پارلیمنٹ اور لاجز کی سکیورٹی کو مزید بہتر بنایا جائے،ڈپٹی چیئرمین سینیٹ سے آئی جی اسلام آبادکی ملاقات
اشاعت کی تاریخ: 7th, March 2025 GMT
اسلام آباد: ڈپٹی چیئرمین سینیٹ سیدال خان سے پارلیمنٹ ہاؤس میں سیکرٹری وزارت مواصلات،سیکرٹری وزارت ہاؤسنگ اینڈ ورکس اور ڈی آئی جی اسلام آباد نے علیحدہ علیحدہ ملاقاتیں کیں جن میں بلوچستان کے روڈ نیٹ ورک، ہاؤسنگ کے شعبے میں نئے منصوبوں کے آغاز، اسلام آباد میں سیکیورٹی کو مزید بہتر بنانے پر تبادلہ خیال کیاگیا۔ ڈپٹی چیئرمین سینیٹ سیدال خان سے سیکرٹری وزارت مواصلات نے ملاقات کی جس میںبلوچستان میں جاری این ایچ اے منصوبوں کی جلد تکمیل پر زورگیا۔ ڈپٹی چیئرمین سینٹ نے سیکرٹری مواصلات سے تبادلہ خیال کرتے ہوئے پورے ملک خصوصا بلوچستان میں روڈ نیٹ ورک کو بہتر بنانے میں این ایچ اے کی کارکردگی کو سراہا۔ انہوںنے کہاکہ بلوچستان میں جاری منصوبوں پر کام تیز کرنے کی اشد ضرورت ہے روڈ نیٹ ورک کو جتنا بہتر بنایا جائے اتنا ہی عوام کی معیار زندگی بہتر ہوگی سیکرٹری مواصلات کی کاوشیں لائق تحسین ہیں۔ڈپٹی چیئرمین سینیٹ نے ملک میں روڈ نیٹ ورک کی بہتری پر زوردیتے ہوئے کہاکہ بلوچستان میں سڑکوں کی تعمیر سے عوام کو بہترین سفری سہولیات اور معاشی ترقی ملے گی، بلوچستان میں روڈ نیٹ ورک کی توسیع وقت کی اہم ضرورت ہے، ڈپٹی چیئرمین سینیٹ سے سیکرٹری وزارت ہاؤسنگ کی ملاقات میں بلوچستان میں نئے ہاؤسنگ منصوبے شروع کرنے کی ضرورت پر زوردیاگیا،اس موقع پر ڈپٹی چیئرمین سینیٹ سیدال خان نے کہاکہ ہاؤسنگ کا شعبہ انتہائی اہم ہے ملک کی معاشی ترقی میں اہم کردار ادا کر سکتا ہے، ہاؤسنگ کے شعبے میں بھی پبلک پرائیویٹ پارٹنرشپ کے تحت نئے منصوبے شروع کیے جا سکتے ہیں۔ انہوں نے پہلے سے جاری منصوبوں کو جلد از جلد مکمل کرنے کی ہدایت کرتےہوئے کہاکہ سرکاری ملازمین اور عوام کو ہاؤسنگ یونٹس کی شدید کمی کی وجہ سے مشکلات کا سامنا ہے ،انہوں نے وزارت ہاؤسنگ کے اقدامات کو سراہا، التوا کا شکار منصوبوں کو تیز رفتاری سے مکمل کرنے پر زوردیتے ہوئے کہاکہ بلوچستان میں ہاؤسنگ منصوبے شروع کیے جائیں تاکہ رہائشی سہولیات کی کمی کو پورا کیا جا سکے، ڈپٹی چیئرمین سینیٹ نے سرکاری ملازمین کے لیے ہاؤسنگ یونٹس کی شدید کمی پر تشویش کا اظہار کرتےہوئے کہاکہ سرکاری ملازمین کی رہائش کا ڈیٹا اکٹھا کر کے جامع حکمت عملی بنائی جائے، ڈپٹی چیئرمین سینیٹ سے ڈی آئی جی اسلام آباد کی ملاقات میں اسلام آباد میں امن و امان کی صورتحال پر ڈپٹی چیئرمین سینٹ کا ڈی آئی جی اسلام آباد سے تبادلہ خیال کیاگیا ڈی آئی جی آسلام آباد نے اسلام آباد میں شہریوں کے تحفظ کے لیے اٹھا ئے گئے اقدامات پر بریفنگ دی۔اس موقع پرڈپٹی چیئرمین سینیٹ سیدال خان نے کہاکہ اسلام آباد پولیس کی کوششیں لائق تحسین ہیں،پارلیمنٹ اور پارلیمنٹ لاجز کی سکیورٹی کو مزید بہتر بنایا جائے۔ ڈپٹی چیئرمین سینیٹ نےڈی آئی جی اسلام آباد پولیس کی پیشہ ورانہ صلاحیتوں کی تعریف کی۔
Post Views: 1.ذریعہ: Daily Mumtaz
کلیدی لفظ: ڈپٹی چیئرمین سینیٹ سیدال خان ڈی ا ئی جی اسلام ا باد سیکرٹری وزارت بلوچستان میں روڈ نیٹ ورک ڈی ا ئی جی ا ہاو سنگ
پڑھیں:
اوورسیز کانفرنس انتہائی مؤثر رہی، زبردست نتائج سامنے آئیں گے، رانا گلزار
اوور سیز پاکستانی رانا گلزار نے کہا ہے کہ اوورسیز کانفرنسز پہلے بھی ہوچکی ہیں، لیکن اس بار ہونے والی کانفرنس بہت ہی مؤثر تھی، تارکین وطن بہت پُرجوش تھے، اور اب اس کانفرنس کے زبردست نتائج سامنے آئیں گے۔
یہ بھی پڑھیں ‘اوورسیز کنونشن بہت شاندار تھا لیکن کچھ غلطیاں بھی تھیں جنہوں درست ہونا چاہیے’
وی نیوز ایکسکلوسیو میں گفتگو کرتے ہوئے رانا گلزار نے کہاکہ اوورسیز کانفرنس کے زبردست نتائج کی توقعات ہیں، حال ہی میں بیرون ملک سے آنے والی رقوم تاریخ کی بلند ترین سطح پر پہنچیں، اس کانفرنس کے بعد ترسیلات زر میں مزید اضافہ ہوگا۔
انہوں کہاکہ اوور سیز پاکستانیوں کے حوالے سے ایک غلط فہمی پائی جاتی ہے کہ یہ لوگ باہر جاکر وطن کی بدنامی کا باعث بنتے ہیں، حالانکہ حقیقت میں ایسا نہیں ہے، کیوں کہ صرف لندن میں 29 لاکھ سے زیادہ پاکستانی رہتے ہیں، اگر دو چار درجن لوگ غلط حرکات کرتے ہیں تو اسے اوورسیز پاکستانیوں سے نہیں جوڑا جا سکتا۔
رانا گلزار نے کہاکہ انہیں صحافی بننے کا شوق تھا، مگر ایک دوست کے مشورے سے صحافت چھوڑ دی تھی، البتہ وہ اخباروں میں لکھتے رہے ہیں۔ انہوں نے کہا کہ ہم پاکستان میں اردو زبان کی ترقی کے لیے گزشتہ پانچ سال سے کانفرنسز کروا رہے ہیں۔
انہوں نے بلوچستان سے محبت کی کہانی سناتے ہوئے کہاکہ 1999 میں وہ اسلام آباد سے نوکری چھوڑ کر خضدار چلے گئے۔ ’میرا خاندان اور دوست اس فیصلے پر حیران تھے، مگر میں یونائیٹڈ نیشن کے ساتھ 8 سال تک کام کرتا رہا، بلوچستان کے لوگ بہت زیادہ مہمان نواز ہیں۔‘
رانا گلزار نے کہاکہ 8 سال تک بلوچستان میں گراس روٹ پر کام کرنے کی وجہ سے مجھے بلوچستان کے گاؤں گاؤں کے وسائل و مسائل کا ادراک ہے۔
انہوں نے کہاکہ ہم مسلسل بلوچستان کی ترقی کے لیے کام کررہے ہیں، انشااللہ ہم جلد بڑی کامیابی حاصل کریں گے۔
یہ بھی پڑھیں اوورسیز پاکستانی اپنا سرمایہ پاکستان لائیں اور ملک کیخلاف پروپیگنڈا کرنے والوں کو بے نقاب کریں، وزیراعظم شہباز شریف
رانا گلزار نے کہاکہ میں 100 سے زیادہ ممالک کے دورے کر چکا ہوں، لوگ بیرون ممالک جاکر بھی ملک سے انتہائی محبت کرتے ہیں، اور وطن عزیز کی ترقی کے خواہاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اوورسیز پاکستانی اوورسیز کانفرنس پاکستان تارکین وطن رانا گلزار زبردست نتائج وطن عزیز وی نیوز
کراچی: کورنگی کریک میں ماہرین نے دوبارہ آگ لگا دی