سعودی عرب میں جاتی سردی لوٹ آئی
اشاعت کی تاریخ: 7th, March 2025 GMT
ریاض (اُردو پوائنٹ اخبارتازہ ترین۔ 07 مارچ2025ء) سعودی عرب میں جاتی سردی لوٹ آئی، سعودی دارالحکومت ریاض سمیت مملکت کے کئی علاقوں میں بارش سے موسم دوبارہ سرد ہو گیا۔ تفصیلات کے مطابق جمعہ کے روز سعودی عرب کے کئی علاقوں میں بارش نے موسم سرما کی رخصت کا راستہ روک لیا۔ سعودی میڈیا کی رپورٹس کے مطابق جمعہ کے روز سعودی عرب کے دارالحکومت ریاض اور دیگر کئی علاقوں میں ہونے والی بارش نے پھر سے موسم کو سرد کر دیا ہے۔
گزشتہ روز سعودی محکمہ موسمیات کی جانب سے جاری کردہ رپورٹ میں کہا گیا تھا کہ جدہ سمیت بحیرہ احمر کے ساحل پر واقع بیشتر شہروں میں کہیں ہلکی اور کہیں درمیانے درجے کی بارش کا قوی امکان ہے۔ جیزان، جزائر فرسان، الدرب اور بیش کے علاوہ ساحلی پٹی کے لیے ریڈ الرٹ جاری کرتے ہوئے کہا گیا کہ ان شہروں میں گرد آلود تیزہوا کے باعث حد نگاہ انتہائی محدود ہے جبکہ سمندر میں اونچی موجیں اٹھ رہی ہیں، گزشتہ روز کی رپورٹ میں حائل ریجن کے بیشتر شہروں میں گرج چمک کے ساتھ تیز بارش ہونے کا امکان ظاہر کیا گیا۔(جاری ہے)
جبکہ جمعہ کے روز سعودی محکمہ موسمیات کی جانب سے جاری کردہ رپورٹ میں بتایا گیا ہے کہ سعودی عرب کے مختلف علاقے پیر تک شدید بارشوں، تیز ہواؤں کی زد میں رہیں گے۔ سعودی محکمہ موسمیات کے مطابق مکہ ریجن میں طائف، میسان، اضم، العرضیات، رنیہ، تربہ، المویہ ، الخرمہ، اللیث، القنفذہ، مکہ مکرمہ شہر، الجموم اور بحرۃ میں ہلکی سے درمیانے درجے کی بارشوں اور تیز ہوائیں چلنے کا امکان ہے۔ جبکہ دارالحکومت ریاض، الدرعیہ، ضرما، المزاحمیہ، عفیف، الدوادمی، القویعیہ، شقراء، الغاط، الزلفی، المجمعہ، ثادق، رماح، الرین، حریملاء، الخرج، الدلم، الحریق، حوطہ بنی تمیم، مرات اور الافلاج میں بھی تیز ہواوں کے ساتھ درمیانی سے شدید بارشوں کا امکان ہے۔ مملکت کے شمالی ریجن کے علاقوں الجوف، حائل، القصیم، الشرقیہ، الباحہ کے علاوہ تبوک، مدینہ منورہ، عسیر اور جازان میں بھی ہلکی سے درمیانے درجے کی بارشیں ہونے کا امکان ہے۔.ذریعہ: UrduPoint
کلیدی لفظ: تلاش کیجئے امکان ہے کا امکان
پڑھیں:
ملک بھر میں 22 تا 27 اپریل گرمی کی شدید لہر کا امکان، این ڈی ایم اے کا الرٹ جاری
اسلام آباد:ملک بھر میں 22 تا 27 اپریل گرمی کی لہر کا امکان ہے، این ڈی ایم اے نے الرٹ جاری کردیا۔
ایکسپریس نیوز کے مطابق این ڈی ایم اے نے اپنے الرٹ میں کہا ہے کہ 22 تا 27 کے دوران ملک کے بیشتر حصوں موسم خشک اور گرم رہنے کا امکان ہے، بلوچستان اور سندھ کے صوبوں میں ہفتے کے دوران موسم خشک اور درجہ حرارت معمول سے کافی زیادہ رہنے کا امکان ہے۔
اسی طرح خیبرپختونخوا، گلگت بلتستان اور آزاد جموں و کشمیر کے بیشتر علاقوں میں موسم گرم رہنے کا امکان ہے۔
گلگت بلتستان، آزاد جموں و کشمیر کے مختلف علاقوں اور خیبر پختونخوا کے چند اضلاع بشمول ایبٹ آباد، بنوں، بونیر، چارسدہ، چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، پشاور، صوابی، سوات اور وزیرستان میں مطلع جزوی ابر آلود رہنے کے ساتھ ساتھ بارش کا امکان ہے۔
این آئی سی وی ڈی میں بدانتظامیاں عروج پر پہنچ گئیں