محسن نقوی کو گدھے اور گھوڑے میں پہچان کرنی چاہیے، عظمیٰ بخاری
اشاعت کی تاریخ: 7th, March 2025 GMT
پنجاب کی وزیر اطلاعات عظمیٰ بخاری نے کہا ہے کہ چیئرمین پی سی بی محسن نقوی کو گدھے اور گھوڑے میں پہچان کرنی چاہیے، ایک سال کے لیے کرکٹ ایونٹس کو ملتوی کرکے ٹیلنٹ ہنٹ کروانا چاہیے۔
وی نیوز کو انٹرویو دیتے ہوئے صوبائی وزیر اطلاعات پنجاب کا کہنا تھا کہ پاکستان کرکٹ میں جو لوگ پرفارم نہیں کر رہے ہیں، انہیں ٹیم میں نہیں ہونا چاہیے تھا۔ ہمارے باؤلرز بولنگ کروانا بھول گئے ہیں، بیٹسمین بیٹنگ کرنا بھول گئے ہیں۔ وہی پچ ہمارے لیے مشکل ہوجاتی ہے جس پر دوسرے بلے باز بال اٹھا اٹھا کر باہر پھینک رہے ہوتے ہیں۔ چیئرمین پی سی بی کو گدھے اور گھوڑے میں پہچان کرنی چاہیے۔
ان کا کہنا تھا کہ ٹیم کی سرجری سے زیادہ ٹیلنٹ ہنٹ کی ضرورت ہے۔ ایک سال کے لیے کرکٹ کے ایونٹس ملتوی کر کے ٹیلنٹ ہنٹ کروانا چاہیے اور نیا ٹیلنٹ سامنے لانا چاہیے۔
’ہمارے ملک میں ٹیلنٹ کی کمی نہیں ہے۔ ہمارے کرکٹرز پارٹیاں کرتے ہیں،کمرشلز کرتے ہیں، وہ یہ سب کچھ کریں لیکن پرفارمنس بھی نظر آنی چاہیے۔ ویرات کوہلی سب زیادہ مہنگا پلیئر ہے، وہ بھی کمرشل کرتا ہے لیکن اس کی کارکردگی پر فرق نہیں پڑ رہا، ہمارے کرکٹرز کی کارکردگی پر بھی فرق نہیں پڑنا چاہیے۔
پنجاب حکومت کے اشتہارات پر ایک سیاسی جماعت کے دل جلوں اور یوٹیوبروں کو زیادہ تکلیف ہوئی ہے
ایک سوال کا جواب دیتے ہوئے عظمی بخاری کا کہنا تھا کہ اشتہارات کے معاملے پر زیادہ تکلیف ایک سیاسی جماعت کے دل جلوں اور یوٹیوبروں کو ہوئی ہے۔ یہ ان کا بغض، تکلیف اور جلن ہے۔ جلن کا علاج تو حکیم لقمان کے پاس بھی نہیں تھا۔
مریم نواز کی کارکردگی دکھانے کے لیے کیا کروں، کوئی کبوتر ہائر کر لوں، وہ چھٹی اٹھائے اور لوگوں کے گھروں میں پھینکواؤں کہ یہ مریم نواز کی ایک سال کی کارکردگی ہے، یا میں اور میرا ڈیپارٹمنٹ نکلے ہر گلی محلے میں اور لوگوں کے دروازے کھٹکھٹائے کہ ہماری چیف منسٹر نے ایک سال میں یہ کام کیے ہیں۔ وزیر اعلیٰ کی کارکردگی بتانا میرا کام ہے، وہ میں کر رہی ہوں۔ اشتہارات دینا میری ذمہ داری ہے۔ رانا ثناء اللہ کو مجھے ہی پوچھنا چاہیے تھا اس میں کوئی دوسری رائے نہیں ہے۔ مریم اورنگرزیب سینئیر منسٹر ہیں شاید انہوں نے اس وجہ سے کہا ہو، اگر انہوں نے کچھ پوچھنا ہے تو مجھ سے پوچھیں۔ مریم اورنگزیب سینئیر منسٹر ہیں ان کی مشاورت سے ہی کام ہوتے ہیں۔
پرویز خٹک کے حوالے سے بات نہ کروں تو کچھ بہتر ہے
ایک سوال کا جواب دیتے ہوئے عظمیٰ بخاری کا کہنا تھا کہ پرویز خٹک کے حوالے سے کچھ نہ کہوں تو بہتر ہے۔ لیڈر شپ نے اتحادی کے طور پر فیصلہ کیا ہے کہ ان کو کابینہ میں لینا ہے تو ٹھیک ہے، کیا کہہ سکتے ہیں۔ اختیار ولی بہتر چوائس ہیں ان کو بھی ان کا حق ملے گا۔
نواز شریف مسلم لیگ ن کے لیے ریڑھ کی ہڈی کی حیثیت رکھتے ہیں
وزیر اطلاعات عظمیٰ بخاری کا کہنا تھا کہ نواز شریف مسلم لیگ ن کے لیے ریڑھ کی ہڈی کی حثیت رکھتے ہیں۔ انہوں نے پنجاب کے تمام ڈویژنز کے ایم پی ایز سے ملاقاتیں کی ہیں۔ نواز شریف آئندہ عوام کو اپنا رول ادا کرتے ہوئے نظر آئیں گے۔ وہ میڈیا پر نہیں آتے شاید اس لیے عوام کو لگتا ہے کہ وہ فعال انداز میں کام نہیں کر رہے ہیں۔ ایسا ہر گز نہیں ہے۔ وفاق ہو یا پنجاب ہر اقدام میں ان کی تجویز اور مشاورت شامل ہوتی ہے۔
پی ٹی آئی سیاسی جماعت نہیں ہے
صوبائی وزیر اطلاعات پنجاب کا کہنا تھا کہ پاکستان تحریک انصاف سیاسی جماعت نہیں ہے۔ اس جماعت نے 9 مئی کیا، پھر 25 مئی کیا، ان کے کارکنان ہاتھوں میں گن اور کیلوں والے ڈنڈے، پیٹرول بم پھینکتے ہیں۔ یہ سیاسی نہیں، دہشت گرد جماعت ہے۔ جب یہ سیاسی دھارے میں آئیں گے تو ان کو جلسے کرنے کی بھی اجازت دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عظمیٰ بخاری.ذریعہ: WE News
کلیدی لفظ: کا کہنا تھا کہ وزیر اطلاعات کی کارکردگی سیاسی جماعت ایک سال نہیں ہے کے لیے
پڑھیں:
قلعہ سیف اللہ جے یو آئی کا قلعہ ہے، نئی جماعت ہمیں کمزور نہیں کر سکتے، مولانا واسع
مجلس عاملہ کے اجلاس سے گفتگو کرتے ہوئے مولانا واسع نے کہا کہ جے یو آئی کا اس سرزمین سے نظریاتی، عوامی اور تاریخی تعلق کسی نوزائیدہ جماعت کے شور و شرابے سے متاثر نہیں ہوسکتا۔ اسلام ٹائمز۔ جمعیت علماء اسلام کے صوبائی امیر و سینیٹر مولانا عبدالواسع نے کہا ہے کہ قلعہ سیف اللہ جیسے جے یو آئی کے مضبوط قلعے کو کمزور کرنے کے لیے مختلف دعوے اور پروپیگنڈے کئے جا رہے ہیں، مگر جے یو آئی کا اس سرزمین سے نظریاتی، عوامی اور تاریخی تعلق کسی نوزائیدہ جماعت کے شور و شرابے سے متاثر نہیں ہوسکتا۔ قلعہ سیف اللہ میں ضلعی مجلس عاملہ کے اہم اجلاس سے خطاب کرتے ہوئے انہوں نے کہا کہ صوبائی اسمبلی کے تین حلقوں میں چند سو ووٹ لینے والوں کا قومی اسمبلی کے وسیع حلقے میں جے یو آئی کو شکست دینے کا دعویٰ نہ صرف مضحکہ خیز ہے، بلکہ سیاسی بلوغت سے محرومی کی واضح مثال ہے۔ مولانا عبدالواسع نے کہا کہ مولانا سمیع الدین آج الیکشن کے میدان میں پوری ثابت قدمی کے ساتھ کھڑے ہیں۔ یہ انتخاب صرف ایک سیاسی مقابلہ نہیں، بلکہ نظریے اور اصول کی عملی تکمیل ہے۔
مولانا عبدالواسع نے مزید کہا کہ مولانا سید شمس الدین نے دین، ملت، تحفظ ختم نبوت اور جمعیت کے مشن کے لیے جو خدمات انجام دیں، وہ تاریخ کا روشن باب ہیں، اور ان کے افکار و نظریات کو آگے بڑھانے کے لیے ان کا وارث آج میدان میں موجود ہے۔ اسی دوران انہوں نے ایک اہم پیشرفت کا عندیہ دیتے ہوئے کہا کہ بہت جلد جمہوری اور حقیقی سیاسی جماعتیں بھی جے یو آئی کے موقف کی تائید کرتے ہوئے، اٹھارہ دسمبر کے ری پول میں جے یو آئی کی باضابطہ حمایت کا اعلان کریں گی۔ انہوں نے کہا کہ اٹھارہ دسمبر کو قلعہ سیف اللہ ثابت کرے گا کہ جے یو آئی کا یہ قلعہ ناقابل تسخیر ہے۔ یہاں جن کی نظریں بدنیتی سے اٹھتی ہیں، وہ ہمیشہ جھکی رہتی ہیں، اور عوام اپنے ووٹ سے ایک بار پھر نظریے اور شہداء کے وارثین کو سرخرو کریں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر