سینیٹ کی قائمہ کمیٹی صوبائی حکومتوں پر برہم، چیف سیکریٹری سندھ کو طلب کرلیا
اشاعت کی تاریخ: 27th, February 2025 GMT
اسلام آباد:
سینیٹ کی قائمہ کمیٹی برائے اقتصادی امور نے منصوبوں پر اخراجات کی تفصیلات نہ دینے پر شدید برہمی کا اظہار کیا اور چیف سیکریٹری سندھ کو طلب کرلیا۔
سینیٹ کی قائمہ کمیٹی برائے اقتصادی امور کا اجلاس سینیٹر سیف اللّٰہ ابڑو کی زیر صدارت منعقد ہوا اور کمیٹی نے صوبوں کی جانب سے منصوبوں پر اخراجات کی تفصیلات نہ دینے پر شدید برہمی کا اظہار کیا۔
چیئرمین قائمہ کمیٹی کا کہنا تھا کہ صوبہ سندھ اور بلوچستان کے منصوبوں کی تفصیلات نہیں دی گئیں، کمیٹی نے چیف سیکریٹری سندھ کو اگلے اجلاس میں طلب کرلیا ہے۔
سینیٹر سیف اللہ ابڑو نے کہا کہ یورپی یونین کی فراہم کردہ گرانٹ کے اخراجات کی تفصیلات طلب کی گئی تھیں، دادو وزیر اعلیٰ کا ضلع ہے وہاں کے اخراجات پر تفصیلات نہیں ملیں۔
چیئرمین کمیٹی نے کہا کہ سندھ میں ڈپٹی کمشنرز کے ذریعے منظور نظر افراد میں سولر پینل تقسیم کیے جا رہے ہیں، وزارت اقتصادی امور چیف سیکریٹری سندھ سے تفصیلات لے کر بتائے۔
انہوں نے کہا کہ حکومتی لوگوں میں سولر پینلز تقسیم ہو رہے ہیں، اگر سندھ تفصیلات فراہم نہیں کرتا تو ڈونرز کو لکھیں گے کہ بے ضابطگی ہو رہی ہے ۔
سیکریٹری اقتصادی امور ڈاکٹر کاظم نیاز نے کہا کہ وزارت اقتصادی امور نے 2022 کی تفصیلات بھی کمیٹی کو فراہم کی ہیں، 2022 میں 8 ارب ڈالر کا ہدف حکومت نے رکھا تھا جبکہ پاکستان کو 2022 کے سیلاب سے نمٹنے کے لیے 10 ارب ڈالر ملے ہیں۔
انہوں نے کہا کہ جو بھی قرض ملا وہ کم شرح سود پر ملا، عالمی بینک، ایشیائی ترقیاتی بینک نے رعایتی قرضے دیے، عالمی مالیاتی اداروں نے موسمیاتی تبدیلی کے اثرات سے نمٹنے کے لیے پاکستان کے کردار کی تعریف کی ہے۔
کمیٹی نے اگلے اجلاس میں کولمبو پلان کی تفصیلات طلب کرلی ہیں اور چیئرمین کمیٹی سیف اللہ ابڑو نے کہا کہ سندھ میں سولر پینل ڈپٹی کمشنرز کے ذریعے منظور نظر افراد میں تقسیم ہو رہے ہیں، وزارت اقتصادی امور چیف سیکریٹری سندھ سے تفصیلات لے کر بتائ۔
انہوں نے مزیدکہا کہ حکومتی لوگوں میں سولر پینلز تقسیم ہو رہے ہیں، اگر سندھ تفصیلات فراہم نہیں کرتا تو ڈونرز کو لکھیں کہ بے ضابطگی ہو رہی ہے، سیلاب سے متاثرہ افراد کے لیے گھر بنانے کے بجائے کسی اور کے بن رہے ہیں، پلاننگ کمیشن سندھ نے تفصیلات اگلے اجلاس میں پیش کرنے کی یقین دہانی کرادی ہے۔
.ذریعہ: Express News
کلیدی لفظ: چیف سیکریٹری سندھ قائمہ کمیٹی کی تفصیلات نے کہا کہ کمیٹی نے میں سولر رہے ہیں
پڑھیں:
امریکی سیکرٹری دفاع نے نجی گروپ میں بھی یمن حملوں کی تفصیلات شیئر کیں، امریکی اخبار
امریکی سیکرٹری دفاع نے نجی گروپ میں بھی یمن حملوں کی تفصیلات شیئر کیں، امریکی اخبار WhatsAppFacebookTwitter 0 21 April, 2025 سب نیوز
واشنگٹن(آئی پی ایس )امریکی سیکرٹری دفاع پیٹ ہیگستھ نے 15 مارچ کو یمن میں حوثی اہداف پر متوقع فضائی حملوں کی حساس معلومات ایک نجی سگنل گروپ میں شیئر کیں۔اس بات کا انکشاف امریکی اخبار نیویارک ٹائمز نے چار باخبر ذرائع کا حوالہ دیتے ہوئے کیا ہے، اخبار کے مطابق اس سگنل گروپ میں پیٹ ہیگسیتھ کی اہلیہ، بھائی اور ذاتی وکیل بھی شامل تھے۔
امریکی اخبارکے مطابق سیکرٹری دفاع کی جانب سے سگنل گروپ میں شیئر کی گئی تفصیلات میں حملے کے لیے امریکی لڑاکا طیاروں کی پروازوں کے اوقات بھی شامل تھے۔خیال رہے کہ یہ وہی معلومات تھیں جو پیٹ ہیگستھ نے اسی روز ایک علیحدہ سگنل چیٹ میں بھی شیئر کی تھیں جس میں غلطی سے دی اٹلانٹک میگزین کے ایڈیٹر کو بھی شامل کر لیا گیا تھا۔
امریکی اخبار کے مطابق پیٹ ہیگستھ کی اہلیہ جینیفر فاکس نیوز کی سابق پروڈیوسر ہیں اور محکمہ دفاع کی ملازم نہیں ہیں مگر وہ اپنے شوہر کے ہمراہ غیر ملکی دوروں پر جا چکی ہیں اور کئی حساس ملاقاتوں میں ان کی موجودگی پر پہلے ہی تنقید کی جاتی رہی ہے۔
اخبار کے مطابق ہیگستھ کے بھائی فِل اور ان کے وکیل ٹم پرلاتور دونوں پینٹاگون میں ملازمت کرتے ہیں لیکن ذرائع کے مطابق یہ واضح نہیں ہے کہ انہیں یمن پر حملوں کی پیشگی تفصیلات جاننے کی ضرورت کیوں پیش آئی۔
نیویارک ٹائمز کے مطابق یہ سگنل گروپ خود پیٹ ہیگستھ نے جنوری میں اپنی بطور سیکرٹری دفاع توثیق سے پہلے بنایا تھا، اس گروپ میں ان کے ذاتی اور پیشہ وارانہ حلقے کے افراد شامل تھے اور وہ اس گروپ کو سرکاری فون کے بجائے ذاتی موبائل پر استعمال کررہے تھے۔اس نئے سگنل گروپ کے حوالے سے خبر سامنے آنے کے بعد وائٹ ہاس کی جانب سے کہا گیا ہے کہ سگنل گروپ پر کوئی خفیہ معلومات شیئر نہیں کی گئی اور امریکی صدر ٹرمپ سیکرٹری دفاع کے ساتھ ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرخیبر پختونخوا: سکیورٹی فورسز کے 2 آپریشنز، سرغنہ سمیت 6 خوارج ہلاک اگلی خبرجے یو آئی کے ساتھ اتحاد نہ ہونے کا معاملہ: بیرسٹر گوہر کا ردِ عمل آ گیا عمران خان سے منگل کو ملاقات کا دن، فیملی ممبران کی فہرست جیل انتظامیہ کو ارسال ٹیرف کے اعلان کے بعد تجارتی معاہدے پر مذاکرات، امریکی نائب صدر کا دورہ انڈیا ججزسنیارٹی کیس، وفاقی حکومت نیعدالت میں ججز تبادلوں پر تمام خط و کتابت جمع کرادی جے یو آئی کے ساتھ اتحاد نہ ہونے کا معاملہ: بیرسٹر گوہر کا ردِ عمل آ گیا خیبر پختونخوا: سکیورٹی فورسز کے 2 آپریشنز، سرغنہ سمیت 6 خوارج ہلاک علی امین گنڈاپور نے خیبرپختونخوا مائنز اینڈ منرل ایکٹ پر سوشل میڈیا بیانیہ اڑا دیاCopyright © 2025, All Rights Reserved
رابطہ کریں ہمارے بارے ہماری ٹیم
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟