سرگودھا: غیر قانونی کھیل کیلئے استعمال کیا جانیوالا ریچھ ریسکیو کر لیا گیا
اشاعت کی تاریخ: 4th, March 2025 GMT
جانوروں کی دیکھ بھال کے لیے کام کرنے والی عالمی تنظیم فورپاز کی ٹیم اور وائلڈ لائف اتھارٹیز نے سرگودھا سے زخمی ریچھ کو ریسکیو کر لیا۔
فورپاز کی جانب سے جاری کیے گئے اعلامیے میں کہا گیا ہے کہ کارروائی اسلام آباد اور پنجاب وائلڈ لائف ڈپارٹمنٹ کی درخواست پر کی گئی، غیر قانونی طور پر رکھے گئے ریچھ کو بیئر بیٹنگ کے لیے استعمال کیا جا رہا تھا۔
بیئر بیٹنگ میں زنجیر میں جکڑے ریچھ سے بھوکے اور بپھرے کتوں کی لڑائی کرائی جاتی ہے، یہ کھیل غیر قانونی ہے اور دنیا بھر میں اس پر پابندی عائد ہے۔
اعلامیے کے مطابق 7 سال کے ریچھ کے ناک میں ڈالا گیا رنگ اور گردن کی زنجیر ہٹا دی گئی ہے۔
ریچھ کے جسم پر شدید زخم، آنکھوں، ناک اور پیٹھ پر بھی گہرے نشانات ہیں۔
عدالتی حکم پر ریچھ کو تحویل میں لے کر ریسکیو سینٹر منتقل کر دیا گیا ہے۔
.ذریعہ: Daily Mumtaz
پڑھیں:
صوبے کے حقوق کیلئے تمام سیاسی اور قانونی راستے اختیارکرینگے، وزیراعلیٰ خیبرپختونخوا
پشاور(نیوزڈیسک) وزیراعلیٰ خیبرپختونخوا سہیل آفریدی کا کہنا ہے کہ این ایف سی اجلاس میں صوبائی حقوق کیلئے سب کمیٹی قائم کردی گئی جوخوش آئندہے ۔ صوبے کے حقوق کیلئے تمام سیاسی اورقانونی راستے اختیارکیے جائیں گے۔
وزیراعلیٰ سہیل آفریدی نے کہا کہ سب کمیٹی کی سربراہی صوبائی مشیرخزانہ کریں گے، واجبات کی سفارشات وفاق کوپیش کی جائیں گی، وزیراعلیٰ کی این ایچ پی اوراین ایف سی بقایاجات پرمحکمہ خزانہ کوہرہفتے وفاق کوخط ارسال کرنے کی ہدایت کردی۔ کہا ضم اضلاع کے لیے سالانہ100ارب روپے کا وعدہ کیا گیا تھا۔
صوبائی کابینہ سے خطاب میں سہیل آفریدی نے کہا کہ بانی پی ٹی آئی اور بشریٰ بی بی کوناحق قیداور مسلسل آئسولیشن میں رکھا جارہا ہے، بانی اور انکی اہلیہ کوقید میں سردیوں کا سامان بھی فراہم نہیں کیاجارہا۔ بانی پی ٹی آئی کی بہنوں پر واٹرکینن چلانا، شرمناک اقدام ہے، صوبائی حکومت اس ناروا اور غیرانسانی سلوک کی بھرپورمذمت کرتی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر