کراچی، مزدا گاڑی تلے کچلے جانے سے 4 سالہ بچی جاں بحق
اشاعت کی تاریخ: 4th, March 2025 GMT
لواحقین کے مطابق متوفیہ رخسانہ افطار کے وقت گھر سے باہر کھیلنے گئی تھی، علاقے میں ریت ڈالنے کے لئے آنے والے منی مزدا ٹرک نے بچی کو کچل دیا۔ اسلام ٹائمز۔ شہر قائد میں مزدا گاڑی تلے کچلے جانے سے 4 سالہ بچی جاں بحق ہوگئی۔ حادثہ کورنگی مہران ٹاؤن جلال چوک کے قریب پیش آیا، لواحقین کے مطابق متوفیہ رخسانہ افطار کے وقت گھر سے باہر کھیلنے گئی تھی، علاقے میں ریت ڈالنے کے لئے آنے والے منی مزدا ٹرک نے بچی کو کچل دیا، گاڑی میں ڈرائیور سمیت 3 افراد سوار تھے۔ لواحقین کا مزید کہنا تھا کہ 2 موقع سے فرار ہوگئے، ایک شخص کو پکڑ کے پولیس کے حوالے کردیا، متوفیہ بچی 3 بہن بھائیوں میں سب سے بڑی تھی، لاش کو ضروری کارروائی کیلئے ہسپتال منتقل کر دیا۔
.ذریعہ: Islam Times
پڑھیں:
کراچی آج ہیٹ ویو کی لپیٹ میں، پارہ 41 پر جانے کا امکان
—فائل فوٹوملک کا سب سے بڑا شہر کراچی آج ہیٹ ویو کی لپیٹ میں ہے۔
محکمۂ موسمیات کے مطابق شہرِ قائد میں آج زیادہ سے زیادہ درجۂ حرارت 39 سے 41 ڈگری تک جانے کا امکان ہے جبکہ آئندہ 24 گھنٹوں کے دوران بھی موسم گرم اور مرطوب رہنے کی پیش گوئی کی گئی ہے۔
ماہرینِ صحت نے ہیٹ ویو کے پیش نظر کراچی کے شہریوں کو احتیاط کی ہدایت کرتے ہوئے کہا ہے کہ شہری صبح 11 بجے سے شام 4 بجے تک غیر ضروری طور پر گھروں سے باہر نہ نکلیں۔
کراچی میں آئندہ 24 گھنٹوں کے دوران موسم گرم رہنے کا امکان ہے۔
دوسری جانب محکمۂ موسمیات کا کہنا ہے کہ حیدر آباد میں زیادہ سے زیادہ درجۂ حرارت41، نواب شاہ میں 42، سکھر میں 40، ملتان میں 39، لاہور میں 38، پشاور میں 33 اور کوئٹہ میں 24 ڈگری تک جانے کی توقع ہے۔
خلیل الرحمٰان قمر ہنی ٹریپ اغوا کیس کا فیصلہ آج سنایا جائے گا