محمد رضوان ٹی20 ٹیم کی کپتانی سے فارغ، نئے کپتان سلمان علی آغا ہوں گے، عاقب جاوید
اشاعت کی تاریخ: 4th, March 2025 GMT
قومی کرکٹ ٹیم کے کوچ عاقب جاوید نے پریس کانفرنس کرتے ہوئے ٹیم میں بڑی تبدیلیوں کا اعلان کردیا۔
پاکستان کرکٹ ٹیم کے کپتان محمد رضوان کو ٹی20 ٹیم کی قیادت سے فارغ کرکے سلمان علی آغا کو نیا کپتان مقرر کردیا گیا، جبکہ شاداب خان نائب کپتان ہوں گے۔ یہ بات واضح رہے کہ محمد رضوان ایک روزہ کرکٹ میں کپتانی جاری رکھیں گے
یہ بھی پڑھیے: موجودہ حالات میں پاکستان کی بہترین ٹیم منتخب کی، کوچ عاقب جاوید نے تنقید کو مسترد کردیا
لاہور میں سلمان علی آغا کے ہمراہ قومی ٹیم کے عبوری ہیڈ کوچ عاقب جاوید نے پریس کانفرنس کی جس میں یہ اعلان کیا، ساتھ انہوں نے دورہ نیوزی لینڈ کے لیے ٹی20 اور ایک روزہ ٹیم کا اعلان بھی کیا۔
انہوں نے کہا کہ ٹی ٹوینٹی ٹیم میں سلمان علی آغا (کپتان)، شاداب خان (وائس کپتان)، عبدالصمد، ابرار احمد، حارث رؤف، جہانداد خان، حسن نواز، خوش دل شاہ، محمد عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم، عثمان خان (وکٹ کیپر) شامل ہیں۔
عاقب جاوید نے ون ڈے کرکٹ کے لیے اسکواڈ کا اعلان کرتے ہوئے بتایا کہ ٹیم میں محمد رضوان (کپتان)، سلمان علی آغا (وائس کپتان)، عبداللہ شفیق، ابرار احمد، عاکف جاوید، بابر اعظم، فہیم اشرف، انعام الحق، خوش دل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم اور طیب طاہر شامل ہیں۔
???? Pakistan announce ODI and T20I squads for New Zealand tour ????@SalmanAliAgha1 appointed ???????? T20I captain ????#NZvPAK | #BackTheBoysInGreen pic.
— Pakistan Cricket (@TheRealPCB) March 4, 2025
کوچ عاقب جاوید نے کہا کہ ٹی ٹوینٹی کو ایک نئی سمت لے کر جانا چاہتے ہیں اس لیے نئے کپتان کا انتخاب کیا تاکہ آنے والے ایونٹس میں پاکستان کو ایک مضبوط ٹیم بننے میں مدد ملے۔
انہوں نے کہا کہ کچھ چیلنجز ہیں جو نظر آتے ہیں، مثلاً ہمارے پاس آل راؤنڈرز کی کمی ہے، شاداب خان کی پرفارمن انجریز کی وجہ سے خراب رہی تاہم اب اتنی لمبی باؤلنگ کے بعد ان کی کارکردگی سے متعلق خدشات دور ہوچکے ہوں گے۔
انہوں نے چیمپیئنز ٹرافی میں قومی ٹیم کی خراب کارکردگی کی ذمہ داری لیتے ہوئے کہا کہ میں بحیثیت ہیڈ کوچ اس کارکردگی کی ذمہ داری لیتا ہوں۔
اس موقع پر نومنتخب کپتان سلمان علی آغا نے کہا کہ ٹیم کی قیادت کے لیے میرا انتخاب میرے لیے اعزاز کی بات ہے، ساتھ یہ میرے لیے چیلنج بھی ہے۔
انہوں نے کہا کہ کوشش کی ہے کہ ٹیم میں نوجوانوں کو لے کر آئیں جو ڈومیسٹک میں یہ کرکٹ کھلتے ہیں اور آگے بھی ہم نے انہیں بین الاقوامی کرکٹ میں استعمال کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سلمان علی آغا محمد رضوانذریعہ: WE News
کلیدی لفظ: سلمان علی ا غا محمد رضوان کوچ عاقب جاوید نے سلمان علی ا غا محمد رضوان نے کہا کہ انہوں نے ٹیم میں کے لیے ٹیم کی
پڑھیں:
ویمنز ورلڈکپ کوالیفائر میں ناکامی پر ویسٹ انڈین کپتان مایوس
لاہور:ویمنز ورلڈ کپ کوالیفائر میں ناکامی پر ویسٹ انڈیز ٹیم کی کپتان کا دل ٹوٹ گیا۔
بنگلا دیش نے محض 0.1 نیٹ رن ریٹ کے فرق سے انھیں پیچھے چھوڑ کر پاکستان کے ہمراہ ورلڈ کپ فائنلز میں جگہ بنالی۔
ہیلی میتھیوز نے کہا کہ ہمیں محسوس ہو رہا ہے کہ ہم نے خود کو مشکل میں ڈالا ہے، ہم ایونٹ سے قبل انتہائی پراعتماد تھے لیکن ہمیں اس کی بھاری قیمت چکانا پڑی ہے۔
انہوں نے کہا کہ بنگلا دیش سے میچ میں ہماری ٹیم نے اچھی فائٹ کی لیکن تواتر سے پرفارمنس نہ کر پانے سے ہمیں کوالیفائر میں بڑا نقصان پہنچا۔
یاد رہے کہ مہم کے آغاز میں ہی اسکاٹ لینڈ کے ہاتھوں اَپ سیٹ شکست نے ویسٹ انڈین ویمنز ٹیم کے لیے مشکلات پیدا کی تھیں۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ