وفاقی کابینہ میں محکموں کی تقسیم، وزراء اور وزرائے مملکت کے قلمدانوں کا اعلان
اشاعت کی تاریخ: 7th, March 2025 GMT
اسلام آباد(طارق محمود سمیر)حکومت پاکستان کی جانب سے جاری کردہ نوٹیفکیشن کے مطابق، وفاقی کابینہ میں شامل وزراء اور وزرائے مملکت کے محکمے مختص کر دیے گئے ہیں۔ اسلامی جمہوریہ پاکستان کے آئین کے آرٹیکل 92 کی شق (1) کے تحت، 27 فروری 2025 کو جاری ہونے والے نوٹیفکیشن کی روشنی میں وفاقی وزراء اور وزرائے مملکت کے محکموں کی تقسیم عمل میں آئی۔
نوٹیفکیشن کے مطابق، طارق فضل چوہدری کو پارلیمانی امور، علی پرویز ملک کو پٹرولیم، اور ایم اورنگزیب خان کھچی کو قومی ورثہ اور ثقافت کا قلمدان سونپا گیا ہے۔ خالد حسین مگسی کو سائنس اور ٹیکنالوجی، محمد حنیف عباسی کو ریلوے، محمد معین وٹو کو آبی وسائل، محمد جنید انور کو سمندری امور، اور محمد رضا حیات ہراج کو دفاعی پیداوار کی وزارت دی گئی ہے۔ اسی طرح، سردار محمد یوسف کو مذہبی امور اور بین المذاہب ہم آہنگی، شازہ فریمہ خواجہ کو انفارمیشن ٹیکنالوجی اور ٹیلی کمیونیکیشن، رانا مبشر اقبال کو پبلک افیئر یونٹ، اور سجاد مصطفی کمال کو نیشنل ہیلتھ سروسز، ریگولیشنز اور کوآرڈینیشن کا قلمدان تفویض کیا گیا ہے۔
وزرائے مملکت میں ملک رشید احمد خان کو نیشنل فوڈ سیکیورٹی اینڈ ریسرچ، عبدالرحمن خان کانجو کو پاور اور پبلک افیئر یونٹ، عقیل ملک کو قانون و انصاف، بلال اظہر کیانی کو ریلوے، اور کیسو مل کھیل داس کو مذہبی امور اور بین المذاہب ہم آہنگی کی وزارت سونپی گئی ہے۔ محمد عون ثقلین کو سمندر پار پاکستانی اور انسانی وسائل کی ترقی، مختار احمد ملک کو نیشنل ہیلتھ سروسز، طلال چوہدری کو داخلہ اور منشیات کنٹرول، اور فجیحہ قمر کو وفاقی تعلیم اور پیشہ ورانہ تربیت کا قلمدان دیا گیا ہے۔
اس کے علاوہ، کچھ وفاقی وزراء کے قلمدان میں رد و بدل بھی کیا گیا ہے۔ خواجہ محمد آصف کو وزارت دفاع، اعظم نذیر تارڑ کو قانون و انصاف کے ساتھ انسانی حقوق کا اضافی قلمدان دیا گیا ہے۔ مصدق مسعود ملک کو موسمیاتی تبدیلی اور ماحولیاتی کوآرڈینیشن، عطا اللہ تارڑ کو اطلاعات و نشریات، خالد مقبول صدیقی کو وفاقی تعلیم اور پیشہ ورانہ تربیت، قیصر احمد شیخ کو بورڈ آف انویسٹمنٹ، عبدالعلیم خان کو مواصلات، چوہدری سالک حسین کو سمندر پار پاکستانی اور انسانی وسائل کی ترقی، اور رانا تنویر حسین کو نیشنل فوڈ سیکیورٹی اینڈ ریسرچ کی وزارت سونپی گئی ہے۔
حکومتی ذرائع کے مطابق، یہ تقرریاں وزیر اعظم کی مشاورت سے کی گئی ہیں تاکہ حکومت کی کارکردگی کو مزید مؤثر بنایا جا سکے اور ملک میں ترقیاتی عمل کو بہتر انداز میں آگے بڑھایا جا سکے۔ وزیر اعظم نے امید ظاہر کی ہے کہ نئی کابینہ قومی مفاد میں بہترین صلاحیتوں کے ساتھ کام کرے گی اور عوامی مسائل کے حل کے لیے سنجیدہ اقدامات اٹھائے گی۔
ذریعہ: Daily Mumtaz
کلیدی لفظ: وزرائے مملکت کو نیشنل ملک کو گیا ہے
پڑھیں:
افغانستان پولیو ختم کرنے کیلئے پاکستان سے بہتر کوششیں کررہا ہے، مصطفی کمال
تقریب سے خطاب کرتے ہوئے وفاقی وزیر نے کہا کہ ملک میں پرائمری اور سیکنڈری ہیلتھ کیئر کا فقدان ہے، ہر شہری کا قومی شناختی کارڈ نمبر اس کا میڈیکل ریکارڈ نمبر بننے جا رہا ہے، وزارتِ صحت ایک مشکل وزارت ہے، غلطی کی گنجائش نہیں۔ اسلام ٹائمز۔ وفاقی وزیرِ صحت سید مصطفی کمال نے کہاہے کہ پاکستان میں صحت کے شعبے میں تحقیق ہو رہی ہے مگر عمل نہیں ہو رہا، افغانستان پولیو ختم کرنے کیلئے پاکستان سے بہتر کوششیں کررہا ہے۔ کراچی میں نجی فارماسوٹیکل کمپنی میں ہیلتھ ریسرچ ایڈوائزری بورڈ کی تقریب سے خطاب کرتے ہوئے انہوں نے کہا کہ ملک میں پرائمری اور سیکنڈری ہیلتھ کیئر کا فقدان ہے، ہر شہری کا قومی شناختی کارڈ نمبر اس کا میڈیکل ریکارڈ نمبر بننے جا رہا ہے۔ وفاقی وزیر نے کہا کہ وزارتِ صحت ایک مشکل وزارت ہے، غلطی کی گنجائش نہیں۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں