برطانیہ کی ہاؤسنگ مارکیٹ میں قیمتوں میں کمی اور ’نازک توازن‘
اشاعت کی تاریخ: 7th, March 2025 GMT
اسلام آباد (اُردو پوائنٹ ۔ DW اردو۔ 07 مارچ 2025ء) فروری میں برطانیہ میں ماہانہ بنیادوں پر جائیداد کی قیمتوں میں 0.1 فیصد کمی واقع ہوئی جس سے گھر کی اوسط قیمت 298,602 پاؤنڈ تک پہنچ گئی۔ اس ماہ مکانات کی قیمتوں میں سالانہ اضافہ 2.9 فیصد رہا، جو جنوری میں بھی یہی تھا۔
ہیلی فیکس میں مورگیجز کے شعبے کی سربراہ امینڈا برائڈن کے مطابق، ’’فروری کے اعداد و شمار برطانیہ کی ہاؤسنگ مارکیٹ میں نازک توازن کو نمایاں کرتے ہیں۔
‘‘انہوں نے کہا کہ اسٹامپ ڈیوٹی میں تبدیلیوں کے لیے اپریل کی ڈیڈ لائن قریب آنے کے ساتھ ہی گھروں کی مانگ میں کمی آنا شروع ہوگئی ہے۔
اپریل سے برطانیہ میں گھر خریدنے والوں کے لیے اسٹامپ ڈیوٹی کی مد میں کچھ رعایتیں کم کر دی جائیں گی۔
(جاری ہے)
اسٹامپ ڈیوٹی ایک قسم کا ٹیکس ہے جو انگلینڈ اور شمالی آئرلینڈ میں لاگو ہوتا ہے۔
برائڈن نے مزید کہا: ''اگرچہ گھروں کی قیمتوں میں اضافہ مجموعی طور پر سست ہو گیا ہے، لیکن مارکیٹ کی سرگرمی برقرار ہے اور اس کا وبائی امراض سے پہلے کی سطح سے موازنہ کیا جا سکتا ہے، جس سے خریداروں میں لچک کا مظاہرہ ہوتا ہے جو قرض لینے کی زیادہ لاگت کے باوجود قائم ہے۔
‘‘ان کا کہنا تھا، ''لوگوں کی گھر خریدنے کی استطاعت کے حوالے سے چیلنجز بدستور موجود ہیں جبکہ مکانات کی دستیابی میں کمی اور ان کی مسلسل طلب سے ظاہر ہوتا ہے کہ اس سال بھی پراپرٹی کی قیمتوں میں اضافہ جاری رہے گا۔‘‘
نائٹ فرینک میں برطانیہ میں رہائش پر کی جانے والی تحقیق کے سربراہ ٹام بل کا کہنا ہے کہ اپریل میں اسٹامپ ڈیوٹی میں اضافے سے قبل کام مکمل کرنے کی جلدی کے باوجود اس سال کے پہلے دو ماہ میں رسد، طلب سے زیادہ رہی جس کی وجہ سے گھروں کی قیمتوں میں کمی کے لیے دباؤ رہا۔
انہوں نے مزید کہا: ''ہم اس سال گھروں کی قیمتوں میں سنگل ڈیجٹ اضافے کی توقع کرتے ہیں لیکن صورتحال تبدیل بھی ہو سکتی ہے۔‘‘
گلڈ آف پراپرٹی پروفیشنلز کے چیف ایگزیکٹیو آئن میک کینزی کے مطابق: ''توقع سے زیادہ سی پی آئی (کنزیومر پرائس انڈیکس) افراط زر کے باوجود بینک آف انگلینڈ نے فروری کے اوائل میں بیس ریٹ کو گھٹا کر 4.
کوئلٹر کی فنانشل پلانر ہولی ٹاملنسن کا کہنا ہے کہ آئندہ چند ماہ ہاؤسنگ مارکیٹ کی سمت کا تعین کرنے میں اہم ہوں گے۔ اگر افراط زر پر قابو پایا جا سکتا ہے اور بینک آف انگلینڈ شرح سود میں کٹوتی کے ساتھ آگے بڑھتا ہے تو ہاؤسنگ مارکیٹ میں تیزی دیکھی جا سکتی ہے۔
تاہم مسلسل افراط زر، رہن کی بلند شرح اور عالمی تجارتی تناؤ طلب کو کم کر سکتے ہیں اور قیمتوں میں اضافے کو کم رکھ سکتے ہیں۔
ا ب ا/ م ا (ڈی پی اے، پی اے میڈیا)
ذریعہ: UrduPoint
کلیدی لفظ: تلاش کیجئے ہاؤسنگ مارکیٹ کی قیمتوں میں گھروں کی
پڑھیں:
آٹے کے بعد گھی کی قیمتوں میں بھی بڑی کمی ریکارڈ
لاہور(نیوز ڈیسک) آٹے کے بعد گھی کی قیمتوں میں بھی نمایاں کمی کردی گئی۔ آج گھی کی قیمت میں اٹھارہ روپے فی کلو کمی ریکارڈ کی گئی۔
تفصیلات کے مطابق گزشہ ایک ماہ میں گھی کی قیمت 29 روپے فی کلو کم ہوئی ہے۔ بتایا گیا ہے کہ درجہ اول کا گھی 580 سے کم ہو کر 550 روپے فی کلو ہو گیا ہے۔
درجہ دوم کا گھی 540 روپے سے کم ہو کر 510 روپے فی کلو ہوگیا۔ درجہ سوم کا گھی 431 روپے سے کم ہو کر 406 روپے کلو ہو گیا۔
پنجاب میں گندم کی فی من قیمت 4 ہزار روپے مقرر کرنے کیلئے لاہور ہائیکورٹ میں درخواست دائر
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری