احتجاج بھی ہوگا، جلسے بھی کرینگے، کسی کی شہ پر کچھ نہیں کرینگے، سلمان اکرم راجہ
اشاعت کی تاریخ: 5th, March 2025 GMT
سلمان اکرم راجہ - فوٹو: فائل
سیکریٹری جنرل پاکستان تحریک انصاف (پی ٹی آئی) سلمان اکرم راجہ نے کہا ہے کہ ہمارا احتجاج بھی ہوگا، جلسے بھی کریں گے۔ کسی کے کہنے پر یا کسی کی شہ پر کچھ نہیں کریں گے۔
اسلام آباد میں پارٹی رہنماؤں کے ہمراہ پریس کانفرنس کرتے ہوئے سلمان اکرم راجہ کا کہنا تھا کہ ہم ایک لائحہ عمل ترتیب دیں گے، فراست اور پلاننگ کے ساتھ آگے بڑھیں گے۔
انہوں نے کہا کہ شرپسند لوگ آج کل سوشل میڈیا پر بانی پی ٹی آئی کی صحت اور غذا پر بات کرتے ہیں، شرپسند کہتے ہیں کہ قیادت کہاں ہے؟ بانی پی ٹی آئی کی رہائی کیلئے اڈیالا کے باہر کیمپ کیوں نہیں لگاتی؟
سلمان اکرم راجہ کا کہنا تھا کہ یہ کہہ دینا کہ قیادت کہاں ہے اور بانی پی ٹی آئی کی رہائی کیلئے کیا کر رہی ہے؟ شر انگیز سوال ہے۔
سوال کو شر انگیز کہنے پر صحافیوں کے احتجاج پر سلمان اکرم راجہ نے الفاظ واپس لے لیے۔ سلمان اکرم راجہ نے کہا کہ یہ سوالات سوشل میڈیا پر اٹھتے ہیں۔
سیکریٹری جنرل پی ٹی آئی کا کہنا تھا کہ اگر ہم نے آئین و قانون اور جمہوری حق کے سوا دوسرا راستہ اختیار کیا تو جیل میں ہوں گے یا مردہ خانے میں۔ ہمارا مقصد شہادت دینا نہیں عوام کے حقوق کی جنگ جیتنا ہے۔
سلمان اکرم راجہ نے کہا کہ ہم ایسا ہرگز نہیں کریں گے کہ کسی دیوار سے جا کر ٹکر ماریں اور اس کے بعد اپنا سر پھوڑ کر بیٹھ جائیں۔ ہمارا ایسا کوئی ارادہ نہیں کہ ہم قانون کو اپنے ہاتھ میں لیں۔
انہوں نے کہا کہ بانی پی ٹی آئی سے گزشتہ روز جیل میں گفتگو ہوئی تھی، بانی نے بشریٰ بی بی کی موجودگی میں لوگوں کو رخصت کرنے کے بعد تنہائی میں 10 منٹ بات کی۔بانی پی ٹی آئی سے ہونے والی بات چیت میڈیا سے شیئر نہیں کروں گا۔
انکا کہنا تھا کہ مجھے بالکل علم ہے کہ بانی پی ٹی آئی کیا چاہتے ہیں اور ان کی خواہش کیا ہے؟ بانی پی ٹی آئی کی گفتگو سے متعلق پارٹی کی لیڈرشپ سے میں نے تبادلہ خیال کیا ہے۔
پی ٹی آئی سیکریٹری جنرل نے کہا کہ ہم ایک لائحہ عمل ترتیب دیں گے، فراست اور پلاننگ کے ساتھ آگے بڑھیں گے، ہمارا احتجاج بھی ہوگا ہم جلسے بھی کریں گے۔ ہم کسی کے کہنے پر یا کسی کی شہ پر کچھ نہیں کریں گے۔
انکا کہنا تھا کہ ریاست کی اینٹ سے اینٹ بجائی جارہی ہے، اخلاقی، قانونی و آئینی سطح پر بھی۔ ضروری نہیں ہوتا کہ آپ جا کے گولیوں کے سامنے کھڑے ہوجائیں۔
سلمان اکرم راجہ نے کہا کہ ملک کی سیاست کوئی گوریلا وار فیئر نہیں ہے۔ 26 نومبر کو اسلام آباد میں جو گولیاں چلی وہ بالکل غیر متوقع بات تھی۔ یہ کہنا کہ وہاں کوئی نہیں تھا کوئی بڑی بات نہیں ہوتی ہے، ایک سیاسی اجتماع میں آمد کیلئے کوئی بہادری نہیں عزم درکار ہوتا ہے۔
انہوں نے یہ بھی کہا کہ گولیاں چل رہی ہوں اور بچوں کو یہ کہنا کہ ہمارے ساتھ چلو، سو بار سوچنا ہوتا ہے۔
سلمان اکرم راجہ نے کہا کہ ہم بالکل ایک لائحہ عمل تیار کریں گے ہم نے کسی کے بچے کو مروانا نہیں ہے، ہماری جو بھی حکمت عملی ہوگی وہ شرافت پر مبنی ہوگی۔
انکا کہنا تھا کہ اس وقت جمہوریت اور انسانی حقوق کی جنگ ہو رہی ہے، جو بھی اس جنگ میں شامل ہوگا وہ کوئی احسان نہیں کرے گا، جمہوریت اور انسانی حقوق کی جنگ سب کی ہے۔ جے یو آئی سمیت سب کو ہمارا پیغام ہے کہ اس جنگ میں شامل ہوں۔
سلمان اکرم راجہ نے کہا کہ چاہتے ہیں کہ بانی پی ٹی آئی کو ڈیل کے تحت رہائی نہ دلائیں، بانی پی ٹی آئی کو آئین و قانون کے اندر رہ کر رہائی دلانا چاہتے ہیں۔ ہماری زندگی کا ہر لمحہ بانی پی ٹی آئی کی تگ و دو کیلئے ہے۔
پی ٹی آئی رہنما کا کہنا تھا کہ چین دو ریلوے ٹریک بنا رہا ہے، چین ایک ریلوے ٹریک ایران چاہ بہار تک بنا رہا ہے جبکہ دوسرا ریلوے ٹریک واخان افغانستان تک بنارہا ہے۔
انہوں نے کہا کہ جو خواب دیکھا گیا کہ رائلٹی ملے گی وہ شرمندہ تعبیر ہوتا نظر نہیں آتا، یہاں بےامنی اور دہشت گردی ہے۔ ریاست کے وسائل تحریک انصاف کے پیچھے لگائے ہوئے ہیں۔
انکا کہنا تھا کہ سندھ کا پانی چھین کر کس کو دیں گے؟ اس پر کوئی بحث نہیں ہو رہی۔ سندھ کے پانی کے معاملے پر مشترکہ مفادات کونسل کا اجلاس نہیں بلایا گیا۔
.ذریعہ: Jang News
کلیدی لفظ: سلمان اکرم راجہ نے کہا کہ بانی پی ٹی ا ئی کی انکا کہنا تھا کہ کا کہنا تھا کہ پی ٹی آئی انہوں نے کریں گے
پڑھیں:
جے یو آئی اور جماعت اسلامی کا غزہ میں مظالم کیخلاف 27 اپریل کو مینارِ پاکستان پر جلسے کا اعلان
جے یو آئی اور جماعت اسلامی کا غزہ میں مظالم کیخلاف 27 اپریل کو مینارِ پاکستان پر جلسے کا اعلان WhatsAppFacebookTwitter 0 21 April, 2025 سب نیوز
لاہور (سب نیوز)سربراہ جے یو آئی ف مولانا فضل الرحمان نے امیر جماعت اسلامی حافظ نعیم الرحمان کے ہمراہ فلسطین سے اظہارِ یک جہتی کے لیے 27 اپریل کو مینارِ پاکستان پرجلسے کا اعلان کر دیا۔ مولانا فضل الرحمان نے کہا کہ اتحاد کے نام پر ایک نیا پلیٹ فارم تشکیل دیا جا رہا ہے۔ ملک بھرمیں فلسطین کی صورت حال پر بیداری کی مہم چلائیں گے، اگر یہاں کوئی چھوٹی موٹی یہودی لابی ہے تو اس کی کوئی اہمیت نہیں۔
لاہور میں جمعیت علمائے اسلام کے سربراہ مولانا فضل الرحمان نے امیر جماعت اسلامی حافظ نعیم الرحمان کے ہمراہ نیوز کانفرنس کرتے ہوئے کہا کہ فلسطین کی صورتحال پوری امت کیلئے باعث کرب ہے، 27 اپریل کو مینارپاکستان پر بہت بڑا جلسہ اور مظاہرہ ہوگا۔مولانا فضل الرحمان نے کہا کہ مذہبی جماعتیں مینار پاکستان جلسے میں شریک ہوں گی، فلسطین کی صورتحال پوری امت کیلئے باعث تشویش ہے، فلسطین کیلئے ملک بھر میں بیداری مہم چلائیں گے، حافظ نعیم نے انتہائی محبت اور احترام کا مظاہرہ کیا، مجلس اتحادامت کے نام سے ایک پلیٹ فارم تشکیل دیا جا رہا ہے۔
سربراہ جے یو آئی ف نے کہا کہ لاہور کا جلسہ بھی مجلس اتحاد امت کے پلیٹ فارم سے ہو رہا ہے، اسرائیل کی حامی لابی ہر جگہ موجود، لیکن ان کی کوئی حیثیت نہیں، فلسطین کے معاملے پر اسلامی دنیا کا واضح مقف ہونا چاہیے، امت مسلمہ کو حکمرانوں کے رویہ اورغفلت سے شکایت ہے۔مولانا فضل الرحمان نے کہا کہ امت مسلمہ کے حکمران اپنا حقیقی فرض نہیں ادا کر رہے، جہاد مقدس لفظ ، اس کی اپنی حرمت ہے، مسلم دنیا جغرافیائی طور پر منقسم ہے، مالی یاسیاسی طورپرشرکت کرنیوالا بھی ایک ہی جہاد کا حصہ ہے۔
انھوں نے کہا کہ صوبائی خود مختاری سے متعلق جے یو آئی کا منشور واضح ہے، ہر صوبے کے وسائل اس صوبے کے عوام کی ملکیت ہیں، سندھ کے لوگ حق کی بات کرتے ہیں تو روکا نہیں جا سکتا، مرکز میں تمام صوبوں کیاتفاق رائے سیفیصلے کیے جاتے، اس روش کے تحت کالا باغ ڈیم کو بھی متنازع بنا دیا گیا، جے یو آئی نے مائنز اینڈ منرلز بل کو مسترکر دیا۔امیرجماعت اسلامی حافظ نعیم الرحمان نے کہا کہ آئینی ترمیم پر جماعت اسلامی کا اپنا موقف تھا، جماعت اسلامی نے 26 ویں آئینی ترمیم کو مسترد کیا، اپنے اپنے پلیٹ فورم سے مختلف چیزوں پرجدوجہد کریں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخیبر پختونخوا حکومت نے مدارس کی گرانٹ 3کروڑ سے بڑھا کر 10کروڑروپے کردی خیبر پختونخوا حکومت نے مدارس کی گرانٹ 3کروڑ سے بڑھا کر 10کروڑروپے کردی آئندہ مالی سال کے وفاقی بجٹ کا خسارہ 7222ہزار ارب روپے رہنے کا امکان بنگلہ دیش کا انٹرپول سے حسینہ واجد سمیت 12افراد کیخلاف ریڈ نوٹس جاری کرنے کا مطالبہ جج ہمایوں دلاور کے خلاف سوشل میڈیا مہم ،اسلام آباد ہائیکورٹ نے ایف آئی اے رپورٹ غیر تسلی بخش قرار دیدی اسلام آباد ہائیکورٹ، ماتحت عدلیہ کے 2ججز کی خدمات پشاور ہائیکورٹ کو واپس جدید تعلیم ہی قوم کی ترقی کا واحد راستہ ہے،جہانگیر ترینCopyright © 2025, All Rights Reserved
رابطہ کریں ہمارے بارے ہماری ٹیم
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟