ڈیجیٹل ترقی کیلئے سازگار ریگیولیٹری ماحول فراہم کرنے کیلئے پرعزم ہیں، چیئرمین پی ٹی اے
اشاعت کی تاریخ: 5th, March 2025 GMT
اسلام آباد:
چیئرمین پاکستان ٹیلی کمیونیکیشن اتھارٹی (پی ٹی اے) میجر جنرل (ر) حفیظ الرحمٰان نے کہا ہے کہ پاکستان میں ترقی پسند اور سازگار ریگولیٹری ماحول فراہم کرنے کے لیے پرعزم ہیں تاکہ ملک میں ڈیجیٹل ترقی کو فروغ دیا جا سکے۔
پی ٹی اے کی جانب سے جاری اعلامیے کے مطابق اسپین کے شہر بارسلونا میں جاری موبائل ورلڈ کانگریس 2025 کے دوران چیئرمین پی ٹی اے میجر جنرل (ر) حفیظ الرحمان نے مختلف کمپنیوں کے نمائندوں سے ملاقات کی اور پاکستان میں بین الاقوامی ٹیلی کام ایونٹ کے انعقاد کے مواقع کا جائزہ لینے کے لیے بین الاقوامی ٹیلی کمیونیکیشن یونین (آئی ٹی یو) کی سیکریٹری جنرل ڈورین بوگڈن مارٹن کو پاکستان کے دورے کی دعوت دے دی۔
اعلامیہ کے مطابق ملاقات میں ٹیلی کمیونیکیشن کے شعبے میں عالمی تعاون اور جدت کے منصوبوں پر بات چیت کی گئی، اس دوران پی ٹی اے کے جاری اور مستقبل کے اقدامات، ریگولیٹری پیش رفت اور پاکستان کی ڈیجیٹل تبدیلی کے اقدامات پر تبادلہ خیال ہوا۔
چیئرمین پی ٹی اے نے ٹیکنالوجی کے فروغ، کنیکٹیویٹی میں بہتری اور ایک مضبوط ٹیلی کام ایکو سسٹم کے قیام میں معاون ثابت ہونے والے بنیادی ریگولیٹری اقدامات پر روشنی ڈالی۔
اس موقع پر انہوں نے پاکستان کو آئی ٹی وی کی جانب سے فائیو جی ریگولیٹر کا درجہ ملنے پر اظہار تشکر کیا، جو پاکستان کی ریگولیٹری صلاحیتوں اور ڈیجیٹل ترقی کے عزم کا اعتراف ہے۔
چیئرمین پی ٹی اے نے آئی ٹی یو کی سیکریٹری جنرل کو پاکستان کے دورے کی دعوت دی تاکہ مشترکہ اقدامات اور پاکستان میں بین الاقوامی ٹیلی کام ایونٹ کے انعقاد کے مواقع کا جائزہ لیا جا سکے۔
انہوں نے اس بات پر بھی زور دیا کہ پی ٹی اے کے افسران آئی ٹی یوکے ورکنگ گروپس میں فعال کردار ادا کرنے کے خواہاں ہیں، جن میں سے ایک افسر اس وقت آئی ٹی یو کونسل کے چائلڈ آن لائن پروٹیکشن ورکنگ گروپ میں شرکت کر رہے ہیں۔
اعلامیہ کے مطابق گفتگو کا اختتام پائیدار اور جامع ڈیجیٹل ترقی کے لیے تعاون کو مزید مستحکم کرنے کے باہمی عزم کے ساتھ ہوا، جس سے پاکستان کو ایک اہم ٹیلی کام ملک کی حیثیت سے اپنی شناخت مزید مضبوط بنانے کا موقع ملا۔
چیئرمین پی ٹی اے حفیظ الرحمان نے اس موقع پر ٹیلی نار ایشیا کی قیادت سے ملاقات میں مختلف پہلوؤں پر تبادلہ خیال کیا، ملاقات میں پاکستان میں ڈیجیٹل تعاون کے فروغ، نیٹ ورک کے معیار اور ڈیجیٹل خدمات کی بہتری سے متعلق امور پر تبادلہ خیال کیا گیا۔
چیئرمین پی ٹی اے نے اس بات پر زور دیا کہ پاکستان میں ایک ترقی پسند اور سازگار ریگولیٹری ماحول فراہم کرنے کے لیے پی ٹی اے پرعزم ہے تاکہ ملک میں ڈیجیٹل ترقی کو فروغ دیا جا سکے۔
اعلامیے کے مطابق ٹیلی نار ایشیا کی قیادت نے پاکستان میں ٹیلی کمیونیکیشن نیٹ ورک کے معیار کو مزید بہتر بنانے اور ڈیجیٹل خدمات کو وسعت دینے میں اپنی دلچسپی کا اظہار کیا۔
خیال رہے کہ موبائل ورلڈ کانگریس 2025 دنیا کی سب سے بڑی ٹیلی کمیونیکیشن اور ٹیکنالوجی نمائش ہے جس میں مختلف ممالک کے وفود، کمپنیز اور ماہرین شرکت کر رہے ہیں اور مستقبل کے ڈیجیٹل رجحانات پر تبادلہ خیال کیا جا ئے گا۔
.ذریعہ: Express News
کلیدی لفظ: چیئرمین پی ٹی اے ٹیلی کمیونیکیشن پر تبادلہ خیال پاکستان میں ڈیجیٹل ترقی کے مطابق ٹیلی کام کرنے کے کے لیے آئی ٹی
پڑھیں:
پی ٹی اے نے وی پی این سروس فراہم کرنے والی کمپنیوں کے لیے لائسنس لازمی قرار دیدیا
پاکستان ٹیلی کمیونیکیشن اتھارٹی (پی ٹی اے) کی جانب سے ورچوئل پرائیویٹ نیٹ ورک (وی پی این) سروس فراہم کرنے والی کمپنیوں کو لائسنس جاری کرنے کا عمل جاری ہے۔
یہ پی ٹی اے کی طرف سے ملک میں ڈیٹا سروسز کی فراہمی کے لیے مقرر کردہ کلاس لائسنس کے تحت جاری کیے جارہے ہیں۔
پی ٹی اے کا بتانا ہے کہ ان کی طرف سے اب تک 3 کمپنیوں کو وی پی این سروسز کی فراہمی کے لیے کلاس لائسنس کا جاری کیا گیا ہے۔
یہ بھی پڑھیے: پاکستانی نیٹ ورکس کو وی پی این سے سیکیورٹی خطرات لاحق ہوگئے
پی ٹی اے کی جانب سے جمعے کے روز ان وی پی این سروس دینے والی کمپنیوں کو فوری طور پر مطلوبہ کلاس لائسنس حاصل کرنے کا کہا گیا جو لائسنس کے بغیر کام کررہی ہیں تاکہ موجودہ ریگولیٹری فریم ورک پر عملدرآمد یقینی بنائی جا سکے۔
پی ٹی اے نے اپنے بیان میں کہا کہ لائسنس کے بروقت حصول کے ذریعے سروس میں تعطل سے بچا جا سکتا ہے اور صارفین کو بغیر کسی رکاوٹ کے خدمات کی فراہم کی جاسکتی ہیں۔
اس لائسنسنگ کے حصول کے عمل، اہلیت کی شرائط اور درخواست فارم سے متعلق معلومات پی ٹی اے کی ویب سائٹ www.pta.gov.pkپر دستیاب ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ پی ٹی اے وی پی این
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی