پاکستان کے وہیل چیئر ہیرو نے کانسی کا تمغہ اپنے نام کر لیا
اشاعت کی تاریخ: 6th, March 2025 GMT
کوالیفائنگ راؤنڈ میں ایرانی ٹیم کو 2-1 سے شکست دے کر کانسی کا تمغہ جیت لیا
نوجوانوں کی تمام شعبوں میں حوصلہ افزائی کی جائے تو کامیابی ملتی ہے،ڈاکٹر الیاس
کولمبو کا میدان پاکستان کے وہیل چیئر ٹینس کھلاڑیوں کے عزم اور حوصلے کا گواہ بن گیا جہاں بی این پی ورلڈ کپ وہیل چیئر ٹینس چیمپئن شپ کے کوالیفائنگ راؤنڈ میں پاکستان نے سنسنی خیز مقابلے کے بعد ایرانی ٹیم کو 2-1 سے شکست دے کر کانسی کا تمغہ جیت لیا۔یہ تاریخی کامیابی پشاور کے احسان اللہ دانش کی قیادت میں پاکستانی ٹیم کو حاصل ہوئی جو لنڈی ارباب پشاور سے تعلق رکھنے والے پیراپلیجک سنٹر پشاور کے گریجویٹ اور سپورٹس کوآرڈینیٹر ہیں۔کولمبو میں حالیہ لان ٹینس چیمپئن شپ کے علاؤہ وہ ٹیبل ٹینس کے بھی عالمی کھلاڑی رہے ہیں اور 2006ء میں ملائشیا کے دارالحکومت کوالالمپور میں کھیلے گئے پیسفک پیرالمپک گیمز کے انٹرنیشنل وہیل چیئر ٹیبل ٹینس ایونٹ میں بھی بہترین کارکردگی کا مظاہرہ کرتے ہوئے آسٹریلیا کی ٹیم کو ہرایا تھا۔پاکستانی ٹینس وہیل چیئرز ٹیم کی اس تاریخی فتح پر ملک بھر میں خوشی کی لہر دوڑ گئی ہے۔درایں اثناء سنٹر کے چیف ایگزیکٹیو ڈاکٹر سید محمد الیاس نے احسان اللہ دانش اور انکی ٹیم میں شامل دیگر کھلاڑیوں کو اس شاندار کامیابی پر مبارکباد دی اور انہیں قومی ہیرو قرار دیا ہے۔ڈاکٹر الیاس نے پُرجوش انداز میں کہا اور اس امید کا اظہار کیا کہ اگر ہمارے نوجوانوں کی تمام شعبوں میں حوصلہ افزائی کی جائے تو وہ اسی طرح عالمی سطح پر کامیابیاں اور اعزازات سمیٹتے رہیں گے۔
.ذریعہ: Juraat
پڑھیں:
دھرندر‘ کی کامیابی کا طوفان، تنقید کے باوجود شاندار بزنس’
آدتیہ دھر کی ہدایت کاری میں بننے والی فلم فلم ’دھرندر‘ بھارتی باکس آفس پر مسلسل زبردست کامیابی حاصل کر رہی ہے، جبکہ دوسری جانب فلم کے حوالے سے منفی ریویوز اور آن لائن تنقید پر بھی خاصی بحث جاری ہے۔
فلم کے اہم اداکار آر مادھون نے اب اس معاملے پر کھل کر بات کرتے ہوئے کہا ہے کہ انہیں اس ردِعمل کی پہلے ہی توقع تھی اور فلم کی ریلیز سے قبل ہی اندازہ ہو چکا تھا کہ اس نوعیت کی تنقید سامنے آئے گی۔
یہ بھی پڑھیں:رنویر سنگھ کی پاکستان مخالف فلم میں بینظیر بھٹو کی تصویر نمایاں کیے جانے پر شدید تنقید
دسمبر کے اوائل میں ریلیز ہونے والی ’دھرندر‘ کو پہلے ہی بالی وڈ کے لیے شرمندگی کا سبب قرار دیا جا رہا ہے، کیونکہ ناظرین بشمول خود بھارتی شہری اس کی مبالغہ آرائی، مسخ شدہ حقائق اور پاکستان کی غیر حقیقی تصویرکشی پر کڑی تنقید کر رہے ہیں۔
ایسکوائر انڈیا کو دیے گئے ایک انٹرویو میں آر مادھون نے کہا کہ وہ جانتے تھے کہ یہ فلم معاشرے پراثرڈالے گی۔
Dhurandhar isn’t just troubling.
It is a toxic cocktail of majoritarianism, anti-Muslim bigotry and misogyny, made even more dangerous by the film’s glorified violence and gore.
How did the censor board even clear it ? pic.twitter.com/7kpBVWk2TI
— Arfa Khanum Sherwani (@khanumarfa) December 9, 2025
ان کے مطابق ابتدا میں کچھ لوگ فلم کو انتہائی منفی ریٹنگز دیں گے، لیکن وقت کے ساتھ ایسے لوگ بھی سامنے آئیں گے جو یہ کہیں گے کہ فلم میں کچھ خاص ہے۔
انہوں نے واضح کیا کہ وہ یہ بات کسی ضد یا ناراضی کے تحت نہیں کہہ رہے، بلکہ ان کے خیال میں اب اداکاروں کے لیے خود کو بدلنے اور ارتقا کی ضرورت ہے۔
مزید پڑھیں: پاکستان کی مسخ شدہ تصویرکشی، بالی ووڈ کی فلم ’دھُرندھر‘ تنقید کی زد میں
آر مادھون کا کہنا تھا کہ وہ نہیں چاہتے کہ ناظرین انہیں صرف ہیرو کے طور پر دیکھیں، اسی لیے وہ مختلف اور چیلنجنگ کرداروں کی طرف بڑھنا چاہتے ہیں۔
ان کے مطابق یہی سوچ پوری فلم انڈسٹری میں درکار ہے، اور اسی وجہ سے انہیں یقین تھا کہ ’دھرندر‘ ایک یادگار اور علامتی فلم ثابت ہوگی۔
انہوں نے اس کردار کے لیے خود پر اعتماد کرنے اور انہیں اس انداز میں پیش کرنے پر فلم کے سازوں کو مکمل کریڈٹ دیا۔
آر مادھون نے مزید کہا کہ ہر شخص کو اپنی رائے کے اظہار کا حق حاصل ہے، تاہم انہیں اس بات پر حیرت ہوئی کہ فلم کی ریلیز سے پہلے ہی اس کے خلاف سخت مضامین لکھے گئے اور ریلیز کے فوراً بعد اسے ناکام قرار دے دیا گیا۔
مزید پڑھیں: فواد خان کی فلم ’آبیر گلال‘ بھارت میں کب ریلیز ہوگی؟
ان کے بقول، ایسے حالات میں یہ سوال ضرور پیدا ہوتا ہے کہ آیا اس کے پیچھے کوئی مخصوص ایجنڈا کارفرما تو نہیں۔ تاہم انہوں نے کہا کہ بطور اداکار وہ اس قسم کے دباؤ اور تنقید میں ہی خود کو نکھرتا ہوا محسوس کرتے ہیں۔
فلم کے سیکوئل’دھرندر پارٹ 2‘ کے حوالے سے بات کرتے ہوئے، جو کہ 19 مارچ 2026 کو ریلیز ہوگی، آر مادھون نے کہا کہ وہ اس بارے میں زیادہ تفصیلات ظاہر نہیں کر سکتے، تاہم ان کے مطابق پہلا حصہ محض ایک جھلک تھا اور ناظرین نے ابھی بہت کچھ دیکھنا باقی ہے۔
The casting of Dhurandhar is absolutely incredible!
The real-life and reel-life characters match perfectly. pic.twitter.com/8OUPlZXweS
— CineAIx (@ItsCine_AIX) November 20, 2025
باکس آفس کے اعداد و شمار کے مطابق فلم نے غیر معمولی کارکردگی کا مظاہرہ کیا ہے، ٹریڈ ٹریکر سیک نلک کی رپورٹ کے مطابق 11 دسمبر کو فلم نے تقریباً 27 کروڑ روپے کمائے، جس کے بعد اس کی مجموعی آمدنی 207.25 کروڑ روپے تک پہنچ گئی۔
فلم نے ریلیز کے پہلے ہی ویک اینڈ میں 103 کروڑ روپے جمع کر کے مضبوط آغاز کیا، جبکہ ہفتے کے دنوں میں بھی اس کی کمائی میں تسلسل برقرار رہا اور ہر روز کروڑوں روپے کا بزنس ہوتا رہا، جس سے واضح ہوتا ہے کہ ناظرین کی دلچسپی بدستور قائم ہے۔
مزید پڑھیں: بھارتی فلم شعلے کو 50 برس بعد اصل اختتام کے ساتھ سامنے لانے کی تیاری، کب ریلیز ہورہی ہے؟
آدتیہ دھر کی یہ فلم 5 دسمبر کو سینما گھروں میں ریلیز کی گئی تھی، جس میں رنویر سنگھ، اکشے کھنہ، ارجن رام پال، آر مادھون، سارہ ارجن اور راکیش بیدی جیسے معروف اداکار شامل ہیں۔
فلم سازوں نے اس بات کی بھی تصدیق کر دی ہے کہ ’دھرندر‘ کا سیکوئل 19 مارچ 2026 کو سینما گھروں کی زینت بنے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آر مادھون اکشے کھنہ باکس آفس دھرندر مسخ شدہ حقائق
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر