اسلام آباد سے دبئی جانے والی پرواز 7 گھنٹے گزرنے کے باوجود روانہ نہ ہوسکی، مسافروں کا ائیرپورٹ پر دھرنا
اشاعت کی تاریخ: 4th, March 2025 GMT
وفاقی دارالحکومت اسلام آباد کے ائیرپورٹ سے دبئی جانے والی پرواز 7 گھنٹے گزرنے کے باوجود روانہ نہ ہوسکی،مسافروں کا ائیرپورٹ پر دھرنا، نجی ائیر لائن کی پرواز نمبر پی اے 210 میں 7 گھنٹے تاخیر ہوگئی، پرواز سوا 2 بجے شیڈول تھی تاہم 7 گھنٹے گزرنے کے باوجود روانہ نہ ہوسکی،بتایاگیا ہے کہ ایئرلائن کا عملہ ایئرپورٹ سے غائب ہوگیا۔ مسافر بزرگ ، خواتین اور بچے بھی فلائٹ کی روانگی میں غیرمعمولی تاخیر کے باعث خوار ہوگئے۔پرواز کے 200 مسافروں نے احتجاج کرتے ہوئے ائیرپورٹ پردھرنا دے دیا۔ اس کے ساتھ ساتھ ملک بھر میںمختلف وجوہات کی بناءپر کئی پروازیں منسوخ کر دی گئیں۔لاہور سے کراچی جانے والی 3 پروازوں میں 6 سے 7 گھنٹے تاخیر ہوئی۔ اسی طرح کراچی سے اسلام آبادجانے والی 1 پرواز میں 5 گھنٹے تک تاخیر رپورٹ ہوئی۔کراچی کوئٹہ کی 2 پروازوں میں ساڑھے 5 گھنٹے تاخیر کاشکار ہوئیں۔کراچی سے لاہور جانے والی 7 پروازوں سمیت 15 اور لاہور ایئرپورٹ کی 10، پشاورسے ملتان اور کوئٹہ جانے والی 7 پروازوں میں تاخیر رپورٹ ہوئی۔ نجی ایئر کی لاہور شارجہ آئے جانے کی 2 پروازوں میں ساڑھے 10 گھنٹے تاخیر ہوئی ہے۔ اسلام آباد سے کراچی کی 11پروازوں سمیت 18پروازیں متاثر ہوئیں۔ کراچی کوئٹہ کی پرواز پی کے 311، لاہور کراچی 306، گلگت اسلام آباد پی کے 601، 602، 605، 606، اسلام آباد اسکردو پی کے 451، 452 منسوخ کر دی گئیں۔ اسلام آباد سے دبئی جانے والی پرواز 7 گھنٹے تاخیر کا شکارہوئیں ہیں۔قبل ازیں بھی چند روز قبل لاہورآنے والی ایک پرواز منسوخ ،7 سے زائد پروازیں تاخیر کا شکار ہو گئیں تھیں۔کراچی سے آنے والی ایئر بلیو کی پرواز پی اے 402 منسوخ ہو گئی تھی۔دبئی سے آنے والی ایئر بلیو کی پرواز پی اے 417 بارہ گھنٹے تاخیر کا شکار ہوئی تھی ۔مشہد سے آنیوالی غیر ملکی ایئر لائن کی پرواز ایچ ایچ 7207 تین گھنٹے اورکراچی سے لاہور آنیوالی سیرین ایئر کی پرواز ای آر 524 ایک گھنٹہ لاہور سے جدہ جانیوالی سعودی پرواز ایس وی 739 دس گھنٹے تاخیر کا شکار ہوئی تھیں
.ذریعہ: Nawaiwaqt
کلیدی لفظ: گھنٹے تاخیر کا پروازوں میں اسلام آباد جانے والی کی پرواز کراچی سے
پڑھیں:
خونی ڈمپر و ٹینکر سے شہریوں کی بڑھتی اموات ، آج نمائش چورنگی پر دھرنا ہو گا ،منعم ظفر خان
data-id="863a0a8" data-element_type="widget" data-widget_type="theme-post-content.default">
251213-01-20
کراچی (اسٹاف رپورٹر)امیرجماعت اسلامی کراچی منعم ظفر خان نے جمعہ کے روز ابراہیم حیدری کورنگی میں واٹر ٹینکر کی زد میں آکر جاں بحق ہونے والے 10 سالہ معصوم بچے فرحان کی نماز جنازہ کی امامت کی ۔قبل ازیں بچے کے والد نور محمد واہل خانہ سے ملاقات و تعزیت کی اور بچے کی المناک موت پر گہرے دکھ اور افسوس کا اظہار کیا ۔ اس موقع پر گفتگو کرتے ہوئے منعم ظفر خان نے کہا کہ شہر کراچی میں ٹینکر اور ڈمپرز کے باعث آئے دن حادثات پیش آرہے ہیںاور لوگ اپنے پیاروں کے جنازے اُٹھانے پر مجبور ہیں۔جماعت اسلامی نے خونی ٹینکرز و ڈمپر اور ہیوی ٹریفک کے باعث شہریوں کی بڑھتی اموات اور ای چالان کے نام پر عوام کی جیبوں پر ڈاکے کے خلاف آج شام 5بجے نمائش چورنگی پر احتجاجی دھرنے کا اعلان کیا ہے۔ دھرنے میں بے لگام ٹینکر و ڈمپر مافیا ، حکومتی بے حسی، تباہ حال انفرااسٹرکچر اور شہریوں کے بنیادی حقوق کی پامالی کے خلاف احتجاج ہوگا۔منعم ظفر نے کہا کہ آج ایک اور نہایت اندوہناک واقعہ پیش آیا ہے جس میں ایک معصوم بچہ جاں بحق ہوا۔اس حادثے نے ایک اور ہنستا بستا خاندان اُجاڑ دیا ہے،شہر میں اس وقت صورتحال یہ ہے کہ خونی ڈمپر و ٹینکر ز سے معصوم بچے ، نوجوان اور دیگر شہری موت کا شکار ہو رہے ہیں ۔ کراچی کا مجموعی انفرااسٹرکچر تباہ حال ہے، بچے گٹر میں گر جاتے ہیں، سڑکیں کھنڈر بنی ہوئی ہیں اور اس کے باوجود حکمرانوں کی مجرمانہ خاموشی نے شہریوں کی زندگیوں کو غیر محفوظ اور شہر میں پانی کی عدم دستیابی نے ٹینکر مافیا کو مضبوط کر دیا ہے۔ کراچی کے تقریباً 50 فیصد علاقے پانی سے محروم ہیں، جس کی وجہ سے ٹینکرز آبادیوں کے اندر آزادانہ داخل ہوتے ہیں اور حادثات جنم لیتے ہیں۔ جگہ جگہ تجاوزات ہیں، ٹریفک کا کوئی نظام نہیںاور حکومتی لاپروائی نے شہریوں کی جانوں کو مسلسل خطرے میں ڈال دیا ہے۔منعم ظفر خان نے 10سالہ فرحان کے اہل خانہ سے گہرے رنج و غم کا اظہار کرتے ہوئے کہا کہ یہ حادثہ انتہائی افسوس ناک ہے ، جماعت اسلامی اس دکھ کی گھڑی میں خاندان کے ساتھ کھڑی ہے اور ہم حکومتی بے حسی اور نا اہلی کے خلاف اپنی جدوجہد جاری رکھیں گے۔اس موقع پر امیر ضلع کورنگی مرزا فرحان بیگ،سیکرٹری ضلع ملیر کامران نواز و اہل علاقہ بھی بڑی تعداد میںموجود تھے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر