہ بعد پہلی قسط 14 ہزار روپے حکومت کو دینی ہوگی اور اس پروگرام کے تحت ایک لاکھ تک لوگ مستفید ہوں گے۔
حکومت پنجاب اب پلاٹ اور فلیٹس بھی دے گیخواجہ ذیشان سکندر کا کہنا تھا کہ اب حکومت ایک نیا پروگرام شروع کرنے جارہی ہے جس میں وہ افراد بھی اپلائی کر سکیں گے جن کے پاس اپنا گھر بنانے کے لیے پلاٹ بھی نہیں ہے۔
ڈی جی پنجاب ہاؤسنگ اینڈ ٹاؤن پلاننگ نے کہا کہ 3 سے 5 مرلے تک پلاٹس حکومت خرید کر دے گی جن پر گھر بنانے کے حوالے سے عوام کو قرضہ دیا جائے گا۔
ان کا کہنا تھا کہ اس پروگرام کے بعد اسی سال فلیٹس سسٹم بھی متعارف کروایا جارہا ہے تاکہ کم آمدنی والے افراد کو اپنا گھر ملے سکے۔ ان کا مزید کہنا تھا کہ ہر پروگرام میں اپلائی کرتے وقت کسی جاننے والے کا ایک بیان حلفی بھی بطور گارنٹی جمع کرانا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’اپنی چھت اپنا گھر پروگرام‘ پنجاب حکومت پنجاب ہاؤسنگ اینڈ ٹاؤن پلاننگ ایجنسی خواجہ ذیشان سکندر وزیراعلیٰ پنجاب مریم نوازشریف.ذریعہ: WE News
کلیدی لفظ: اپنی چھت اپنا گھر پروگرام پنجاب حکومت خواجہ ذیشان سکندر وزیراعلی پنجاب مریم نوازشریف اپنی چھت اپنا گھر پروگرام خواجہ ذیشان سکندر گھر بنانے کے کہنا تھا کہ پروگرام کے لاکھ روپے نے کہا کہ افراد کو کا کہنا کے لیے کے پاس
پڑھیں:
اسٹاک ایکسچینج میں تیزی؛ انڈیکس ایک لاکھ 18 ہزار پوائنٹس کی سطح عبور کرگیا
کراچی:اسٹاک ایکسچینج میں آج تیزی کا رجحان دیکھا جا رہا ہے، اس دوران انڈیکس ایک لاکھ 18 ہزار پوائنٹس کی سطح عبور کرگیا۔
کاروباری ہفتے کے پہلے روز بازارِ حصص میں 716 پوائنٹس کی تیزی کے ساتھ کاروبار کا مثبت آغاز ہوا تو کے ایس ای 100 انڈیکس بڑھ کر ایک لاکھ 18 ہزار 32 پوائنٹس کی سطح پر آ گیا۔
بعد ازاں پی ایس ایکس میں تیزی کا رجحان جاری رہا اور انڈیکس میں بتدریج 1136 اور 1456 پوائنٹس کی تیزی دیکھی گئی، جس کے نتیجے میں انڈیکس بڑھ کر ایک لاکھ 18 ہزار 771 پوائنٹس کی سطح پر پہنچ گیا۔
واضح رہے کہ عالمی ریٹنگ ایجنسی فچ کی جانب سے پاکستان کی طویل مدتی ریٹنگ میں بہتری سے گزشتہ ہفتے پاکستان اسٹاک ایکس چینج میں ریکوری کے رحجان سے تیزی رہی جس سے انڈیکس کی 115000, 116000 اور 117000پوائنٹس کی 3سطحیں بحال ہوگئیں۔
ملکی تاریخ میں پہلی بار ماہانہ بنیاد پر کرنٹ اکاؤنٹ 1.2ارب ڈالر کے ریکارڈ سرپلس ہونے اور مارچ میں 4.1ارب ڈالر کی ترسیلات زر کی ریکارڈ آمد سے سینٹی منٹس مثبت ہوئے اور سرمایہ کاری کے شعبوں کا اعتماد بڑھا ہے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ