’یہ کووڈ کے دوران ہوا آئندہ ایسا نہیں ہوگا‘، چیئرمین پاکستان ایٹمی توانائی کمیشن پی اے سی اجلاس میں پیش
اشاعت کی تاریخ: 5th, March 2025 GMT
اسلام آباد میں پبلک اکاؤنٹس کمیٹی (پی اے سی) کا اجلاس ہوا جس میں پاکستان ایٹمی توانائی کمیشن اور ایف بی آر کے آڈٹ پیراز کا جائزہ لیا گیا۔
اجلاس میں پاکستان ایٹمی توانائی کمیشن کے 2 پیراز پیش کیے گئے۔ آڈٹ حکام کے مطابق مالی سال 2023-24 میں ایک ارب 15 کروڑ روپے کی خریداریوں میں بےضابطگی ہوئی۔
اس موقع پر پاکستان ایٹمی توانائی کمیشن کے چیئرمین نے اجلاس کو بتایا کہ کے۔2 پاؤر پلانٹ کو آپریشنل رکھنے کے لیے ہنگامی طور پر اسپیئر پارٹس کی خریداری کی گئی تھی۔
یہ بھی پڑھیے: بلوچستان کے سرکاری افسران زکوٰۃ کی رقم ڈکار گئے، آڈٹ جنرل کی رپورٹ میں انکشاف
اجلاس میں پی اے سی کے چیئرمین نے پوچھا کہ وزارت قانون کا نمائندہ کہاں ہیں فوراً بلایا جائے۔ انہوں نے کہا کہ انونٹری میں یک دم کیسے کمی ہوگئی، فرنیچر اور اسٹیشنری کی خریداری بھی ایمرجنسی میں کی گئی۔
ممبر اے پی سی ریاض فتیانہ نے کہا کہ یہ خریداری 4 مہینے میں کی گئی اس کا مطلب ہے یہ کہ ایمرجنسی نہیں تھی جبکہ عمر ایوب کا کہنا تھا کہ بڑے ادارے تو ایمرجسنی کے لیے پہلے سے پلاننگ کرتے ہیں، دوسری جانب نوید قمر نے کہا کہ اسپیئر پارٹس اگر مقامی مارکیٹ سے مل جاتے ہیں تو چین سے منگوانے کی کیا ضرورت ہے؟ اس خریداری میں کوئی مسابقت نہیں کی گئی۔
یہ بھی پڑھیے: کرپشن میں اضافہ، پاکستان دنیا کا 46واں کرپٹ ملک قرار
پاکستان ایٹمی توانائی کمیشن کے حکام نے جواب دیا کہ یہ اسپیئر پارٹس کووڈ کے دوران خریدے گئے اور ساری خریداری قوانین کے مطابق کی گئی تاہم چیئرمین ایٹمی توانائی کمیشن نے یہ بھی کہا کہ یہ کووڈ کے دوران ہوا آئندہ ایسا نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایٹمی توانائی کمیشن پبلک اکاؤنٹس کمیٹی.ذریعہ: WE News
کلیدی لفظ: پبلک اکاو نٹس کمیٹی کی گئی کہا کہ
پڑھیں:
مجلس وحدت مسلمین کا نیا چیئرمین کون ہوگا ؟؟،ووٹنگ کا عمل شروع
شوریٰ عمومی کے سامنے تین نام پیش کردیے گئے ہیں جن کے درمیان مقابلہ ہوگا، جن تین ناموں کو پیش کیا گیا ہے ان میں حجتہ الاسلام والمسلمین علامہ راجہ ناصر عباس جعفری، حجتہ الاسلام والمسلمین علامہ سید احمد اقبال رضوی، حجتہ الاسلام والمسلمین علامہ سید حسنین عباس گردیزی کے نام شامل ہیں۔ اسلام ٹائمز۔ مجلس وحدت مسلمین پاکستان کے مرکزی کنونشن میں آخری روز انٹرا پارٹی الیکشن کا آغاز ہوگیا، شوریٰ عالی کے چیئرمین علامہ شیخ صلاح الدین بطور الیکشن کمیشن عمل کی نگرانی کررہے ہیں، پاکستان کے تمام صوبوں بشمول ریاست آزاد جموں کشمیر کی کابینہ اور تمام ضلعی نمائندے اپنے ووٹ کا استعمال کریں گے، شوریٰ عمومی کے سامنے تین نام پیش کردیے گئے ہیں جن کے درمیان مقابلہ ہوگا، جن تین ناموں کو پیش کیا گیا ہے ان میں حجتہ الاسلام والمسلمین علامہ راجہ ناصر عباس جعفری، حجتہ الاسلام والمسلمین علامہ سید احمد اقبال رضوی، حجتہ الاسلام والمسلمین علامہ سید حسنین عباس گردیزی کے نام شامل ہیں، تینوں رہنماجماعت کے بانی اراکین میں سے ہیں۔ اس کے علاوہ شوریٰ عمومی اپنے ووٹ کے ذریعے شوریٰ عالی کے اراکین کا انتخاب بھی کرے گی۔
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری