راولپنڈی پولیس نے اسٹیڈیم کے قریب گرفتاری پر سوشل میڈیا اطلاعات کو فیک نیوز قرار دے دیا
اشاعت کی تاریخ: 27th, February 2025 GMT
پاکستان اور بنگلہ دیش کے میچ کے دن اسٹیڈیم کے باہر سے ایک شخص کی گرفتاری کی ویڈیو سوشل میڈیا پر وائرل ہوئی جس میں دیکھا جا سکتا ہے کہ اس نے ایک جیکٹ پہنی ہوئی ہے جبکہ اس کے پاس سے رائفل بھی برآمد ہوئی ہے۔
یہ بھی پڑھیں: راولپنڈی اسٹیڈیم: چیمپیئنز ٹرافی میچ کے دوران گراؤنڈ میں گھسنے والے شخص کے خلاف مقدمہ درج
اس حوالے سے پولیس ذرائع نے وی نیوز کو بتایا کہ پاکستان اور بنگلہ دیش کے کرکٹ میچ کے دوران اسٹیڈیم سے کچھ فاصلے پر فیض آباد کے قریب ایک مشتبہ شخص کو دیکھا گیا جس کے ساتھ اس کی بیوی بھی موجود تھی پولیس نے جب شخص کو گرفتار کیا تو اس شخص کی حضرت جمال کے نام سے شناخت ہوئی جبکہ اس کی بیوی کا نام شرینہ بی تھا۔
ذرائع نے کہا کہ وہ شخص خیبر پختونخوا کا رہائشی ہے اور وہ اسلام آباد کے علاقے بھارہ کہو میں مقیم ہے اور اس شخص کے پاس جو اسلحہ تھا اس کا لائسنس موجود تھا جو خیبر پختونخوا سے حاصل کیا گیا تھا۔
پولیس ذرائع نے بتایا کہ حضرت جمال کو جب گرفتار کیا گیا تو اس وقت اس نے ایک بلٹ پروف جیکٹ پہنی ہوئی تھی اور پوچھنے پر اس نے بتایا کہ اس کی اپنے آبائی علاقے میں دشمنی چل رہی ہے لہٰذا وہ جب بھی گھر سے باہر نکلتا ہے تو خود کو محفوظ رکھنے کے لیے بلٹ پروف جیکٹ پہن لیتا ہے۔
مزید پڑھیے: ارباب فیملی کا پشاور کے ارباب نیاز اسٹیڈیم کا نام تبدیل کرنے پر عدالت جانے کا فیصلہ
راولپنڈی پولیس نے بھی اس حوالے سے اپنا بیان جاری کیا ہے جس میں کہا گیا کہ میڈیا پر گردش کرنے والی یہ خبر انتہائی گمراہ کن ہے، اس فرد کو حساس مقامات سے دور معمول کی چیکنگ کے دوران وقتی طور پر حراست میں لیا گیا ہے اور وہ کوئی دہشتگردی والا معاملہ نہیں ہے۔ پولیس کا کہنا ہے کہ اس شخص پر دہشت گردی کا نہ تو کوئی شبہ ہے اور نہ ہی ایسی کسی بات کا کوئی ثبوت ملا ہے۔
پولیس نے سوشل میڈیا صارفین سے گزارش کی کہ وہ ذمے داری کا مظاہرہ کریں اور حقائق کے منافی گمراہ کن مواد شیئر کرنے سے پرہیز کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ میچ گرفتاری راولپنڈی راولپنڈی اسٹیڈیم.ذریعہ: WE News
کلیدی لفظ: راولپنڈی راولپنڈی اسٹیڈیم پولیس نے ہے اور
پڑھیں:
احتجاج و پولیس پر تشدد: علی امین گنڈاپور کے ناقابل ضمانت وارنٹ گرفتاری جاری
لاہور کی انسداد دہشت گردی کی عدالت نے وزیرِ اعلیٰ خیبر پختونخوا علی امین گنڈاپور کے وارنٹ گرفتاری جاری کر دیے۔
5 اکتوبر کو پی ٹی آئی کے لاہور میں احتجاج اور پولیس پر تشدد کے معاملےپر عدالت نے علی امین گنڈاپور کے ناقابل ضمانت وارنٹ گرفتاری جاری کیے ہیں۔
عدالت نے علی امین گنڈا پور سمیت پی ٹی آئی کے 4 رہنماؤں کے وارنٹ گرفتاری جاری کیے ہیں۔
حماد اظہر، سعید سندھو اور شہباز احمد کے بھی وارنٹ گرفتاری جاری کیے گئے ہیں۔
پولیس نے کہا کہ علی امین گنڈاپور سمیت دیگر افراد شامل تفتیش نہیں ہو رہے، پولیس نے کئی بار شامل تفتیش ہونے کےلیے طلب کیا،ملزمان 5 اکتوبر کے احتجاج اور پولیس پر تشدد کے مقدمات میں مطلوب ہیں۔
پولیس نے پی ٹی آئی رہنماؤں کو ایف آئی آرز میں نامزد کر رکھا ہے۔
Post Views: 1
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ