بلوچستان؛ مسلح افراد نے تعمیراتی کمپنی کا رولر جلاڈالا، نصیرآباد میں پولیس پر فائرنگ
اشاعت کی تاریخ: 7th, March 2025 GMT
کوئٹہ:
بلوچستان میں مسلح افراد نے تعمیراتی کمپنی کے رولر کو آگ لگا دی جب کہ نصیر آباد کے علاقے میں مسلح افراد نے پولیس پر فائرنگ کردی۔
لیویز ذرائع کے مطابق تحصیل لونی کے علاقے کلی بگٹ میں مسلح افراد نے کنسٹرکشن کمپنی کے رولر کو آگ لگادی۔ یہ تعمیراتی کمپنی دکی تا چمالنگ روڈ کی تعمیر کررہی ہے۔
ذرائع نے بتایا کہ رولر کیمپ سائٹ سے دُور ایک گھر کے سامنے موجود تھا۔ آگ لگائے جانے سے رولر مشین مکمل طور پر جل کر خاکستر ہوگئی۔
دوسری جانب نصیر آباد میں 2 پولیس اہلکار فائرنگ سے زخمی ہو گئے۔ اطلاعات کے مطابق واجہ پل کے نزدیک ڈاکووٴں اور پولیس کے درمیان فائرنگ کا تبادلہ ہوا، جس میں 2 پولیس اہل کار زخمی ہو گئے۔
پولیس کے مطابق ڈاکو موٹرسائیکل، نقدی اور موبائل فون ڈکیتی کرکے فرار ہورہے تھے کہ پولیس کے تعاقب کرنے پر انہوں نے فائرنگ کردی۔
ڈاکوؤں کی فائرنگ سے زخمی ہونے والے اہل کاروں میں ذوالفقار اور زاہد علی شامل ہیں، جنہیں طبی امداد کے لیے اسپتال منتقل کردیا گیا ہے۔
ذریعہ: Express News
کلیدی لفظ: مسلح افراد نے
پڑھیں:
کراچی میں فائرنگ کے 8 واقعات، دو بچوں سمیت 9 افراد زخمی
اورنگی ٹاؤن خیرآباد میں ڈکیتی مزاحمت کے دوران فائرنگ سے کاشف نامی شہری زخمی ہو گیا، سرجانی یوسف گوٹھ میں نامعلوم سمت سے آنے والی گولی لگنے سے عبدالرحیم زخمی ہوا۔ اسلام ٹائمز۔ شہرِ قائد ایک بار پھر فائرنگ کے پے در پے واقعات سے لرز اٹھا۔ مختلف علاقوں میں پیش آنے والے آٹھ علیحدہ علیحدہ فائرنگ کے واقعات میں دو بچوں سمیت کم از کم 9 افراد زخمی ہو گئے۔ پولیس اور ریسکیو ذرائع کے مطابق زخمیوں کو مختلف اسپتالوں میں منتقل کر دیا گیا، جبکہ واقعات کی نوعیت مختلف بتائی جا رہی ہے۔ ناظم آباد مجاہد کالونی میں شادی کی تقریب کے دوران کی جانے والی فائرنگ سے 13 سالہ سمیع اللہ اور 14 سالہ علی عباس زخمی ہو گئے، بنارس فرنٹیئر کالونی میں نامعلوم افراد کی فائرنگ سے اختر حسین زخمی ہوا۔
اورنگی ٹاؤن خیرآباد میں ڈکیتی مزاحمت کے دوران فائرنگ سے کاشف نامی شہری زخمی ہو گیا، سرجانی یوسف گوٹھ میں نامعلوم سمت سے آنے والی گولی لگنے سے عبدالرحیم زخمی ہوا۔ بلدیہ مواچھ گوٹھ میں جھگڑے کے دوران فائرنگ سے علی رضا زخمی ہوا، اورنگی ٹاؤن بلوچ گوٹھ کے قریب فائرنگ سے نیاز نامی شہری زخمی ہوا، نارتھ ناظم آباد بلاک ایچ میں فائرنگ سے بروچہ نامی شخص زخمی ہوا، جبکہ گولیمار پیتل گلی میں جھگڑے کے دوران فائرنگ سے فہد نامی نوجوان کو گولی لگی۔ پولیس حکام کے مطابق تمام واقعات کی نوعیت مختلف ہے۔
کراچی: کورنگی کریک میں ماہرین نے دوبارہ آگ لگا دی