باڈی بلڈر بھارتی خاتون کی شادی کی تصاویر وائرل؛ سب دنگ رہ گئے
اشاعت کی تاریخ: 4th, March 2025 GMT
بھارت میں ایک باڈی بلڈر خاتون نے شادی کرلی جس کی تصاویر سوشل میڈیا پر وائرل ہوئیں تو سب دنگ رہ گئے۔
بھارتی میڈیا کے مطابق ریاست کرناٹک کی یہ خاتون چترا پروشوتم ہیں جنھیں باڈی بلڈنگ کا جنون ہے اور اس جنون کی تکمیل کے لیے انھوں نے غیروں کے طعنے اور اپنوں کی ناراضگی بھی مول لی تھی۔
گھر والے پریشان تھے کہ چترا کی شادی کیسے ہوگی اور کون ان کی باڈی بلڈر بیٹی کو بیاہ کر لے جائے گا تاہم والدین کے یہ خدشات بھی غط ثابت ہوئے۔
View this post on InstagramA post shared by CHITRA PURUSHOTHAM ???????? (@chitra_purushotham)
چترا پروشوتم کو اپنے خوابوں کا شہزادہ مل گیا جو ان کے پرانے دوست ہیں۔ دونوں نے دوستی کے اس رشتے کو جیون بھر کے رشتے میں تبدیل کرنے کا فیصلہ کیا۔
باڈی بلڈر خاتون نے اپنی دلہن بنی تصاویر شیئر کیں جن میں چترا پروشوتم نے عروسی لباس پہنا ہوا ہے اور شادی سے زیادہ باڈی بلڈنگ کے پوز دے رہی ہیں۔
سوشل میڈیا صارفین نے حیرانگی اظہار کرتے ہوئے لکھا کہ ایسا پہلی بار دیکھا کہ کسی خاتون باڈی بلڈر نے اپنی شادی کی تصاویر ایسی بنوائی ہوں اور شیئر بھی کی ہوں۔
وائرل تصاویر پر سوشل میڈیا صارفین نے چترا پروشوتم کو مبارک باد دی اور نیک تمناؤں کا اظہار کیا۔
.
ذریعہ: Express News
پڑھیں:
ایشوریا رائے نے ریکھا کو ’ماں‘ کہہ کر پکارا، ویڈیو وائرل
ایشوریا رائے بچن جو بالی ووڈ کی صفِ اول کی اداکاراؤں میں شمار ہوتی ہیں ان کی ایک ویڈیو وائرل ہو رہی ہے جس میں وہ ریکھا کو ’ماں‘ کہہ کر پکار رہی ہیں۔
ویڈیو وائرل ہوئی تو صارفین نے اس پر مختلف تبصرے کیے۔ جہاں کئی صارفین نے ایشوریا کے اس انداز کو سراہا وہیں چند صارفین کا کہنا تھا کہ یہ صرف کمیرے کے سامنے اداکاری کی گئی ہے۔
View this post on Instagram
A post shared by Entertainment Hub (@im_xiddi)
یہ پہلا موقع نہیں ہے جب ایشوریا نے ریکھا کو ’ماں‘ کہہ کر پکارا ہو بلکہ اس سے قبل 22ویں اسٹار اسکرین ایوارڈز پر ایشوریا کو فلم ’جذبہ‘ میں عمدہ اداکاری پر ایوارڈ دیا گیا جو ریکھا نے انہیں دیا۔ جس پر ایشوریا نے اسٹیج پر کہا، ’ماں کے ہاتھوں یہ ایوارڈ حاصل کرنا میرے لیے باعثِ فخر ہے‘۔ جس پر ریکھا نے محبت بھرا جواب دیا کہ، ’میری خواہش ہے آئندہ بھی میں تمہیں اسی طرح ایوارڈ دیتی رہوں‘۔
ریکھا اور ایشوریا کے درمیان یہ خاص تعلق برسوں پرانا ہے۔ ریکھا نے ایک بار ایشوریا کے نام ایک نہایت جذباتی اور محبت بھرا خط بھی تحریر کیا تھا، جو 2016 میں فیمینا میگزین میں شائع ہوا، بالکل اس وقت جب ایشوریا کی فلم ’اے دل ہے‘ مشکل ریلیز ہونے والی تھی۔ یہ خط ایشوریا کے فلمی کیریئر کے 20 سال مکمل ہونے پر لکھا گیا تھا، اور اس میں ریکھا نے ایشوریا کے ساتھ اپنی پہلی ملاقات کی یادیں تازہ کیں۔
خط کا آغاز ریکھا نے ان الفاظ سے کیا: ’میری ایش‘، جو ان دونوں کے تعلق کی گہرائی کا واضح اظہار تھا۔
یہ بھی پڑھیں: جیا بچن کی کس بات پر ایشوریا رائے سب کے سامنے آبدیدہ ہو گئیں؟
خط میں ریکھا نے لکھا کہ وہ عورت جو اپنی روح سے ہم آہنگ ہو، وہ کسی بہتے ہوئے دریا کی مانند ہوتی ہے۔ رکتی نہیں، بہاؤ سے ہٹتی نہیں، اور جہاں جانا چاہتی ہے، وہاں بغیر کسی بناوٹ کے پہنچتی ہے۔ جب وہ اپنی منزل پر پہنچتی ہے تو مکمل طور پر اپنے اصل میں ہوتی ہے۔
انہوں نے کہا کہ لوگ شاید یہ بھول جائیں کہ تم نے کیا کہا یا کیا کیا، لیکن وہ کبھی نہیں بھول پائیں گے کہ تم نے انہیں کیسا محسوس کروایا۔ تم ایک جیتی جاگتی مثال ہو کہ ہمت تمام خوبیوں کی بنیاد ہے، کیونکہ اس کے بغیر کوئی بھی خوبی دیرپا نہیں ہو سکتی۔
ریکھا نے خط میں مزید لکھا کہ تم نے زندگی کے ہر لمحے کو شعور اور شکرگزاری کے ساتھ جیا۔ تم نے وہ راستے چُنے جن سے تمہیں عشق تھا، اور پھر انہیں اتنی خوبصورتی سے نبھایا کہ دیکھنے والے تمہارے سحر میں گرفتار ہو گئے۔ تم مکمل ہو، خود میں کافی ہو۔ کسی کو کچھ ثابت کرنے کی ضرورت نہیں۔ زندگی ان لمحوں سے ناپی جاتی ہے جو ہمیں حیران کر دیتے ہیں، نہ کہ صرف سانسوں کی گنتی سے۔
یہ بھی پڑھیں: ریکھا اور امیتابھ بچن کے افیئر پر جیا بچن کیا کہتی ہیں؟
ایشوریا کے لیے لکھے گئے خط میں ریکھا نے مزید کہا کہ تم نے وقت کی سختیوں سے گزر کر خود کو نئے انداز میں جنم دیا، بالکل اس پرندے کی طرح جو خاکستر سے اٹھ کر دوبارہ بلند ہو جاتا ہے۔ وہ چاند سی معصوم چہرے والی لڑکی، جسے میں نے پہلی بار دیکھا تھا، آج بھی میرے دل کو اسی شدت سے چھو لیتی ہے۔
ریکھا نے مزید کہا کہ تم نے ہر کردار میں اپنی جان ڈال دی، لیکن تمہارا سب سے خوبصورت کردار وہ ہے جو تم نے بطور ماں ادا کیا، محبت دیتی رہو، روشنی پھیلاتی رہو، اور اپنا وہ جادو بکھیرتی رہو جو تمہاری پہچان بن چکا ہے۔
خط کے آخر میں انہوں نے ایشوریا رائے کو دعائیں دیتے ہوئے لکھا کہ میرے دل سے تمہارے لیے بہت دعائیں ہیں۔ جیتی رہو، مجھے تم سے محبت ہے۔ ’ریکھا ماں‘
واضح رہے کہ ایشوریا رائے میگا اسٹار امیتابھ بچن کے بیٹے اور مشہور اداکار ابھیشیک بچن کی شریکِ حیات ہیں۔ حالیہ دنوں میں ان کے ازدواجی رشتے کے حوالے سے مختلف چہ مگوئیاں گردش کر رہی ہیں، جن میں کہا جا رہا ہے کہ یہ رشتہ مشکلات کا شکار ہے اور ایشوریا ممکنہ طور پر طلاق لے لیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھیشیک بچن امیتابھ بچن ایشوریا رائے ایشوریا رائے طلاق بالی ووڈ جیا بچن ریکھا
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج