سدھو کی کمنٹری کا کارٹون ورژن: شائقین ہنس ہنس کر لوٹ پوٹ!
اشاعت کی تاریخ: 6th, March 2025 GMT
کرکٹ کی دنیا میں نوجوت سنگھ سدھو صرف ایک سابق کھلاڑی ہی نہیں، بلکہ ایک ایسے کمنٹیٹر ہیں جن کی جملے بازی نے کرکٹ شائقین کو کئی برسوں سے ہنسنے اور سوچنے پر مجبور کیا ہے۔ اب ان کی مزاحیہ اور انوکھی کمنٹری کو کارٹون کی شکل میں پیش کیا گیا ہے، جس نے سوشل میڈیا پر طوفان مچا دیا ہے۔
نوجوت سنگھ سدھو کی کمنٹری کا اپنا ہی ایک انداز ہے۔ وہ جب بھی مائیک پر آتے ہیں، تو ان کے جملے کبھی کیلے کی طرح مڑتے ہیں، تو کبھی تاش کے پتوں کی طرح بکھر جاتے ہیں۔ ان کی کمنٹری سن کر کرکٹ شائقین اکثر سوچ میں پڑ جاتے ہیں کہ ’’یہ کیا کہہ گئے؟‘‘ لیکن تھوڑی دیر بعد ہنسنے پر مجبور ہوجاتے ہیں۔
مزید پڑھیں: "نائنٹیز کے میگا سپر اسٹارز ہمیں متاثر نہیں کرسکے"
حال ہی میں انسٹاگرام صارف کیتن پال نے سدھو کی کمنٹری کے چند مشہور جملوں کو کارٹون کی شکل میں ڈھالا ہے۔ اس ویڈیو میں سدھو کے بیانات کو انتہائی مزاحیہ انداز میں پیش کیا گیا ہے، جسے دیکھ کر کرکٹ شائقین ہنس ہنس کر لوٹ پوٹ ہو گئے۔
کارٹون ورژن میں سدھو کے مشہور جملے
’’تاش کے پتوں کی طرح بکھر گئے‘‘
’’کیلے کی طرح مڑی یہ گیند‘‘
’’اناج بکھرا، مرغی خوش‘‘
’’باپو بچپن میں کنچے ضرور کھیلتے رہے ہوں گے‘‘
’’ہاردک پانڈیا کی پونچھ اونچی‘‘
یہ ویڈیو سوشل میڈیا پر وائرل ہو چکی ہے، جسے 5 لاکھ سے زیادہ لائیکس اور لاکھوں ویوز مل چکے ہیں۔ صارفین نے ویڈیو پر اپنے تبصرے بھی شیئر کیے ہیں۔ ایک صارف نے لکھا، ’’ہاہاہاہا، میں ورلڈ کپ کے بعد یہ کمنٹری بہت مس کر رہا تھا۔‘‘ جبکہ ایک اور صارف نے کہا، ’’لوگ کتنا بھی عجیب بولیں، پر مجھے تو مزہ آتا ہے سدھو پاجی کی کمنٹری سننے میں۔‘‘
مزید پڑھیں: صائم ایوب، فخر زمان اسکواڈ میں کیوں نہیں، کیا پی ایس ایل کھیلیں گے؟
نوجوت سنگھ سدھو کا کہنا ہے کہ ’’کرکٹ میرا پہلا پیار ہے۔ اگر آپ کا پیار ہی آپ کا پروفیشن بن جائے، تو اس سے بہتر اور کیا چاہیے؟‘‘ ان کا یہ بھی کہنا ہے کہ ’’ایک بطخ کبھی بھی تیرنا نہیں بھول سکتی۔ میں کمنٹری کو اسی طرح دیکھتا ہوں، جیسے کہ ایک مچھلی پانی کو اپنے لیے اہم سمجھتی ہے۔‘‘
یاد رہے کہ نوجوت سنگھ سدھو نے اپنے کرکٹ کیریئر میں ٹیسٹ میں 3,202 اور ون ڈے میں 4,413 رنز بنائے۔ 17 سال کرکٹ کھیلنے کے بعد 1999 میں انہوں نے ریٹائرمنٹ لے لی، لیکن ان کی کمنٹری نے انہیں کرکٹ کی دنیا میں ہمیشہ کے لیے زندہ رکھا ہے۔
مزید پڑھیں: رضوان کی کپتانی "فراری سے رکشے" پر آگئی ہے
سدھو کی کمنٹری کا کارٹون ورژن نہ صرف مزاحیہ ہے، بلکہ یہ ان کی انوکھی سوچ اور حاضر دماغی کو بھی ظاہر کرتا ہے۔ اگر آپ نے ابھی تک یہ ویڈیو نہیں دیکھی ہے، تو فوراً دیکھیں اور ہنسنے کےلیے تیار ہوجائیں!
View this post on InstagramA post shared by Ketan Pal (@midnight.
ذریعہ: Express News
کلیدی لفظ: سدھو کی کمنٹری کی طرح
پڑھیں:
لیونل میسی کے دورۂ بھارت میں بدنظمی، کولکتہ اسٹیڈیم واقعہ پر آرگنائزر گرفتار
data-id="863a0a8" data-element_type="widget" data-widget_type="theme-post-content.default">
کولکتہ: عالمی شہرت یافتہ فٹبال اسٹار لیونل میسی کے دورۂ بھارت کے دوران کولکتہ کے سالٹ لیک اسٹیڈیم میں شدید بدنظمی کے معاملے پر شو کے مرکزی آرگنائزر کو گرفتار کر لیا گیا ہے، پولیس نے کارروائی کرتے ہوئے آرگنائزر کو اس وقت حراست میں لیا جب وہ میسی کے ہمراہ چارٹرڈ جہاز پر روانگی کی تیاری کر رہا تھا۔
غیر ملکی میڈیا رپورٹس کے مطابق کولکتہ سالٹ لیک اسٹیڈیم میں لیونل میسی کی آمد کے موقع پر انتظامی ناکامی اور سیکیورٹی کی ناقص صورتحال دیکھنے میں آئی، جس پر شائقین فٹبال کی بڑی تعداد شدید ناراض ہوگئی، میسی کی مختصر موجودگی، ناقص انتظامات اور شائقین تک رسائی نہ ہونے کے باعث اسٹیڈیم میں ہنگامہ آرائی کی صورتحال پیدا ہوگئی تھی۔
بھارتی میڈیا کا کہنا تھا کہ میسی کولکتہ اسٹیڈیم میں محض 10 سے 20 منٹ تک موجود رہے، جس کے بعد وہ روانہ ہوگئے تھے، اس دوران میسی نے نہ تو فٹبال کک لگائی اور نہ ہی کسی نمائشی سرگرمی میں حصہ لیا، جس پر ہزاروں کی تعداد میں موجود مداحوں نے شدید مایوسی اور غصے کا اظہار کیا۔ مشتعل شائقین نے اسٹیڈیم میں توڑ پھوڑ بھی کی اور انتظامیہ کے خلاف نعرے بازی کی۔
مداحوں کا شکوہ تھا کہ میسی کو سیاست دانوں، وزرا اور دیگر اہم شخصیات نے گھیر رکھا تھا، جس کی وجہ سے عام شائقین انہیں قریب سے دیکھنے سے محروم رہے، وہ گھنٹوں انتظار کے بعد اسٹیڈیم پہنچے لیکن انہیں صرف چند لمحوں کے لیے دور سے میسی نظر آئے، جسے انہوں نے اپنی توقعات کے برعکس قرار دیا۔
شائقین نے ایونٹ کو بدترین قرار دیتے ہوئے کہا کہ اگر میسی صرف چند منٹ کے لیے آنا تھا تو بہتر انتظامات اور واضح معلومات فراہم کی جانی چاہییں تھیں۔ ان کا کہنا تھا کہ یہ ایک منظم فٹبال ایونٹ کے بجائے محض ایک نمائشی اور ناقص منصوبہ بندی کا نتیجہ تھا۔
بھارتی میڈیا رپورٹس کے مطابق پولیس نے بدنظمی، عوامی نقصان اور انتظامی غفلت کے الزامات کے تحت شو آرگنائزر کو حراست میں لے لیا ہے اور معاملے کی مزید تحقیقات جاری ہیں۔ حکام کا کہنا ہے کہ ایونٹ کے انعقاد میں شامل دیگر افراد سے بھی پوچھ گچھ کی جا سکتی ہے۔
واضح رہے کہ کولکتہ اور حیدرآباد کے بعد لیونل میسی اپنے دورۂ بھارت کے سلسلے میں آج ممبئی پہنچ چکے ہیں، جہاں ان کی مصروفیات شیڈول کے مطابق جاری رہنے کی اطلاعات ہیں، کولکتہ کے واقعے نے میسی کے بھارتی دورے پر سوالیہ نشان لگا دیا ہے اور ایونٹ مینجمنٹ کی صلاحیت پر شدید تنقید کی جا رہی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر