آسٹریلیا؛ جہاز میں سوار ہونے والا مسلح شخص کو مسافروں اور پائلٹ نے پکڑ لیا، ایئرپورٹ بند
اشاعت کی تاریخ: 6th, March 2025 GMT
VICTORIA, AUSTRALIA:
آسٹریلیا کے ایوالون ایئرپورٹ پر مسلح شخص کی جہاز میں سوار ہونے کی کوشش مسافروں اور پائلٹ نے ناکام بناتے ہوئے پکڑ لیا اور اس کے نتیجے میں ایئرپورٹ کو بند کردیا گیا۔
میڈیا رپورٹس کے مطابق مشتبہ شخص نے ورکر کا لباس زیب تن کیا ہوا تھا اور سڈنی جانے والی پرواز جے کیو 640 پر سوار ہونے کے لیے داخل ہونے کی کوشش کر رہا تھا تو مسافروں اور پائلٹ نے پکڑ لیا۔
وکٹوریا پولیس نے مشتبہ شخص کو جائے وقوع سے گرفتار کرلیا اور گرفتاری کے دوران کسی کے زخمی ہونے کی اطلاع نہیں ملی۔
ویڈیو میں دیکھا جاسکتا ہے کہ پولیس افسران مشتبہ شخص کو لے کر جا رہے ہیں، جو ورکر کے لباس میں ہیں۔
View this post on InstagramA post shared by 7NEWS Australia (@7newsaustralia)
مقامی میڈیا نے بتایا کہ مشتبہ شخص طیارے میں ایئرلائن کے ٹیکنیشن کے بھیس میں سوار ہوا تھا اور اس کے پاس چھری اور ایک شاٹ گن موجود تھی۔
عینی شاہد بیکر نے بتایا کہ جس مسافروں نے محسوس کیا کہ مذکورہ شخص مسلح ہے تو انہوں نے پائلٹ کی مدد سے اس سے زمین پر گرایا۔
مسلح شخص کو گرفتار کروانے میں مدد کرنے والے مسافر بیری کلارک کا کہنا تھا کہ مشتبہ شخص ٹیکنیشن کے لباس میں داخل ہوا تھا، جیسے ہی وہ داخل ہوا تو ایئرہوسٹس ان سے سوال کر رہی تھیں تو اسی دوران وہ غصے میں آگیا۔
ان کا کہنا تھا کہ ہمیں معلوم ہونے تک ایک شاٹ گن نکال لیا تھا تو میں نے ایئرہوسٹس کو راستے سے ہٹا دیا اور مشتبہ شخص کے ہاتھ سے گن چھین کر توڑ دیا اور سیڑھیوں کی طرف پھینک دیا۔
انہوں نے بتایا کہ اس کے بعد میں نے اس کو پکڑا اور اٹھا کر زمین پر پٹخ دیا، اتنے میں پولیس آگئی۔
وکٹوریا پولیس نے واقعے کی تصدیق کی کہ آتشیں اسلحے سے لیس شخس کی کمرشل فلائٹ میں داخل ہونے کی کوششوں کی خبر کے بعد افسران کو ایوالون ایئرپورٹ پر طلب کرلیا گیا تھا۔
View this post on InstagramA post shared by The Project (@theprojecttv)
پولیس نے بیان میں کہا کہ مشتبہ شخص کو جہاز میں بیٹھنے سے قبل ہی گرفتار کرلیا گیا اور پولیس طلب کرلی گئی تھی اور افسران نے کارروائی کرتے ہوئے مشتہ شخص کو حراست میں لے لیا۔
بیان میں کہا گیا کہ خوش قسمتی سے واقعے میں کوئی زخمی نہیں ہوا تاہم واقعے کی تفتیش جاری ہے۔
ایوالون ایئرپورٹ کے سی ای او ایری سوس نے بھی واقعے کی تصدیق کی اور کہا کہ تاحکم ثانی ایئرپورٹ کو مسافروں کے لیے بند کردیا گیا تھا۔
انہوں نے کہا کہ ہم اس وقت صورت حال کی تفتیش کر رہے ہیں اور اولین ترجیح مسافروں اور ہمارے عملے کی سلامتی ہے۔
جیسٹار نے تصدیق کی کہ یہ سیکیورٹی خلاف ورزی ہے لیکن تفتیش کے حوالے سے تمام ذمہ داری وکٹوریا پولیس اور ایوالون ایئرپورٹ کے عہدیداروں پر ڈال دی۔
قبل ازیں گزشتہ ہفتے آسٹریلیا کے شمال مغربی وکٹوریا میں ملڈورا ایئرپورٹ پر پائلٹ کی غلطی سے کوئنٹاس لنک طیارہ پرواز بھرنے کے دوران رن وے کی لائٹس سے ٹکرا گیا تھا۔
بعد ازاں تفتیش کے دوران پائلٹ کا میڈیکل ٹیسٹ کیا گیا جس میں ممنوعہ ادویات لینے سے متعلق ان کا ٹیسٹ مثبت آیا تھا اور اس کے بعد طیارے کے دونوں پائلٹس کو سیفٹی ریگیولیٹرز اور ایئرلائن دونوں کے سامنے تفتیش کے پیش کیا گیا۔
.ذریعہ: Express News
کلیدی لفظ: مسافروں اور ہونے کی شخص کو
پڑھیں:
ایسٹر پر کم سن بچی کو مبینہ زیادتی کے بعد قتل کرنے والا سگا ماموں نکلا
راولپنڈی:راولپنڈی تھانہ مندرہ کے علاقے میں کم سن بچی کو مبینہ زیادتی کے بعد قتل کرنے والا ملزم پولیس نے گرفتار کرلیا، ملزم مقتولہ بچی کا سگا ماموں ہے۔
ملزم ایسٹر کے موقع پر بچی کو بھلا پھسلا کر زیر تعمیر گھر میں لے گیا جہاں اس کے ساتھ مبینہ زیادتی کے بعد قتل کر دیا۔
پولیس ذرائع نے بتایا کہ مسیحی برادری سے تعلق رکھنے والی کم۔سن بچی کو زیادتی کے بعد قتل کرنے والے ملزم کو پولیس کی سپیشل ٹیم نے گرفتار کیا ہے، گرفتار ملزم مقتولہ بچی کا سگا ماموں اور عادی نشئی ہے۔
مزید پڑھیں: راولپنڈی، 7 سالہ کرسچن بچی کی پراسرار ہلاکت، پوسٹ مارٹم میں تاخیر، لواحقین انصاف کے منتظر
ملزم کو پولیس نے مندرہ کے علاقہ سے گرفتار کیا گیا، ملزم 7سالہ بچی کو بہلا پھسلا کر ساتھ لے گیا،زیر تعمیر مکان میں زیادتی کے بعد بے دردی سے قتل کردیا۔
ملزم نے بچی کو ایسٹر کی خوشی میں چیز دلانے کا جھانسہ دیا تھا، ملزم نے بچی کا گلا دبایا اور تشدد بھی کیا تھا۔
واقعہ کا مقدمہ تھانہ مندرہ میں مقتولہ بچی کے والد کی مدعیت میں درج ہے، بچی کی لاش اتوار اور پیر کی درمیانی شب 5 مرلہ اسکیم میں زیر تعمیر گھر کے فرسٹ فلور پر واش روم سے ملی تھی۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش