پیپلزپارٹی کو عوام کے دلوں سے ڈکٹیٹر نکال سکا اور نہ کوئی برساتی سیاستدان، شرجیل میمن
اشاعت کی تاریخ: 1st, March 2025 GMT
کراچی :سندھ کے سینئر وزیر شرجیل انعام میمن نے کہا ہے کہ کینالز کے خلاف تحریکیں چلانے والے ذہنوں میں زہر بھرنے کی کوشش کر رہے ہیں، ہم فارم 47 والے نہیں فارم 45 والے ہیں، پیپلز پارٹی کو عوام کے دلوں سے کوئی ڈکٹیٹر نکال سکا، نہ کوئی برساتی سیاستدان نکال سکا۔
حیدرآباد میں سولر سسٹم کی تقسیم کی تقریب سے خطاب کرتے ہوئے شرجیل میمن کا کہنا تھا کہ جو غریب لوگ بجلی کا بل برداشت نہیں کرسکتے، ان کو گھر پر بجلی کے لیے سولر سسٹم مہیا کررہے ہیں، 2 لاکھ سے زائد گھروں کو میرٹ کی بنیاد پر حکومت سندھ یہ سولر سسٹم دے رہی ہے۔
انہوں نے کہاکہ پورے پاکستان میں کوئی ایک صوبہ بتائیں کہ لوگوں کی بڑھ چڑھ کر ایسے مدد کی جارہی ہو،یہ سولر صرف مستحق کو ملیں گے، سیلاب کے دوران راتوں کو جاگ کر لوگوں کے علاقوں سے پانی نکلوایا، ہم نے سیلاب میں لوگوں کے پاس پکا پکایا کھانا پہنچایا۔
ان کا کہنا تھا کہ دنیا کی تاریخ کا سب سے بڑا پراجیکٹ 21 لاکھ گھر بنائے جارہے ہیں، یہ واحد سندھ حکومت ہے جس نے یہ کام کردکھایا جس طرح ہیلتھ میں پی پی نے کام کیا کوئی ایک صوبہ بتائیں کہ جہاں صحت کی سہولیات اس طرح ملتی ہو؟ یہاں دل کا علاج کینسر کا علاج مفت ہوتا ہے۔
سینئر صوبائی وزیر نے کہاکہ 2008 میں پیپلز پارٹی کی پہلی حکومت آئی ہر دور میں ہم نے کام کیا، ہم نے ہر الیکشن میں پہلے سے زیادہ سیٹس لیں، پیپلز پارٹی کا واضح موقف ہے کہ کینالز نہیں بنیں گی، سندھ میں کینالز کے خلاف تحریک چلانے کی کوشش کی جا رہی ہے۔
انہوں نے کہا کہ ابھی اتحاد بن رہے ہیں یہ ہر دور میں بنتے ہیں، چاہے اس میں بھلے ایم کیو ایم ہو یا جی ڈی اے ہو فتح ہمیشہ پیپلز پارٹی کی ہوتی ہے، باقی چوں چوں کے مربے انتخابات کے دور میں بنتے ہیں پھر غائب ہوتے ہیں۔
ان کا کہنا تھا کہ اس وقت بھی سندھ میں کوشش کی جارہی ہے کہ کینالز کے خلاف تحریک چلائی جائے پیپلز پارٹی کی حکومت کہہ چکی ہے کہ کینالز نہیں بنیں گی، جب تک پیپلز پارٹی کی حکومت ہے بلاول بھٹو نے کہا ہے کینالز نہیں بنیں گی، تاریخ گواہ ہے کالا باغ ڈیم کا خاتمہ پیپلز پارٹی نے کیا۔
شرجیل انعام میمن نے کہا ہے کہ صوبائی خود مختاری پیپلز پارٹی نے دی، جب پیپلزپارٹی نے این ایف سی ایوارڈ نے دیا تو صوبہ سرحد کا نام کے پی کے نے رکھا۔
ان کا کہنا تھا کہ پیپلز پارٹی سے ہمیشہ اچھے کی امید رکھو، لوگ آپ جھوٹ بیچنے کی کوشش کرتے ہیں، لوگ آپ کے ذہنوں میں زہر بھرنے کی کوشش کرتے ہیں۔
صوبائی وزیرنے کہا کہ لوگوں کو ہماری شکل نہیں خدمت اچھی لگتی ہے، اس ملک کو آئین دینے والا ذوالفقار بھٹو ہے، اور ایٹمی طاقت دینے والا ذوالفقار بھٹو ہے ۔
ذریعہ: Daily Mumtaz
کلیدی لفظ: پیپلز پارٹی کی کا کہنا تھا کہ ہے کہ کینالز کی کوشش نے کہا
پڑھیں:
فیض حمید کی سزا کسی حکومت کی فتح نہیں: طارق فضل چوہدری
طارق فضل چوہدری—فائل فوٹووفاقی وزیر برائے پارلیمانی امور طارق فضل چوہدری کا کہنا ہے کہ فیلڈ مارشل سید عاصم منیر نے ثابت کیا فوج میں بھی کوئی افسر قانون کی خلاف ورزی کرے گا تو قانون حرکت میں آئے گا۔
اسلام آباد میں پریس کانفرنس کرتے ہوئے طارق فضل چوہدری نے کہا کہ فوج کی تاریخ میں پہلے کبھی ایسی مثال نہیں ملتی، فیض حمید کو ان کی مرضی کی لیگل ٹیم فراہم کی گئی۔
ان کا کہنا ہے کہ میرٹ پر فیصلہ قانون کی فتح اور آئین کی سر بلندی ہے، یہ فیصلہ ثابت کرتا ہے کہ کوئی بھی قانون سے بالاتر نہیں، 4 الزامات ثابت ہونے پر 14 سال قید بامشقت کی سزا سنائی گئی۔
تحریک انصاف کے ڈاکٹر نثار جٹ نے کہا کہ پہلے بھی مذاکرات میں ہم نے مطالبہ کیا تھا کہ ہماری بانی تحریک انصاف تک رسائی کروا دیں مگر نہیں کروائی گئی۔
طارق فضل چوہدری نے کہا کہ جب آپ ریاستی منصب کو سیاسی انجینئرنگ کے لیے استعمال کرتے ہیں تو اس کے نتائج ہوتے ہیں، وہ سمجھتے تھے کہ جو کچھ کر رہا ہوں اس کا حساب نہیں دینا پڑے گا، بانیٔ پی ٹی آئی اور فیض حمید کا گٹھ جوڑ تھا، فیض حمید کی سزا کسی حکومت کی فتح نہیں۔
انہوں نے کہا کہ بانیٔ پی ٹی آئی آج بھی ریاستی اداروں کے خلاف پروپیگنڈا کر رہے ہیں، پی ٹی آئی ہوش کے ناخن لے، منفی سیاست کی اب کوئی گنجائش نہیں، پی ٹی آئی کا منفی بیانیہ ایکسپوز کرنا ہماری ذمے داری ہے، بانیٔ پی ٹی آئی سے ان کی متعدد بار ملاقاتیں کروائی گئیں، وہ جیل کو ایسے استعمال کر رہے ہیں جیسے پارٹی سیکریٹریٹ ہو۔
وفاقی وزیر نے کہا کہ اللّٰہ نے دنیا میں اس وقت پاکستان کو عزت دی، معرکۂ حق میں فتح دی، فیلڈ مارشل عاصم منیر کی قیادت میں پاکستان نے حالیہ جنگ میں بڑی فتح حاصل کی، اس وقت دنیا میں پاکستان کو منفرد پزیرائی مل رہی ہے جو پہلے نہیں ملی۔
طارق فضل نے کہا کہ ہم افغانستان کے ساتھ اچھے تعلقات چاہتے ہیں، دنیا میں کوئی ملک نہیں جس نے 40 لاکھ مہاجرین کی مہمان نوازی کی، ہم دہشت گردی کے ذمے دار افغان عوام کو نہیں افغان رجیم کو سمجھتے ہیں۔
انہوں نے کہا کہ خیبر پختون خوا کے وزیرِ اعلیٰ کا رویہ عدم تعاون کا ہے، آپریشن کا شوق کس کو ہے؟ ان آپریشنز میں فوج کا جانی نقصان ہوتا ہے، فوج کے جوانوں نے دہشت گردی کے خلاف جانوں کی قربانیاں دیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر