”اب ہو گا رات بھر ۔۔۔،،اسلام آباد میں آئی ڈی سی لیب کے ڈیجیٹل سائن بورڈ پر غیر اخلاقی پیغام کی مبینہ ویڈیو سامنے آگئی
اشاعت کی تاریخ: 6th, March 2025 GMT
اسلام آباد (نیوز ڈیسک) وفاقی دارالحکومت میں واقع اسلام آباد ڈائیگنوسٹک سینٹر (IDC) کی ایک برانچ کے باہر نصب ڈیجیٹل سائن بورڈ پر مبینہ طور پر غیر اخلاقی پیغام نشر ہونے کا انکشاف ہوا جس پر شہری شدید برہم ہو گئے۔
یہ معاملہ اس وقت سامنے آیا جب ایک سوشل میڈیا صارف نے ایک مبینہ ویڈیو شیئر کی، جس میں وہ اسلام آباد کے خوشگوار موسم پر بات کر رہا تھا تاہم اچانک اس کی نظر آئی ڈی سی کے ڈیجیٹل سائن بورڈ پر آنے والے قابل اعتراض الفاظ پر پڑی، جسے دیکھ کر وہ حیران رہ گیا۔ویڈیو بنانے والے شہری کو یہ کہتے سنا جا سکتا ہے کہ یہ IDC کے ساتھ کیا ہو گیا ہے، رمضان کے دوران ایسے پیغامات عوامی سطح پر کیوں دکھائے جا رہے ہیں؟مبینہ ویڈیو میں نظر آنے والی IDC برانچ کی درست لوکیشن کی تصدیق نہیں ہو سکی، لیکن مناظر سے ظاہر ہوتا ہے کہ یہ حبیب میٹرو بینک کے قریب واقع ہے۔بظاہر ایسا لگتا ہے کہ کسی نے جان بوجھ کر یہ نازیبا پیغام ڈیجیٹل بورڈ پر چلایا، تاہم لیبارٹری انتظامیہ کی جانب سے کوئی سرکاری بیان تاحال جاری نہیں کیا گیا۔یہ ویڈیو سوشل میڈیا پر تیزی سے وائرل ہو رہی ہے، تاہم اس کی اصل حقیقت ابھی سامنے نہیں آ سکی۔
مزیدپڑھیں:سمیڈا میں بین الاقوامی معیارکی ورک فورس بھرتی کی جائے، وزیراعظم
ذریعہ: Daily Ausaf
کلیدی لفظ: اسلام آباد
پڑھیں:
کراچی میں اناڑی سکیورٹی گارڈ نے گولی چلادی، نوجوان زخمی؛ ویڈیو سامنے آ گئی
کراچی:اناڑی سکیورٹی گارڈ سے گولی چلنے کے نتیجے میں 17 سالہ نوجوان زخمی ہوگیا، واقعے کی ویڈیو بھی سامنے آ گئی۔
واٹر پمپ کے علاقے میں ایک نجی ریسٹورنٹ کے باہر اناڑی سکیورٹی گارڈ کی غفلت سے فائرنگ کا واقعہ پیش آیا، جس میں 17 سالہ نوجوان آیان زخمی ہو گیا۔
واقعے کی سی سی ٹی وی فوٹیج منظرِ عام پر آ گئی ہے، جس میں سیکیورٹی گارڈ کو اسلحے سمیت دیکھا جا سکتا ہے جب کہ فائرنگ سے قبل وہ ایک ضعیف شخص کے ساتھ بحث بھی کرتا ہے۔
فوٹیج میں واضح ہے کہ سکیورٹی گارڈ اسلحہ کو دیکھ رہا تھا کہ اسی دوران اچانک ایک نوجوان زخمی حالت میں نظر آتا ہے۔ گولی آیان کی ٹانگ پر لگی، جس کے بعد موقع پر موجود شہری مشتعل ہو گئے اور سکیورٹی گارڈ کو پکڑ لیا۔
سی سی ٹی وی فوٹیج کے مطابق سکیورٹی گارڈ نے خود کو مشتعل شہریوں سے بچانے کے لیے نجی ریسٹورنٹ کے اندر پناہ لی۔
واضح رہے کہ واقعہ 2 روز قبل کراچی کے جوہر آباد تھانے کی حدود میں پیش آیا تھا، پولیس کے مطابق اناڑی سکیورٹی گارڈ کو حراست میں لے لیا گیا ہے اور مزید کارروائی جاری ہے۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟