خاتون جنت سیدہ فاطمۃ الزہراء (ع) سے عقیدت و محبت جز و ایمان ہے، متحدہ علماء محاذ
اشاعت کی تاریخ: 5th, March 2025 GMT
مجلس مذاکرہ سے خطاب کرتے ہوئے علماء مشائخ و ذاکرین نے کہا کہ اہل بیتؑ سے بغض و عناد گمراہی و ضلالت و جہنم کی نشانی ہے، اہل بیتؑ سے عقیدت و محبت کرنیوالے بلاامتیاز مسلک شیعہ و سنی استعمار کے خلاف متحد و بیدار ہوجائیں۔ اسلام ٹائمز۔ متحدہ علماء محاذ پاکستان کے زیراہتمام مرکزی بانی صدر حجۃ الاسلام علامہ مرزا یوسف حسین کی زیر صدارت ان کی رہائش گاہ جامع مسجد و امام بارگاہ نور ایمان ناظم آباد میں دختر رسولؐ، زوجہ مولا علیؑ، ام الحسنین کریمینؑ، خاتون جنت سیدہ فاطمۃ الزہراءؑ کے یوم وصال پر منعقدہ مجلس مذاکرہ سے خطاب کرتے ہوئے مختلف مکاتب فکر کے علماء مشائخ و ذاکرین نے کہا ہے کہ خاتون جنت سیدہ فاطمۃ الزہراءؑ کی سیرت خواتین عالم کیلئے مشعل راہ ہے، مغربی افکار و نظریات کی حامل بے راہ روی کا شکار خواتین کی اصلاح و نجات کیلئے سیدہ فاطمہؑ کے کردار کو اجاگر کیا جائے، خاتون جنت بحیثیت بیٹی، ماں، زوجہ ہر حیثیت سے نمونہ عمل ہیں، مسلم خواتین سیرت فاطمہؑ پر عمل کرکے دنیا میں شرم و حیا، زُہد و تقویٰ کے حوالے سے انقلاب برپا کرسکتی ہیں، آج دشمنان اہل بیتؑ کا مقابلہ جرأت و صبر استقامتِ فاطمہؑ سے ہی کیا جا سکتا ہے، آپﷺ نے ایک موقع پر فرمایا کہ فاطمہؑ میرے جگر کا ٹکڑا ہے جس نے ان سے بغض رکھا اس نے مجھ سے بغض رکھا، اگر آج خواتین، سیدہ فاطمہؑ اور حیدرکرار علی المرتضیٰؑ کی مثالی جوڑی کے حالات زندگی اور شب و روز کا مطالعہ کرکے اسے نمونہ عمل بنایا جائے تو آج طلاق و خلع کے بڑھتے ہوئے تناسب اور عدم برداشت اورنہ حل ہونیوالی خانگی لڑائیوں سے نجات حاصل ہوسکتی ہے، خاتون جنت سے عقیدت و محبت جز و ایمان اور ذریعہ نجات ہے۔
علماء مشائخ و ذاکرین نے کہا کہ اہل بیتؑ سے بغض و عناد گمراہی و ضلالت و جہنم کی نشانی ہے، اہل بیتؑ سے عقیدت و محبت کرنیوالے بلاامتیاز مسلک شیعہ و سنی استعمار کے خلاف متحد و بیدار ہوجائیں۔ مجلس مذاکرہ سے بانی سیکریٹری جنرل و میزبان مولانا محمد امین انصاری، مرکزی چیئرمین علامہ عبدالخالق فریدی، خطیب شعلہ بیاں صاحبزادہ مولانا منظرالحق تھانوی، شیخ الحدیث مولانا مفتی محمد داؤد، علامہ ڈاکٹر سید شمیل احمد قادری حنبلی، قانونی مشیر ناصر احمد ایڈووکیٹ ہائی کورٹ، علامہ سید سجاد شبیر رضوی، مرکزی جمعیت اہلحدیث کے علامہ مرتضیٰ خان رحمانی، پاک سول سولجر موومنٹ سندھ کے رہنما مولانا مفتی وجیہہ الدین، علامہ ڈاکٹر شاہ فیروزالدین رحمانی، مولانا مفتی علی المرتضیٰ، مولانا پیر حافظ گل نواز خان ترک نے خطاب کیا جبکہ معروف نعت و منقبت خواں خواجہ پیرسید معاذ علی نظامی نے بارگاہ اہل بیتؑ میں نذرانہ عقیدت پیش کیا۔ سیمینار میں اسرائیلی و بھارتی جارحیت اور پاکستان میں ہونیوالی اندرونی و بیرونی سازشوں کیخلاف افواج پاکستان سے یکجہتی کا اظہار کیا گیا۔
ذریعہ: Islam Times
پڑھیں:
وادی کشمیر کے ضلع بارہمولہ میں "بین المسالک بیداری کانفرنس" کا اہتمام
اسلام ٹائمز: مقررین نے ساتھ ہی وحدت امت کی اہمیت و افادیت پر زور دیا اور کہا کہ ملت کشمیر کو درپیش مسائل کا سدباب وحدت امت کے نتیجے میں ہی ممکن ہے۔ متعلقہ فائیلیںرپورٹ: جاوید عباس رضوی
وادی کشمیر کے ضلع بارہمولہ میں مرکزی قدیم جامع مسجد خانقاہ مرادیہ کریری میں ایک کانفرنس بعنوان "بین المسالک بیداری کانفرنس" کا اہتمام کیا گیا۔ کانفرنس کی قیادت سجادہ نشین خانقاہ مرادیہ اور صدر متحدہ علماء کونسل کشمیر ابو الوقاص مفتی سید شریف الحق بخاری النقوی کر رہے تھے۔ کانفرنس میں مجلس علماء امامیہ کشمیر کے چیئرمین مولانا غلام رسول نوری، انٹرنیشنل مسلم یونٹی کونسل کے ترجمان اعلٰی سید سلیم گیلانی، پروفیسر یاسین کرمانی، سید بشارت بخاری اور مختلف مکاتب فکر سے وابستہ علماء کرام اور دانشوروں نے شرکت کی۔ مقررین نے یک زبان ہو کر معاشرے میں پائی جانے والی برائیوں، بے راہ رویوں اور منشیات کی وباء کے خلاف متحد ہو کر لڑنے کی ضرورت پر زور دیا۔ مقررین نے کہا کہ منشیات ایک ناسور ہے اور اس حوالے سے علماء کرام کو ایک مہم چلانی ہوگی، تاکہ معاشرے سے منشیات کی وباء سے نوجوانوں کو نجات دلائی جا سکے۔ مقررین نے ساتھ ہی وحدت امت کی اہمیت و افادیت پر زور دیا اور کہا کہ ملت کشمیر کو درپیش مسائل کا سدباب وحدت امت کے نتیجے میں ہی ممکن ہے۔ مقررین نے فلسطین کے مظلومین کے لئے خصوصی دعا کی اور کہا کہ کشمیری عوام فلسطینی عوام کے شانہ بشانہ کھڑی ہے۔ مقررین نے متحدہ علماء کونسل کشمیر اور اس ادارے کے سربراہ مفتی سید شریف الحق بخاری النقوی کی اس کاوش کو سراہا اور عہد کیا کہ کشمیر بھر میں ایسی بیداری کانفرنسز کا سلسلہ جاری رہے گا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل