سلمان اکرم کی بات ساتھ چلنے اور ساتھ چلانے والی نہیں: جے یو آئی سینیٹر
اشاعت کی تاریخ: 7th, March 2025 GMT
اسلام آباد (ڈیلی پاکستان آن لائن )جے یو آئی ف کے رہنما سینیٹر کامران مرتضیٰ کا کہنا ہے کہ سلمان اکرم راجا نے اتحاد سے متعلق جو بات کی ہے وہ ساتھ چلنے والی اور ساتھ چلانے والی دوستوں کی بات نہیں ہے۔
نجی ٹی وی جیو نیوز کے ایک پروگرام میں بات چیت کرتے ہوئے سینیٹر کامران مرتضیٰ کا کہنا تھاکہ ممکن ہے ہم اسٹیبلشمنٹ سے ہاتھ ملانے کی خواہش کے بغیر آگے بڑھنے کا سوچ رہے ہوں۔ان کا کہنا تھاکہ ہم نہ اپنی بارگیننگ پوزیشن بڑھانا چاہتے ہیں اور نہ کسی اور کی بارگیننگ پوزیشن بڑھانا چاہتے ہیں۔
گزشتہ روز میڈیا سے گفتگو کرتے ہوئے چیئرمین پبلک اکاونٹس کمیٹی اور پی ٹی آئی رکن اسمبلی جنید اکبر کا کہنا تھاکہ ہماری خواہش ہے کہ مولانا فضل الرحمان ہمارے ساتھ چلیں لیکن مولانا فضل الرحمان کو پی ٹی آئی سے کچھ تحفظات ہیں اور ہماری جماعت کو بھی ان سے کچھ تحفظات ہیں۔
جنید اکبر کا کہنا تھا کہ ہم مولانا فضل الرحمان کے تحفظات دور کرنا چاہتے ہیں، عمران خان سے ملاقات میں دونوں جماعتوں کا مو¿قف ان تک پہنچائیں گے۔
گزشتہ روز اڈیالہ جیل کے باہر میڈیا سے گفتگو کرتے ہوئے جنید اکبر نے اسٹیبلشمنٹ سے رابطوں کا اعتراف کرتے ہوئے کہا تھاکہ میں یہ کبھی نہیں کہوں گا کہ ہمارے اسٹیبلشمنٹ سے رابطے نہیں، رابطے ہوتے ہیں بالواسطہ اور بلاواسطہ بھی ہوتے ہیں۔
صدر پی ٹی آئی کے پی جنید اکبر کا کہنا تھاکہ اداروں سے رابطوں پر ہمیں کوئی شرم بھی نہیں کیونکہ ہمارے اپنے ادارے ہیں، بات یہ ہے کہ عوام اور اداروں کے مابین فاصلے نہیں بڑھنے چاہئیں، ہم کسی کے ساتھ نہیں ٹکرائے ہمارے ساتھ لوگ ٹکرائے ہیں۔
کیا بغیر وضو لیپ ٹاپ یا موبائل سکرین پر قرآن مجید کی تلاوت کی جاسکتی ہے؟
مزید :.ذریعہ: Daily Pakistan
کلیدی لفظ: کا کہنا تھاکہ کرتے ہوئے جنید اکبر
پڑھیں:
کینال منصوبوں سے سندھ اور پنجاب کے کسانوں کو نقصان ہوگا، سعید غنی
میڈیا سے گفتگو کرتے ہوئے سندھ کے صوبائی وزیر نے کہا کہ سی سی آئی (کونسل آف کامن انٹرسٹس) کا اجلاس فوری بلایا جائے تاکہ وفاق صوبوں کے تحفظات سنے، اگر ضرورت پڑی تو سی سی آئی کے فیصلے کے خلاف قومی اسمبلی کے جوائنٹ سیشن میں بھی جایا جا سکتا ہے۔ اسلام ٹائمز۔ سندھ کے صوبائی وزیر سعید غنی نے کینال منصوبوں پر شدید تحفظات کا اظہار کیا ہے۔ میڈیا سے گفتگو کرتے ہوئے انہوں نے کہا کہ نہروں کا معاملہ سندھ اور پنجاب دونوں کے لیے نہایت اہم ہے اور بارہا نشاندہی کے باوجود اس مسئلے پر مناسب توجہ نہیں دی جا رہی۔ سعید غنی نے کہا کہ ہم بار بار کہہ رہے ہیں کہ کینالوں کے بننے سے سندھ اور پنجاب کے کسانوں کو نقصان ہوگا، جب پانی کی قلت پہلے ہی ہے تو کیسے مزید کینالیں بنائی جا سکتی ہیں؟ انہوں نے نشاندہی کی کہ اس وقت سندھ اور پنجاب میں پانی کی شدید قلت ہے اور موجودہ پانی سے بھی اس سال فصل ممکن نہیں، ہماری ذمہ داری ہے کہ سندھ کے عوام کا مقدمہ ہر فورم پر لڑیں۔
صوبائی وزیر نے کہا کہ کینال منصوبے کو صرف جلسوں کے ذریعے نہیں بلکہ اسمبلی کے اندر بھی روکا جائے گا۔ انہوں نے زور دیا کہ سی سی آئی (کونسل آف کامن انٹرسٹس) کا اجلاس فوری بلایا جائے تاکہ وفاق صوبوں کے تحفظات سنے۔ سعید غنی کا کہنا تھا کہ اگر ضرورت پڑی تو سی سی آئی کے فیصلے کے خلاف قومی اسمبلی کے جوائنٹ سیشن میں بھی جایا جا سکتا ہے۔ مزید برآں، انہوں نے مخالفین پر تنقید کرتے ہوئے کہا کہ جو ہمارے خلاف بات کرتے ہیں، ان کے پاس خود کوئی آئینی یا سیاسی فورم موجود نہیں۔ انہوں نے عمرکوٹ کے حالیہ انتخابات کا حوالہ دیتے ہوئے کہا کہ عوام نے ایک بار پھر پیپلز پارٹی پر اعتماد کا اظہار کیا ہے۔
کراچی: کورنگی کریک میں ماہرین نے دوبارہ آگ لگا دی