انڈیا بمقابلہ آسٹریلیا: انڈیا نے آخری بار کب آسٹریلیا کو ناک آؤٹ اسٹیج میں شکست دی تھی؟
اشاعت کی تاریخ: 4th, March 2025 GMT
آئی سی سی چیمپیئنز ٹرافی 2025 میں انڈیا اور آسٹریلیا آج سیمی فائنل میں آمنے سامنے ہوں گے۔
اس اہم ایونٹ کے سیمی فائنل میں بھارت نے گزشتہ دنوں نیوزی لینڈ کو 44 رنز سے شکست دے کر سیمی فائنل تک رسائی حاصل کی تھی جہاں آج بھارتی ٹیم کا دبئی میں آسٹریلیا سے ٹاکرا ہوگا۔
یہ بھی پڑھیے: چیمپیئنز ٹرافی، سیمی فائنل سے قبل آسٹریلیا کو ایک اور جھٹکا، اہم کھلاڑی انجرڈ
دلچسپ بات یہ ہے کہ بھارت کی آئی سی سی ایونٹس کے ناک آؤٹ اسٹیجز میں آسٹریلیا کے خلاف تاریخ کچھ زیادہ متاثرکن نہیں رہی ہے۔
سال 2010 سے اب تک بھارت اور آسٹریلیا کا 4 مرتبہ آئی سی سی ایونٹس کے ناک آؤٹ مراحل پر آمنا سامنا ہوا ہے تاہم ان میں سے انڈیا کو صرف ایک میچ میں فتح حاصل ہوئی، باقی 3 میچز میں آسٹریلیا کے ہاتھوں شکست سے دوچار ہونا پڑا۔
بھارت نے آخری بار 2011 کے ون ڈے ورلڈ کپ کے کوارٹر فائنل میں آسٹریلیا کو شکست دی تھی جو اس مرحلے پر 2010 سے اب تک اس کی آسٹریلیا کے خلاف واحد کامیابی ہے۔
اس کے بعد ون ڈے ورلڈ کپ 2015 اور 2023 میں اسے آسٹریلیا سے بالترتیب سیمی فائنل اور فائنل میں شکست ہوئی۔
یہ بھی پڑھیے: چیمپیئنز ٹرافی: بھارت نے نیوزی لینڈ کو 44 رنز سے شکست دے دی
اسی طرح 2023 کے ورلڈ ٹیسٹ چیمپیئن شپ میں بھی انڈیا کو ہوم گراؤنڈ پر آسٹریلیا نے ناک آؤٹ کیا۔
آج دبئی میں ہونے والے سیمی فائنل مقابلے میں دیکھنا یہ ہے کہ بھارت آسٹریلیا کے خلاف کامیابی حاصل کرکے پچھلی کئی ناکامیوں کا تسلسل توڑنے میں کامیاب ہوتے ہیں یا نہیں۔
دوسری طرف اس اہم ٹاکرے کے لیے آسٹریلوی ٹیم بھی خاصی پرجوش ہے۔
آسٹریلوی کرکٹ ٹیم کے کپتان اسٹیو اسمتھ نے بھارت کے خلاف چیمپیئنز ٹرافی سیمی فائنل سے قبل دبئی کرکٹ اسٹیڈیم میں پریس کانفرنس کرتے ہوئے کہا کہ وہ سمی فائنل میں بھارت کے خلاف اچھا کھیل پیش کرنے کوشش کریں گے ۔
یہ بھی پڑھیے: چیمپیئنز ٹرافی، سیمی فائنل سے قبل آسٹریلیا کو ایک اور جھٹکا، اہم کھلاڑی انجرڈ
ون ڈے ورلڈ کپ 2023 کے فائنل میں بھارت کو شکست دے کر تماشائیوں کرانے سے متعلق پوچھے گئے سوال کے جواب میں اسٹیو اسمتھ نے کہاکہ وہ شائقین کو خاموش کرانے نہیں، کھیل میں بہترین کارکردگی دکھانے پر یقین رکھتے ہیں۔
انہوں نے کہاکہ سیمی فائنل میں بھارت سے کڑا مقابلہ ہوگا کیوں کہ بھارتی ٹیم مسلسل دبئی میں کھیل رہی ہے، ہمیں سیمی فائنل معرکے کا بے صبری سے انتظار ہے۔
آسٹریلوی کپتان نے کہاکہ بھارتی ٹیم دبئی کی کنڈیشنز کو اچھی طرح سمجھتی ہے، پچ خشک ہے جبکہ اس پر کافی گیمز بھی ہوچکی ہیں، اس لیے یہ اسپنرز کے لیے مددگار ثابت ہوگی۔
انہوں نے کہاکہ بھارت کے ساتھ ہمارا اچھا مقابلہ ہوگا، ہم خوب سے خوب تر کھیل پیش کرنے کے لیے پُرعزم ہیں۔
واضح رہے کہ بھارت آسٹریلیا کے درمیان چیمپیئنز ٹرافی کا پہلا سیمی فائنل آج دبئی کے کرکٹ اسٹیڈیم میں کھیلا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
cricket ICC india vs australia.ذریعہ: WE News
کلیدی لفظ: فائنل میں بھارت چیمپیئنز ٹرافی میں ا سٹریلیا ا سٹریلیا کو ا سٹریلیا کے سیمی فائنل نے کہاکہ کہ بھارت ناک ا ؤٹ کے خلاف کے لیے
پڑھیں:
پی ایس ایل ،پشاور زلمی نے ملتان سلطانز کو 120رنز سے شکست دیدی
راولپنڈی (نیوز ڈیسک ) پی ایس ایل ،پشاور زلمی نے ملتان سلطانز کو 120رنز سے شکست دیدی۔ 228رنز کے تعاقب میں ملتان سلطانز کی پوری ٹیم 107رنز پرآؤٹ ۔ پی ایس ایل 10میں یہ پشاور زلمی کی پہلی جیت ہے ۔ ملتان سلطانز کی جانب سے عثمان خان 40رنز کے ساتھ نمایاں رہے ۔ پشاور کی جانب سے علی رضا نے 4اور عارف یقوب نے 3کھلاڑیوں کوآؤٹ کیا۔ راولپنڈی:مچل اون نے 2کھلاڑیوں کو پویلین کی راہ دکھائی ۔
پشاور زلمی نے پہلے بیٹنگ کرتے ہوئے 7وکٹوں پر 227رنز بنائے ۔ ٹم کولر کیڈمور 52 ،محمد حارث نے 45 رنز کی اننگز کھیلی۔ عبدالصمد 40،حسین طلعت 37اورمچل اون 34 نے 40رنز کی اننگز کھیلی ۔ عبیدشاہ اور مائیکل بریسویل نے 2،2کھلاڑیوں کو آؤٹ کیا۔
مزید پڑھیں :وزیر مملکت کھیئل داس کوہستانی کی گاڑی پر انڈوں،ٹماٹروں کی بارش، وزیر اعظم نے نو ٹس لے لیا، کوہستانی کو ٹیلی فون
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج