آسٹریلوی کرکٹر ڈیوڈ وارنر نے اداکاری کی دنیا میں قدم رکھ دیا، کس بھارتی فلم میں جلوہ گر ہوں گے؟
اشاعت کی تاریخ: 5th, March 2025 GMT
کرکٹ کے میدان میں مخالف ٹیموں کے چھکے چھڑانے والے سابق آسٹریلوی لیجنڈ ڈیوڈ وارنر اب بالی ووڈ فلموں میں نظر آئیں گے۔ ڈیوڈ وارنر جو تلگو سنیما سے گہری دلچسپی رکھتے ہیں، اب تیلگو سنیما میں ڈیبیو کے لیے تیار ہیں۔
ڈیوڈ وارنر تیلگو فلم انڈسٹری سے اداکاری کا آغاز کر رہے ہیں اور آئندہ ایکشن و کامیڈی فلم ’روبن ہڈ‘ میں ایک خاص کردار میں نظر آئیں گے۔ اس فلم کی ہدایت کاری وینکی کڈومولا کر رہے ہیں، جبکہ نیتھن اور سری لیلا مرکزی کرداروں میں جلوہ گر ہوں گے۔
وارنر نے تلگو سنیما کے لیے اپنی محبت کا کئی بار اظہار کیا ہے، اور انسٹاگرام ویڈیوز اور ریلز میں پشپا کے گانے ’سریوالی‘ پر رقص کرنے اور تلگو بلاک بسٹرز کے مشہور ڈائیلاگ نقل کرنے کی وجہ سے وہ مداحوں میں کافی مشہور ہو چکے ہیں۔ ڈیوڈ وارنر بھارتی گانوں پر اپنی بیٹیوں کے ساتھ ڈانس کی ویڈیوز بھی سوشل میڈیا پر پوسٹ کرتے رہے ہیں۔
یہ بھی پڑھیں: پشپا 2 نے آمدنی کے کئی ریکارڈ توڑ دیے
ایک پروموشنل ایونٹ میں فلم کے پروڈیوسر روی شنکر نے وارنر کے کردار کی تصدیق کی۔ انہوں نے کہا کہ ’ڈیوڈ وارنر نے ایک چھوٹا کردار ادا کیا ہے۔ ہمیں فخر ہے کہ ہم انہیں ہندوستانی سنیما میں متعارف کروا رہے ہیں، خاص طور پر فلم روبن ہڈ کے ذریعے‘۔ اگرچہ ان کے کردار کی تفصیلات ابھی تک پوشیدہ ہیں، تاہم ان کی فلم میں شمولیت نے مداحوں کی توقعات کو بڑھا دیا ہے۔
’روبن ہڈ‘، جو کلاسیکی روبن ہڈ کی کہانی کو ایک نئے انداز میں پیش کرتی ہے، ایکشن، کامیڈی اور ایڈونچر کا بہترین امتزاج ہے۔ فلم میں سری لیلا، شائن ٹام چاکو، راجندر پرساد، اور وینلا کشور اہم کرداروں میں نظر آئیں گے۔
یہ بھی پڑھیں: کرکٹ سے ریٹائرمنٹ کے بعد ڈیوڈ وارنر نے ’ڈان‘ بننے کی تیاری کرلی
’روبن ہڈ‘ 28 مارچ 2025 کو ریلیز ہوگی اور کرکٹ اور سینما کے مداحوں کی بڑی تعداد اس فلم کو دیکھنے کے لیے سینما گھروں کا رخ کرے گی، کیونکہ وارنر کی موجودگی یقینی طور پر ایک بڑی کشش کا باعث بنے گی۔
واضح رہے کہ یہ پہلا موقع نہیں ہے کہ کسی آسٹریلوی کرکٹر نے ہندوستانی فلم میں قدم رکھا ہو، اس سے قبل بریٹ لی بھی ’یون انڈین‘ نامی ہندی-آسٹریلوی فلم میں مرکزی کردار ادا کر چکے ہیں۔
ڈیوڈ وارنر نے کرکٹ سے ریٹائرمنٹ کے بعد شوبز کی دنیا کا انتخاب کیا ہے۔ وہ اس سے قبل ایک ہیوی بجٹ انڈین ٹی وی اشتہار میں بھی اپنی اداکاری کے جوہر دکھا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پشپا 2 تیلگو فلم ٹالی ووڈ ڈیوڈ وارنر.ذریعہ: WE News
کلیدی لفظ: بالی ووڈ پشپا 2 ڈیوڈ وارنر ڈیوڈ وارنر نے رہے ہیں فلم میں کے لیے
پڑھیں:
آسٹریلوی آل راؤنڈر پی ایس ایل 10 سے باہر ہوگئے
اسلام آباد یونائیٹڈ کے آسٹریلوی آل راؤنڈر میتھیو شارٹ پاکستان سپر لیگ ل(پی ایس ایل) سیزن 10 سے باہر ہوگئے۔
اسلام آباد یونائٹیڈز کی جانب سے جاری بیان کے مطابق میتھیو شارٹ آئی سی سی چیمپئنز ٹرافی میں ہونے والی انجری کے باعث ایونٹ سے دستبردار ہوئے، پاکستان آمد کے بعد میتھیو شارٹ کی انجری سے ریکوری بہترین تھی۔
اسلام آباد یونائٹیڈز نے کہا کہ میتھیو شارٹ کو دوبارہ تکلیف محسوس ہوئی جس وجہ ایونٹ سے دستبردار ہونے کا فیصلہ کیا، اسلام آباد یونائیٹڈ اور کرکٹ آسٹریلیا کے میڈیکل اسٹاف نے مشترکہ طور پر میتھیو شارٹ کی دستبرداری پر فیصلہ کیا۔
بیان میں کہا گیا کہ میتھیو شارٹ آسٹریلیا واپس روانہ ہوگئے، ری ہیب کرکٹ آسٹریلیا کی نگرانی میں کریں گے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج