منشیات کیخلاف سخت سزاؤں کا قانون تیار
اشاعت کی تاریخ: 3rd, March 2025 GMT
خیبرپختونخوا حکومت نے منشیات کے خلاف سخت سزاؤں کا قانون تیار کر لیا۔
خیبرپختونخوا کنٹرول آف نارکوٹکس سبسٹانسز ایکٹ ترمیی بل منظور کرلیا گیا ہے جبکہ بل وزیر ایکسائز خلیق الرحمان نے پیش کیا جس میں منشیات کی خرید وفروخت، کاروبار اور اسمگلنگ پر الگ الگ سزاؤں کا پہلی مرتبہ تعین کیا گیا ہے۔
بل کے مطابق 10 سے 20 کلو گرام ریکریشنل منشیات پر 14 سال قید جبکہ 20 کلو گرام سے زائد ریکریشنل ڈرگز پرعمر قید اور 2 لاکھ جرمانے کی سزا تجویزکی گئی ہے۔
ایک کلو گرام سے کم پوست پر 4 سال قید، 20 ہزار جرمانہ جبکہ 10 کلو گرام سے زائد چرس پرعمر قید، 8 لاکھ تک جرمانہ ہو گا اور 8 کلو گرام افیون پر عمر قید جبکہ 6 کلو گرام سے زائد ہیروئن پرعمر قید یا پھانسی کی سزا ہو گی۔
مجوزہ قانون میں 5 کلو گرام سے زائد کوکین پرعمر قید یا پھانسی کی سزا تجویز کی گئی ہے۔
4 کلو گرام سے زائد سائیکو ٹراپیک سبسٹانسز پرعمر قید یا پھانسی کی سزا کا تعین کیا گیا ہے ۔
بل میں تعلیمی اداروں میں منشیات برآمد ہونے پر سخت ترین سزائیں دینے کی تجویز رکھی گئی ہے۔
ذریعہ: Daily Mumtaz
کلیدی لفظ: کلو گرام سے زائد کی سزا
پڑھیں:
کراچی کے بے روزگارنوجوانوں کیلئے 50 ہزارنوکریاں
کراچی (اُردو پوائنٹ اخبارتازہ ترین - این این آئی۔ 19 اپریل2025ء)انٹرنیشنل فوڈ چین فوڈ پاپا نے پاکستان میں اپنی سروس کا باقاعدہ آغاز کر دیا ہے۔ کراچی کے نوجوانوں کو روزگار کے وسیع مواقع فراہم کرنے کے لیے علی شیخانی اور جے ڈی سی کے تعاون سے نیو فوڈ ڈیلیوری سروس کا آغاز کیا گیا ہے۔ منتظمین کا کہنا ہے کہ شہر قائد میں اب روزگار کی کمی نہیں رہے گی۔پہلے مرحلے میں 50 ہزار افراد کو نوکری دی جائے گی، جبکہ کراچی، لاہور، اسلام آباد اور پشاور میں مجموعی طور پر 5 لاکھ نوکریاں فراہم کی جائیں گی۔ رائیڈرز کے لیے اسپتال اور ان کے بچوں کے لیے اسکول کی سہولت بھی دی جائے گی۔ فوڈ پاپا پر کام کرنے والے رائیڈرز ہوں یا کسی بھی عہدے پر موجود ورکرز، سبھی اور ان کی فیملیز کو انشورنس کی سہولت بھی میسر ہوگی۔(جاری ہے)
فوڈ پاپا کو جلد ہی یو اے ای، یو ایس اے، عمان، آسٹریلیا اور یو کے میں بھی لانچ کیا جائے گا، جبکہ اس کے شیئرز بھی جلد مارکیٹ میں عوام کے لیے دستیاب ہوں گے۔ 80 فیصد ریسٹورنٹس نے فوڈ پاپا کے ساتھ مل کر عوام کو خدمت فراہم کرنے کے لیے معاہدہ بھی کیا ہے۔نوجوان نوکری کے لیے آج ہی foodpapa.com پر رجسٹریشن کرکے خود کو نوکری کے لیے رجسٹر کروا سکتے ہیں۔ فوڈ پاپا کو وزیراعظم یوتھ لون پروگرام کا تعاون بھی حاصل ہے، جبکہ جے ڈی سی، فوڈ پاپا کے 2 فیصد شیئرز کی مالک ہے۔نوجوانوں اور ہوم شیفس کو اس فوڈ چین پروگرام کے ذریعے بیرونِ ملک نوکری کے بھی مواقع میسر آئیں گے۔ اس موقع پر ایک ڈاکیومینٹری کے ذریعے شیخانی گروپ کے دنیا بھر میں چلنے والے کاروبار کو بھی دکھایا گیا، جبکہ معروف اداکارہ سعدیہ امام نے پروگرام میں میزبانی کے فرائض سر انجام دیے۔
کراچی کے علاقے کورنگی کریک میں لگی پراسرار آگ 17 دن بعد خودبخود بجھ گئی