آزادکشمییر کے بیشتر تعلیمی اداروں میں آئندہ2 دن کیلئے تعطیلات کا اعلان
اشاعت کی تاریخ: 4th, March 2025 GMT
راولاکوٹ ،مظفرآباد(نیوز ڈیسک) آزادکشمیر بھر میں موسم کی ابتر صورتحال کے پیش نظر تعلیمی اداروں میں تعطیل کااعلان کردیا۔حکومتی نوٹیفکیشن کے مطابق آزاد کشمیر کے تمام تعلیمی ادارےآج 4 مارچ بروز منگل کو بند رہیں گے۔ بالائی نیلم ،سرگن ویلی ،شونھڑ ویلی ، گریس ویلی ، لوئر نیلم میں جاگراں کے تمام ادارے اگلے دو دن کیلئے بند رکھنے کا حکم ۔
تفصیالت کے مطابق سیکرٹری ایلیمنٹری اینڈ سیکنڈری ایجوکیشن عنایت علی قاضی کے حکم کیمطابق ڈویژنل ڈائیریکٹر پونچھ نے ڈویژن پونچھ کے جملہ اضلاع میں موسم کی خرابی کی شدت کو مدنظر رکھتے ہوئے جملہ سرکاری و پرائیویٹ تعلیمی ادارہ جات(مردانہ/نسواں) کل مورخہ 04 مارچ 2025 کو بند رکھنے کا حکم دیدیا۔ موسم کی شدت سے اپنے آپ کو اور اپنے بچوں کو محفوظ رکھیں۔
دوسری جانب پونچھ (راولاکوٹ) میں تمام ریڈ فاؤنڈیشن سکول،کالجز 4 مارچ 2025 کو شدید برف باری کی وجہ سے بند رکھنے کا اعلان کردیا۔
موسم کی خرابی کومدنظر رکھتے ہوئے جہلم ویلی کے جملہ سرکاری و پرائیویٹ تعلیمی ایلیمنٹری اینڈ سیکنڈری ادارہ جات کل مورخہ 04 مارچ کو بند رہیں گے جبکہ بالائی نیلم میں کل 4 مارچ اور پرسوں 5 مارچ کو بھی تعلیمی ادارے بند رکھنے کا نوٹیفکیشن جاری کردیا گیا ہے۔
ڈسٹرکٹ ایجوکیشن آفیسرنیلم خواجہ ذاکر نے کہا ہے کہ بالائی نیلم کی سرگن ویلی، شونٹھر ویلی ، گریس ویلی لوئر نیلم میں جاگراں ویلی کی ایسے ادارے جہاں کے بچوں کے گلیشئرز کی زد میں آنے کا خطرہ ہے اگلے دو دن تک بند رکھے جائیں ۔۔۔کسی بھی خطرہ کے پیش نظر سربراہان اپنے طور پر فیصلہ کر لیں ۔
.ذریعہ: Daily Ausaf
کلیدی لفظ: بند رکھنے کا موسم کی
پڑھیں:
جے یو آئی بلوچستان کا فلسطین کے حق میں ملین مارچ نکالنے کا اعلان
جے یو آئی بلوچستان کے قائدین نے اعلان کیا کہ 15 مئی کو کوئٹہ میں فلسطینی عوام کی حمایت میں ملین مارچ نکالیں گے۔ اسلام ٹائمز۔ جمعیت علماء اسلام بلوچستان نے کوئٹہ میں فسلطینی عوام سے اظہار یکجہتی کیلئے ملین مارچ کا اعلان کر دیا ہے۔ لاہور میں جے یو آئی بلوچستان کے صوبائی مجلس عاملہ کے غیرمعمولی اجلاس میں فلسطین میں اسرائیلی درندگی اور خونریزی پر شدید رنج و غم اور اضطراب کا اظہار کرتے ہوئے فیصلہ کیا گیا کہ 15 مئی 2025 کو کوئٹہ میں "اسرائیل مردہ باد ملین مارچ" کا انعقاد کیا جائے گا، تاکہ دنیا کو یہ گواہی دی جائے کہ بلوچستان کے غیور فرزند مظلوم فلسطینی بھائیوں کی نصرت اور قبلہ اول کے تحفظ کے لیے ہر قیمت پر میدان عمل میں موجود ہیں۔
اجلاس سے خطاب کرتے ہوئے صوبائی امیر سینیٹر مولانا عبدالواسع نے کہا کہ یہ عظیم مارچ دنیا کو یہ پیغام دے گا کہ اسلام کا رشتہ سرحدوں یا نسلوں کا نہیں بلکہ ایمان، اخوت اور مظلوموں کی حمایت کا رشتہ ہے۔ آج پوری دنیا دیکھ رہی ہے کہ اسرائیل نہتے معصوم بچوں اور بے قصور شہریوں پر بم برسا کر اپنی سفاکیت اور اخلاقی شکستگی کا بدترین مظاہرہ کر رہا ہے۔ انہوں نے کہا کہ اس کی درندگی اور بربریت حق و باطل کے اس معرکے میں اس کی یقینی شکست کا پیش خیمہ ہے۔ امریکہ کی کھلی پشت پناہی نے بھی دنیا پر یہ حقیقت آشکار کر دی ہے کہ امریکہ اب صرف خونریزی، جبر اور سامراجیت کا نمائندہ بن چکا ہے۔ امن، انسانی حقوق اور جمہوریت کے تمام دعوے محض فریب، جھوٹ اور مکاری ثابت ہو چکے ہیں۔ آج امریکہ کے لئے انسانی حقوق کا علًمبردار کہلانا شرم کا مقام بن چکا ہے۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ