قذافی اسٹیڈیم کے تعمیراتی معیار کا پول ایک بارش میں کھل گیا، واش روم کی چھت ٹپکنے لگی
اشاعت کی تاریخ: 2nd, March 2025 GMT
پاکستان کرکٹ بورڈ کے چیئرمین محسن نقوی نے آئی سی سی چیمپیئنز ٹرافی سے قبل ریکارڈ مدت میں لاہور کے قذافی اسٹیڈیم کا تعمیراتی کام مکمل کروایا جس پر ان کی تعریف بھی کی گئی تھی، تاہم اس کے بعد ملک میں ہونے والی پہلی بارش نے ہی ناقص تعمیر کا پول کھول دیا۔
قذافی اسٹیڈیم کی تیاری کے دوران مزدور دن رات کام کرتے رہے، اور اس دوران محسن نقوی خود چیکنگ کے لیے بھی جاتے رہے ہیں۔
یہ بھی پڑھیں آئی سی سی کے سی ای او نے لاہور اور کراچی کے اسٹیڈیمز کی تعریف کیوں کی؟
ملک میں طویل خشکی کے بعد ہونے والی حالیہ بارش نے قذافی اسٹیڈیم کی ناقص تعمیر کا پول کھول دیا ہے۔
لاہور میں آدھے گھنٹے سے بھی کم وقت کے لیے ہونے والی بارش میں ایک وی آئی پی انکلوژر کے واش روم کی چھت نے ٹپکنا شروع کردیا۔
یاد رہے کہ قذافی اسٹیڈیم کی دوبارہ تعمیر حال ہی میں مکمل ہوئی تھی جس کے بعد چیئرمین پی سی بی محسن نقوی نے کام کرنے والے ملازمین کے اعزاز میں ایک تقریب کا بھی انعقاد کیا تھا۔
یہ بھی پڑھیں نیشنل بینک کرکٹ اسٹیڈیم کراچی کی رنگا رنگ افتتاحی تقریب، نامور گلوکاروں نے اپنی آواز کا جادو جگایا
سوشل میڈیا صارفین کی جانب سے چیئرمین پی سی بی محسن نقوی پر تنقید کی جارہی ہے، اور کہا جارہا ہے کہ ایک تو ٹیم بھی ٹھیک نہیں ہوسکی، اوپر سے اربوں روپے لگا کر تعمیر کیے گئے اسٹیڈیم کا بھی یہ حال ہے کہ ایک ہی بارش نے سارا پول کھول دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش پول کھل گیا تعمیراتی کام چیئرمین پی سی بی قذافی اسٹیڈیم لاہور محسن نقوی وی نیوز.ذریعہ: WE News
کلیدی لفظ: تعمیراتی کام چیئرمین پی سی بی قذافی اسٹیڈیم لاہور محسن نقوی وی نیوز قذافی اسٹیڈیم محسن نقوی
پڑھیں:
سعودی شہریوں کیلئے پاکستان آنے پر کوئی ویزا نہیں، جب چاہیں آئیں: محسن نقوی
وفاقی وزیر داخلہ محسن نقوی— فائل فوٹووفاقی وزیر داخلہ محسن نقوی نے سعودی عرب کے سفیر نواف بن سعید احمد المالکی سے ملاقات کی ہے۔
اسلام آباد میں سعودی سفارتخانے آمد پر سعودی سفیر نے محسن نقوی کا خیرمقدم کیا، اس ملاقات میں باہمی دلچسپی کے امور، دوطرفہ تعلقات کے فروغ اور باہمی تعاون بڑھانے کے حوالے سے تبادلہ خیال کیا گیا۔
وزیر داخلہ نے معاشی و سماجی شعبوں میں پاکستان کا ساتھ دینے پر سعودی حکومت اور سفیر کا شکریہ ادا کیا۔
محسن نقوی نے کہا کہ پاک گلف تعاون کونسل انسداد منشیات کانفرنس میں سعودی وفد کی شرکت پر مشکور ہیں، انسداد منشیات اور انسانی اسمگلنگ کی روک تھام کیلئے سعودی عرب کے ساتھ تعاون بڑھانا چاہتے ہیں۔
وزیرِ دفاع خواجہ آصف نے کہا ہے کہ سعودی عرب میں 4700 پاکستانی بھکاری پکڑے گئے، اس سے ملک کی بدنامی ہو رہی ہے۔
وزیر داخلہ نے کہا کہ بھکاریوں اور غیر قانونی امیگریشن روکنے کے لئے پاسپورٹ کے حصول کے لئے نئی شرائط عائد کی جارہی ہیں، بھکاری مافیا کے خلاف گھیرا تنگ کر دیا گیا ہے۔
محسن نقوی نے کہا کہ سعودی شہریوں کے لئے پاکستان آنے پر کوئی ویزا نہیں، جب چاہیں آئیں۔
انہوں نے کہا کہ بے گناہ خاندان کی رہائی اور وطن واپسی کے لیے سعودی عرب نے بہت ساتھ دیا، سعودی حکومت کے تعاون کی بدولت ہی خاندان کے 5 افراد کو رہائی ملی اور وطن واپس آئے۔
ملاقات میں سعودی سفیر نے کہا کہ پاکستان کے ساتھ انتہائی قریبی تعلقات ہیں جنہیں مزید فروغ دینا چاہتے ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج