اسکائپ کو مئی 2025 میں بند کیے جانے کا امکان
اشاعت کی تاریخ: 1st, March 2025 GMT
اسلام آباد(نیوز ڈیسک)مائیکرو سافٹ کی جانب سے ویڈیو کالنگ ایپلی کیشن اسکائپ کو 22 سال بعد رواں برس مئی میں بند کیے جانے کا امکان ہے۔
ٹیکنالوجی ویب سائٹ کے مطابق اسکائپ کے ونڈوز پریویو پر کمپنی کی جانب سے صارفین کو پیغام دیا گیا ہے کہ ویڈیو کالنگ ایپلی کیشن مئی کے بعد دستیاب نہیں ہوگی۔
مذکورہ میسیج میں بتایا گیا ہے کہ اسکائپ مئی 2025 کے بعد دستیاب نہیں ہوگا، تاہم پیغام میں تاریخ کا ذکر نہیں کیا گیا۔
اگرچہ مائیکرو سافٹ کی جانب سے اسکائپ کے ونڈوز پر پیغام جاری کیا گیا ہے، تاہم تاحال کمپنی نے واضح طور پر ویڈیو کالنگ ایپ کو بند کرنے کا اعلان نہیں کیا۔
ویڈیو کالنگ ایپ اسکائپ کو 2003 میں متعارف کرایا گیا تھا، جسے بعد ازاں 2011 میں مائیکرو سافٹ نے خریدا تھا۔
واٹس ایپ اور زوم سمیت دیگر ایپلی کیشنز آنے سے قبل اسکائپ وہ واحد ویڈیو کالنگ ایپلی کیشن تھی، جسے دنیا بھر میں ویڈیو کالز کے لیے استعمال کیا جاتا تھا۔
گزشتہ چند سال میں بتدریج اسکائپ کی مقبولیت میں کمی دیکھی گئی، کورونا کی وبا کے بعد زوم جیسے پلیٹ فارمز نے اسکائپ کو مزید نقصان پہنچایا۔
مائیکرو سافٹ نے اسکائپ کی مقبولیت میں اضافے کی کوششیں کیں، تاہم کمپنی کو کامیابی نہ مل سکی، جس کے بعد اب کمپنی کی جانب سے اسے مکمل طور پر بند کیے جانے کا امکان ہے۔
خیال ظاہر کیا جا رہا ہے کہ مائیکرو سافٹ چند ہفتوں میں اسکائپ کو بند کرنے کے حوالے سے آفیشل بیان بھی جاری کرے گا۔
مزیدپڑھیں:رمضان کے آتے ہی اشیائےضروریہ کی قیمتوں کو پَرلگ گئے
ذریعہ: Daily Ausaf
کلیدی لفظ: مائیکرو سافٹ ویڈیو کالنگ کی جانب سے اسکائپ کو کے بعد
پڑھیں:
ملک میں گرم موسم اور ہیٹ ویو نے خطرے کی گھنٹی بجادی۔
ملک میں گرمی کی لہر کے ساتھ ہیٹ ویو نے بھی دستک دے دی۔نیشنل ڈیزاسٹر مینجمنٹ اتھارٹی نےبھی الرٹ جاری کردیا۔ ملک میں آج سے 27 اپریل تک گرمی کی شدید لہر کہ ایڈوائزری جاری کردی گئی۔ این ڈی ایم اے کے مطابق ملک کے بیشتر شہروں میں موسم خشک اورگرم رہنے کاامکان ہے۔ شمالی علاقوں میں موسم ابرآلود رہنے کی پیشگوئی ہے. این ڈی ایم اے کی ایڈوائزری کے مطابق 22 تا 27 اپریل 2025 کے دوران بلوچستان اور سندھ کے صوبوں میں ہفتے کے دوران موسم خشک اور درجہ حرارت معمول سے کافی زیادہ رہنے کا امکان ہے۔ ایڈوائزری کے مطابق گلگت بلتستان، آزاد جموں و کشمیرکے مختلف علاقوں اور خیبر پختونخواہ کے چند اضلاع ایبٹ آباد، بنوں، بونیر، چارسدہ، چترال، دیر، ہری پور، کرک، کوہاٹ میں مطلع جزوی ابر آلود رہنے کے ساتھ ساتھ بارش کا امکان ہے۔ ان کے علاوہ کوہستان، خیبر، کرم، مانسہرہ، مہمند، نوشہرہ، پشاور، صوابی، سوات اور وزیرستان میں بھی مطلع جزوی ابر آلود رہنے کے ساتھ ساتھ بارش کا امکان ہے۔
کراچی: کورنگی کریک میں ماہرین نے دوبارہ آگ لگا دی