اُم حسان کی گرفتاری اور رہائی
اشاعت کی تاریخ: 7th, March 2025 GMT
سلطان صلاح الدین ایوبی ؒ کا ایک قول ہے کہ ’’اگر مجھے ایک عورت کو قید سے رہائی دلانے کے لئے اپنا قلعہ چھوڑنا پڑے تو میں اپنا قلعہ چھوڑ کر عورت کو رہائی دلائوں گا۔اس لئے کہ قلعہ تو میں پھر بزور طاقت حاصل کر لوں گا‘‘۔ مولانا عبدالعزیز نے حکومتی مطالبے پر لال مسجد سے ملحقہ جامعہ حفصہ کی زیر تعمیر عمارت کے کچھ حصے کو مسمار کروا کر جامعہ حفصہ کی پرنسپل اُم حسان سمیت جامعہ سیدہ حفصہ کی نو معلمات و طالبات کو ناجائز قید سے رہائی دلوا دی۔جس انداز میں ہزاروں عالمات کی استاد اُم حسان کو گرفتار کیا گیا،پھر ان کے خلاف جھوٹا مقدمہ درج کیا گیا،پھر انہیں قید میں رکھ کر ان سے اور مولانا عبدالعزیز سے ناجائز مطالبات منوائے گئے اور پھر ان ناجائز مطالبات کے تسلیم کئے جانے کے بعد ان کی رہائی عمل میں لائی گئی،اس سب سے ہمارے ملک کا پولیس اور عدالتی نظام کا اصل چہرہ پوری دنیا کے سامنے بے نقاب ہو گیا ہے۔کہاں ہیں اب وہ نام نہاد انسانی حقوق کی علمبردار این جی اوز کہ جنہیں مقدس ہستیوں کی بدترین توہین کے مرتکب گستاخوں کی گرفتاری پر انسانی حقوق یاد آجاتے ہیں؟کہاں ہیں اب وہ لوگ کہ جو مقدس ہستیوں کی بدترین توہین کے مرتکب گستاخوں کے خلاف قانون کے حرکت میں آنے پر انکوائری کمیشن کے قیام کا واویلا کرتے ہوئے توہین مذہب و توہین رسالت کے قوانین کے غلط استعمال کا جھوٹا پروپیگنڈہ کرکے مذکورہ قوانین کو ختم کرنے کا مطالبہ کررہے ہیں؟ پوری دنیا نے دیکھ لیا کہ مولانا عبدالعزیز اور محترمہ اُم حسان سے غیر قانونی اور ناجائز مطالبات تسلیم کروانے کے لئے اُم حسان وغیرہ کے خلاف انسداد دہشت گردی ایکٹ اور تعزیرات پاکستان کی متعدد دفعات کا غلط استعمال کرتے ہوئے ایک جھوٹا مقدمہ درج کیا گیا۔اب ان دفعات کو ختم کرنے کا مطالبہ کوئی کیوں نہیں کررہا کہ جن کا غلط استعمال اظہر من الشمس ہے؟
مورخہ 19 فروری کی شب محترمہ ام حسان وغیرہ کی گرفتاری کے بعد حکومت اور مولانا عبدالعزیز کے مابین ہونے والے مذاکرات کے متعلق تفصیلات مورخہ 28 فروری کو ترجمان شہداء فائونڈیشن (لال مسجد)نے جاری کرتے ہوئے کہا تھا کہ ’’خطیب لال مسجد مولانا عبدالعزیز کی جانب سے بنائی گئی مذاکراتی کمیٹی اور حکومت کی جانب سے ضلعی انتظامیہ کے اعلیٰ افسران پر مشتمل کمیٹی کے درمیان جاری مذاکرات کا سلسلہ ختم ہو گیا۔مذاکرات کی ناکامی کے بعد حالات جس خطرناک رخ کی طرف بڑھ رہے ہیں،اسے مدنظر رکھتے ہوئے مجبورا ًحقائق عوام کے سامنے رکھنا چاہتا ہوں۔افسوس ناک امر ہے کہ ضلعی انتظامیہ کے ساتھ جاری مذاکراتی عمل ناکام ہو گیا۔ہمیں افسوس ہے کہ معاملات کو افہام و تفہیم سے حل کرنے کی ہماری کوشش کامیاب نہیں ہو سکی.
ضلعی انتظامیہ کی پہلی شرط پر مولانا عبدالعزیز کی جانب سے بتایا گیا کہ کبھی بھی غیر اخلاقی سرگرمیوں کے خلاف ام حسان نے قانون کو اپنے ہاتھ میں نہیں لیا۔ آئندہ بھی قانون کو ہاتھ میں نہیں لیا جائے گا۔ضلعی انتظامیہ کو بتایا گیا کہ جب کبھی بھی کوئی غیر اخلاقی سرگرمی ہوئی تو اس کے خلاف کارروائی کے لئے 15 کو کال اور متعلقہ مجسٹریٹ سے رابطہ کیا گیا۔ضلعی انتظامیہ کی دوسری شرط پر یہ کہا گیا کہ اگر کسی مسجد و مدرسے کے متعلق کوئی تنازع کھڑا ہو تو اسے حل کرنے کے لئے جید علمائے کرام کی کمیٹی بنا دی جائے۔وہ کمیٹی اس تنازع کے متعلق فیصلہ کرے۔ام حسان ایسے تنازعات میں نہیں پڑیں گی۔گویا کہ کمیٹی نے ام حسان وغیرہ کی رہائی کے لئے ضلعی انتظامیہ کی تین شرائط میں سے دو شرائط تسلیم کر لی تھیں۔ضلعی انتظامیہ کی تیسری شرط جو کہ لال مسجد کے ساتھ جامعہ حفصہ کی دوبارہ تعمیر کی گئی بلڈنگ کی مسماری کے متعلق تھی،اس پر ڈیڈ لاک تھا۔مولانا عبدالعزیز کا موقف تھا کہ لال مسجد آپریشن کے متعلق سپریم کورٹ نے از خود نوٹس کیس میں 02 اکتوبر 2007ء کو وفاقی حکومت اور سی ڈی اے کو حکم دیا تھا کہ وہ لال مسجد کے ساتھ پرانی جگہ پر ہی جامعہ حفصہ کو ایک سال کے اندر دوبارہ تعمیر کرے۔سپریم کورٹ کے اس فیصلے کی روشنی میں وفاقی حکومت اور سی ڈی اے لال مسجد کے ساتھ پرانی جگہ پر ہی جامعہ حفصہ کی دوبارہ تعمیر کی پابند تھی۔وفاقی حکومت اور سی ڈی اے نے سپریم کورٹ کے مذکورہ فیصلے پر عملدرآمد نہیں کیا۔وفاقی حکومت اور سی ڈی اے نے سپریم کورٹ کے مذکورہ فیصلے پر عملدرآمد نہیں کیا تو ہم نے از خود جامعہ حفصہ کی دوبارہ تعمیر شروع کر دی۔
(جاری ہے)
ذریعہ: Daily Ausaf
کلیدی لفظ: مولانا عبدالعزیز کی جانب سے ضلعی انتظامیہ کی جانب سے ضلعی انتظامیہ کے مذاکراتی کمیٹی جامعہ حفصہ کی مذاکراتی عمل مذاکرات کے سپریم کورٹ میں نہیں کمیٹی نے کے متعلق کیا گیا کے خلاف کی گئی کے بعد کے لئے
پڑھیں:
ٹنڈوالٰہیار،مرکز اہلسنت سنی تحریک کے ضلعی دفتر کا افتتاح
data-id="863a0a8" data-element_type="widget" data-widget_type="theme-post-content.default">
ٹنڈوالٰہیار(نمائندہ جسارت) مرکز اہلسنت پاکستان سنی تحریک کے ضلعی دفتر کا افتتاح کر دیا گیا مر کز اہلسنت پاکستان سنی تحریک کے ڈویژنل صدر عابد قادری،اور ضلعی صدر رضوان قادری نے ٹنڈوالہیار پہنچ کر تنظیم کے ضلعی دفتر کا ربن کاٹ کر افتتاح کیا مر کز اہلسنت پاکستان سنی تحریک کے ضلعی صدر سید سر ور شاہ کو مقر ر کیا گیا جبکہ نائب صدر سید اصغر شاہاور جنر ل سیکرٹری سید ممتاز شاہ عر ف بابو شاہ جبکہ ریاض قمبرانی کو ضلعی رابط کمیٹی کا ممبر سید تصور شاہ کو پر یس سیکرٹری بننے کا نوٹیفکیشن بھی دیا گیا۔ اس موقعے پر ڈویژ نل صدر عابد قادی نے اپنے خطاب میں کہا کہ پاکستان کو اس وقت اتحاد، نظم و استحکام کی اشد ضرورت ہے، پاک فوج ملک کی سلامتی، دہشت گردی کے خاتمے اور امن کے قیام کے لیے دن رات قربانیاں دے رہی ہے، قوم کو اپنے اداروں پر مکمل اعتماد رکھنا چاہیے ملک میں سیاسی منظر نامہ تبدیل ہو تا ہوا نظر آرہا ہے ملک میں ایک پے ایک ترامیم لا ئی جا رہی ہیں ملک تر قی کے بجائے پشتی کی جا نب جا رہا ہے مذہبی تنظیمیں ملک بھر میں حب وطنی اور مذہبی راوداری کو فروغ دینے پر عمل پیرا ہے ملک و قوم کا مستقبل نو جوان خاص طلبہ سے تعلیم کو چھینا جا رہا ہے تعلیم کو اتنا مہنگا کر دیا گیا ہے کہ غر یب والدین اپنے بچوں کو تعلیم سے دور رکھنے کے لیے مجبور ہو چکے ہیں ایسے نوجوانوں کے لیے پاکستان سنی تحریک ایک امید کی کر ن لے کر شمع کو روشن بنانے کے لیے جہدوجہد کر رہی ہے جبکہ ضلعی صدر حیدرآباد رضوان قادری نے کہا کہ روحانی تربیت، صوفیائے کرام کی تعلیمات اور اخلاقی اصولوں سے رہنمائی حاصل کرنا انتہائی اہم ہے۔انہوں نے کہا کہ حکومت نے آئی ایم ایف کے دباؤ پر ایسے فیصلے کیے جن کا براہِ راست بوجھ عوام پر پڑا ہے۔ پیٹرول، بجلی اور گیس کی قیمتوں میں بے تحاشا اضافہ نے غریب اور متوسط طبقے کی کمر توڑ کر رکھ دی ہے کاروبار بند ہورہے ہیں، صنعتیں زوال کا شکار ہیں جبکہ متوسط اور غریب طبقہ شدید معاشی بدحالی سے دوچار ہے، آئی ایم ایف کی پالیسیاں پاکستان کی معاشی خودمختاری کے خلاف ہیں اور ان پر عمل درآمد سے ملکی ادارے، وسائل اور معیشت بیرونی کنٹرول میں چلے جاتے ہیں، جو قومی سلامتی کے لیے بھی خطرناک ہے۔ پاکستان کی معیشت کا حل بیرونی قرضوں پر انحصار نہیں بلکہ اسلامی معاشی اصولوں، خود انحصاری، کرپشن کے خاتمے اور منصفانہ معاشی نظام کے نفاذ میں ہے۔ ملک کو معاشی تباہی سے نکالنے کا واحد راستہ نظامِ مصطفیٰ کے نفاذ اوراسلام کے عادلانہ معاشی نظام کے قیام میں ہے۔ نو منتخب صدر سید سر ور شاہ نے کہا کہ ہمارا کسی اختلاف نہیں ہم مر کزی صدر شاداب رضا کے ساتھ کھڑے ہیں ہم پاکستان زندہ باد کہنے والے ہیں یہ ملک ہمارا ہے اور افواج پاکستان بھی ہماری ہے ۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر