پاکستان ایٹمی طاقت ہے صرف معاشی طاقت کی کمی ہے، اسحاق ڈار
اشاعت کی تاریخ: 4th, March 2025 GMT
نائب وزیراعظم اور وزیر خزانہ سینیٹر اسحاق ڈار نے کہا ہے کہ پاکستان ایٹمی طاقت ہے صرف معاشی طاقت کی کمی ہے۔
موجودہ حکومت کا ایک برس مکمل ہونے پر کابینہ کے خصوصی اجلاس سے خطاب میں اسحاق ڈار نے کہا کہ 2017 میں پاکستان دنیا کی 24ویں بڑی معیشت تھا، اپریل 2022 میں ملکی معیشت عالمی درجہ بندی میں 47ویں پوزیشن پر آگئی تھی۔
انہوں نے کہا کہ 2017ء میں پیشگوئی کی گئی تھی کہ پاکستان 2023ء میں جی 20 ممالک میں شامل ہوجائے گا، گوگل کرکے پرائس واٹر کوپر کی یہ پیشگوئی دیکھی جاسکتی ہے۔
نائب وزیراعظم نے مزید کہا کہ پاکستان ایک ایٹمی اور میزائل طاقت ہے، صرف معاشی طاقت کی کمی ہے، اگر تمام ادارے مل کر کام کریں تو یہ ہدف حاصل کرنا ناممکن نہیں ہے۔
اُن کا کہنا تھا کہ حکومت سنبھالی تو بہت سے چیلنجز درپیش تھے، ایس سی او کا کامیاب انعقاد پاکستان کی بڑی کامیابی ہے۔
اسحاق ڈار نے کہا کہ وزیراعظم شہباز شریف کی قیادت میں پاکستان نے کامیابیاں حاصل کیں، پاکستان اقوام متحدہ کی سلامتی کونسل کا رکن منتخب ہوا۔
.ذریعہ: Jang News
کلیدی لفظ: اسحاق ڈار کہا کہ نے کہا
پڑھیں:
نائب وزیراعظم اسحاق ڈار کا ایران اور افغانستان کے وزرائے خارجہ سے ٹیلی فونک رابطہ
انورعباس: نائب وزیراعظم اور وزیر خارجہ اسحاق ڈار نے ایران اور افغانستان کے عبوری وزیر خارجہ سے ٹیلی فونک رابطہ کیا ہے، جس میں دو طرفہ تعلقات پر تبادلہ خیال کیا گیا ۔
ترجمان دفتر خارجہ کے مطابق نائب وزیراعظم اسحاق ڈار نے ایران کے وزیر خارجہ سید عباس عراقچی سے ٹیلی فون پر بات چیت کی،انہوں نے دوطرفہ تعلقات پر تبادلہ خیال کیا۔ اسحاق ڈار نے باہمی تعاون کو مزید گہرا کرنے کے عزم کا اعادہ کیا۔
پاکستانی یوٹیوبر کا دنیا کے سب سے بڑے یوٹیوبر مسٹر بیسٹ کے ساتھ تاریخی اشتراک
ترجمان دفتر خارجہ کا مزید کہناتھا کہ باہمی دلچسپی کی علاقائی اور عالمی پیش رفت پر بھی تبادلہ خیال کیا گیا،نائب وزیراعظم نے امید ظاہر کی کہ امریکہ اور ایران کے درمیان ثالثی کی کوششیں امن، سلامتی اور ترقی کا باعث بنیں گی۔
ترجمان دفتر خارجہ شفقت علی خان کا مزید کہناتھا کہ نائب وزیراعظم اسحاق ڈار نے آج قائم مقام افغان عبوری وزیر خارجہ ملا امیر خان متقی سے بات کی،نائب وزیراعظم نے اپنے کل کے دورہ کابل کے دوران ان کے اور ان کے ساتھ آنے والے وفد کے پرتپاک استقبال و شاندار مہمان نوازی پر ان کا شکریہ ادا کیا۔
اقوام متحدہ کے امن مشنز کیلئے پاکستان کے بھرپور تعاون پرمحسن نقوی کا شکریہ ادا کرتا ہوں؛ جین پیر لاکروا
دونوں رہنماؤں نے دورے کے دوران ہونے والی بات چیت کے نتائج پر اطمینان کا اظہار کیا،ترجمان کے مطابق فریقین نے دونوں ممالک کے عوام کے باہمی فائدے کے لیے کیے گئے فیصلوں پر تیزی سے عمل درآمد کرنے پر اتفاق کیا،نائب وزیراعظم نے عبوری افغان وزیر خارجہ کو دورہ پاکستان کی دعوت دی،اسے عبوری افغان وزیر خارجہ نے بخوشی قبول کر لیا۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ