پوپ فرانسس کی علالت سے ویٹیکن میں غیر یقینی صورتحال، اہم تقریبات معطل
اشاعت کی تاریخ: 6th, March 2025 GMT
ویٹیکن سٹی: پوپ فرانسس کی علالت کے باعث ویٹیکن میں معمول کی سرگرمیاں متاثر ہو رہی ہیں، جبکہ کیتھولک چرچ میں بے یقینی کی فضا چھا چکی ہے۔
سینٹ پیٹرز اسکوائر پر سیاحوں اور زائرین کی آمد و رفت جاری ہے، لیکن ویٹیکن کے اندر پوپ کے مصروف ترین معمولات معطل پڑے ہیں۔ پوپ فرانسس کی طبیعت ناساز ہونے کے بعد سے اہم مذہبی اجتماعات، ملاقاتیں اور سفارتی تقریبات منسوخ کر دی گئی ہیں۔
ویٹیکن سیکیورٹی کے نگران سوئس گارڈ کے ترجمان ایلیاہ سینوٹی کے مطابق، "ہم کم سے کم خدمات انجام دے رہے ہیں، پوپ کی غیر موجودگی میں کارڈینلز کچھ دعائیہ اجتماعات کی قیادت کر رہے ہیں، لیکن زیادہ تر سرگرمیاں ملتوی ہو چکی ہیں۔"
ویٹیکن کے مختلف محکموں میں روزمرہ کی سرگرمیاں کسی حد تک جاری ہیں، تاہم پوپ کی بیماری کے باعث مستقبل کی منصوبہ بندی مشکل ہو گئی ہے۔
88 سالہ پوپ فرانسس 14 فروری سے عوامی سطح پر نظر نہیں آئے، جب انہیں سانس لینے میں دشواری کے باعث روم کے جیمیلی اسپتال منتقل کیا گیا تھا، بعد ازاں انہیں نمونیا کی تشخیص ہوئی۔ ڈاکٹروں نے ان کی صحت کے بارے میں کسی حتمی پیشگوئی سے گریز کیا ہے، جس کی وجہ سے ویٹیکن میں غیر یقینی صورتحال برقرار ہے۔
.
ذریعہ: Express News
کلیدی لفظ: پوپ فرانسس
پڑھیں:
مریم نواز کی گندم خریداری کیلئے الیکٹرونک ویئر ہاؤس ریسیٹ نظام کی منظوری
ذرائع کے مطابق وزیراعلیٰ پنجاب نے نظام کے فی الفور نفاذ کو یقینی بنانے کے لئے وزیر خزانہ کی صدارت میں سٹیرنگ کمیٹی قائم کردی، کمیٹی روزانہ کی بنیاد پر وزیر اعلیٰ کو رپورٹ پیش کرے گی۔ اسلام ٹائمز۔ وزیراعلیٰ پنجاب مریم نواز نے گندم خریداری کے لیے الیکٹرونک ویئر ہاؤس ریسیٹ نظام کی منظوری دے دی۔ ذرائع کے مطابق مریم نواز نے نظام کے فی الفور نفاذ کو یقینی بنانے کے لئے وزیر خزانہ کی صدارت میں سٹیرنگ کمیٹی قائم کردی، کمیٹی روزانہ کی بنیاد پر وزیر اعلیٰ کو رپورٹ پیش کرے گی۔ باوثوق ذرائع کا مزید کہنا تھا کہ وزیر اعلیٰ کی منظوری سے معاملہ ہنگامی بنیادوں پر کابینہ میں منظوری کے لیے پیش کیا جائے گا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج