’اچھے لباس والی خواتین کو انعام‘ فہد مصطفیٰ کے گیم شو پر تنقید
اشاعت کی تاریخ: 6th, March 2025 GMT
کراچی(شوبز ڈیسک)فہد مصطفیٰ کے گیم شو ’جیتو پاکستان‘ میں خواتین کی جانب سے اچھا لباس پہننے کے نئے سیگمنٹ کو شروع کرنے پر تنقید کا سامنا ہے۔
’جیتو پاکستان‘ نامی گیم شو کا شمار ملک کے مقبول ترین شوز میں ہوتا ہے اور یہ شو گزشتہ 11 سال سے مسلسل نشر ہوتا آ رہا ہے۔
پروگرام کو ماضی میں بھی متنازع سیگمنٹ شامل کرنے پر تنقید کا نشانہ بنایا جاتا رہا ہے، تاہم حال ہی میں شو میں شروع کیے گئے نئے سیگمنٹ پر صارفین نے اظہار برہمی کیا۔
گیم شو میں ’اچھا لباس پہن کر آنے والی خواتین‘ کو انعام دینے کا نیا سیگمنٹ شروع کیا گیا، جس پر صارفین نے میزبان اور ٹی وی انتظامیہ کو آڑے ہاتھوں لیا۔
پروگرام کے نئے سیگمنٹ میں شو میں شریک ہونے والی کسی ایک خاتون کو اچھا لباس پہننے پر انعام دیا گیا، جس پر صارفین نے میزبان کو آڑے ہاتھوں لیا۔
سیگمنٹ کے تحت گیم شو میں شامل مہمانوں نے شو میں اچھا لباس پہن کر شریک ہونے والی چار خواتین کو بلایا، جس میں سے ایک خاتون کو انعام دیا گیا۔
جیتنے والی خاتون کا فیصلہ شو میں موجود باقی شائقین نے تالیاں بجا کر کیا۔
شو میں مذکورہ سیگمنٹ کو شامل کرنے پر فہد مصطفیٰ اور ٹی وی چینل انتطامیہ کو آڑے ہاتھوں لیتے ہوئے صارفین نے گیم شو ہی بند کرنے کا مطالبہ کیا۔
بعض افراد نے فہد مصطفیٰ کو سمجھایا کہ اچھا نہیں بلکہ مہذب لباس بولیں اور مہذب لباس پہننے والی خاتون کو ہی انعام دیں۔
کچھ افراد نے نئے سیگمنٹ کو فضول قرار دیتے ہوئے مطالبہ کیا کہ جن بچیوں کو ایسے انعامات کی ضرورت ہے، انہیں دیے جائیں تاکہ وہ اپنی تعلیم جاری رکھ سکیں۔
بعض صارفین نے لکھا کہ دوسروں کے گریبان میں جھانکنے سے قبل اپنے گریبان میں جھانکنا چاہیے۔
کچھ لوگوں نے سیگمنٹ کو بیہودہ قرار دیا اور اس بات پر بھی اظہار برہمی کیا کہ رمضان المبارک میں ایسے پروگرامات نشر کیے جا رہے ہیں۔
بعض صارفین نے یہ بھی لکھا کہ اگر خواتین کو انعام دینا ہی ہے تو حجاب پہن کر آنے والی خواتین کو منتخب کریں۔
View this post on Instagram
A post shared by ARY Digital (@arydigital.
مزیدپڑھیں:ایک لاکھ 30 ہزار گھروں کی مفت سولرائزیشن اسکیم متعارف
ذریعہ: Daily Ausaf
کلیدی لفظ: نئے سیگمنٹ صارفین نے اچھا لباس خواتین کو فہد مصطفی سیگمنٹ کو کو انعام نے والی گیم شو
پڑھیں:
مصطفیٰ عامر قتل کیس کے ملزم ارمغان کی پولیس پر فائرنگ، سی سی ٹی وی فوٹیج سامنے آگئی
مصطفیٰ عامر کے قتل میں ملوث مرکزی ملزم ارمغان کے گھر پر پولیس کے چھاپے کے دوران پولیس پر فائرنگ کی سی سی ٹی وی فوٹیج سامنے آگئی ہے
سی سی ٹی وی فوٹیج میں ملزم ارمغان کو ایم فور رائفل سے پولیس پر فائرنگ کرتے دیکھا جاسکتا ہے۔
یہ بھی پڑھیں: مصطفیٰ عامر قتل کیس : ملزم ارمغان کی مشکلات میں اضافہ، ایف آئی اے نے پھر ریمانڈ مانگ لیا
سی سی ٹی وی فوٹیج میں دیکھا جاسکتا ہے ہے کہ پولیس کراچی ڈیفنس خیابان مومن میں ملزم ارمغان کے گھر پر داخل ہوتی ہے، اس دوران ملزم کی فائرنگ سے ڈی ایس پی اے وی سی سی احسن ذوالفقار اور پولیس اہلکار زخمی بھی ہوئے۔
سی سی ٹی وی فوٹیج میں پولیس کے چھاپے کے دوران گھر میں موجودایک لڑکی کو بھی دیکھا جاسکتا ہے، پولیس کی کئی گھنٹوں کی کوششوں کے بعد ملزم ارمغان کو گرفتار کیا گیا۔
یہ بھی پڑھیں: مصطفیٰ عامر قتل کیس، ملزم ارمغان کے بینک اکاؤنٹس سے 20 ارب روپے کی منی لانڈرنگ
یاد رہے کہ رواں سال 6 جنوری کو نوجوان مصطفیٰ عامرکو اسی گھر تشدد کیا گیا تھا، ملزمان نے مصطفیٰ عامر کی زخمی حالت میں گاڑی میں ڈال کر گاڑی سمیت زندہ جلا دیا تھا، ملزم نے دوران تفتیش جرم کا اعتراف بھی کرلیا تھا تاہم بعد میں وہ اپنے بیان سے مکر گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس سی سی ٹی وی فوٹیج فائرنگ مصطفیٰ عامر قتل کیس ملزم ارمغان
امریکی شہریت رکھنے والے یرغمالی سے متعلق حماس کا اہم بیان سامنے آگیا