آپریشن سوئفٹ ریٹارٹ کے 6 سال مکمل، آزاد کشمیر کے شہریوں کے تاثرات
اشاعت کی تاریخ: 26th, February 2025 GMT
27 فروری 2019 کا سورج پاکستان کے لیے فتح کی نوید لے کر طلوع ہوا تھا۔
26 فروری کو بھارت کی جانب سے سرجیکل اسٹرائیک کا ڈرامہ رچایا گیا۔ سرجیکل اسٹرائیک کا پاک فضائیہ نے آپریشن سوئفٹ ریٹارٹ کے ذریعے مؤثر جواب دیا ۔
اس حوالے سے آزاد کشمیر کے شہریوں نے آنکھوں دیکھا حال سناتے ہوئے کہا کہ27 فروری کو جو واقعہ رونما ہوا وہ پاکستان کی بہت بڑی جیت تھی۔
ایک شہری نے کہا کہ پاکستانی افواج نے دنیا کو پیغام دیا تھا کہ ہم اپنے وطن کا دفاع کرنا جانتے ہیں۔
یہ بھی پڑھیں: آپریشن سوئفٹ ریٹارٹ پاک فوج کی مکمل برتری کا مظہر ہے، آئی ایس پی آر
کشمیری شہریوں نے کہا کہ ہم دنیا کو پیغام دیتے ہیں کہ پاک فوج اور پاک فضائیہ دنیا کی سب سے بہادر اور مضبوط فورسز ہیں۔
ایک شہری نے کہا کہ پاکستانی افواج اپنے وطن کے ایک ایک چپے کا دفاع کرنا جانتی ہیں۔شہریوں نے اس عزم کا اعادہ کیا کہ وہ اپنی پاک افواج کے ساتھ ہمیشہ شانہ بشانہ کھڑے ہیں اور رہیں گے اور اگر کبھی بھارت نے دوبارہ ایسی حرکت کی تو ہم ان کو منہ توڑ جواب دیں گے۔
کشمیری شہریوں نے کہا کہ بھارت 27 فروری کے واقعے کی طرح دوبارہ ایسا کوئی قدم اٹھانے کی جرآت تک نہیں کرے گا۔
ایک شہری نے بتایا کہ 27 فروری 2019 کی صبح میں یہان موجود تھا کہ ایک طیارہ زمین بوس ہوا اور پائلٹ بھی زمین پر گرا تو ہم اس جانب چلے گئے۔
مزید پڑھیے: ‘آپریشن سوئفٹ ریٹارٹ ‘کے 4 سال مکمل، مسلح افواج کے سربراہان کا خراج تحسین
انہوں نے کہا کہ جب ہم پائلٹ کی جانب بڑھے تو اس نے بھاگنا شروع کردیا اور بالکل قریب جا کر ہم نے دیکھا تو اس کا badge بھارت کا تھا۔ ہم نے اس کو پکڑا اور اسی دوران پاک آرمی کے جوان آگئے اور انہوں نے پائلٹ کو گرفتار کر لیا۔شہری نے کہا کہ ہمیں بہت خوشی ہوئی کہ بھارت کا طیارہ گر کر تباہ ہوا۔ ہمیں اپنی فوج پر بہت فخر ہے، وہ بارڈر پر ڈیوٹی دیتے ہیں تو ہم سکون کی نیند سوتے ہیں۔ ہمیں معلوم ہے کہ ہماری فوج جنگ سے پیچھے نہیں ہٹے گی۔
کشمیری شہریوں نے کہا کہ ہم ہمیشہ پاک فوج کے شانہ بشانہ کھڑے رہیں گے اور خون کے آخری قطرے تک پاک فوج کا ساتھ دیں گے۔
ایک اور شہری نے بتایا کہ27 فروری 2019 کو صبح کے وقت ہمیں ایک زوردار دھماکے کی آواز آئی اور کچھ دیر بعد ہم نے دیکھا تو ایک طیارہ گر کر تباہ ہوچکا ہے۔
مزید پڑھیں: ایرانی مسلح افواج نے دہشتگردوں کے خلاف پاک فوج کے آپریشن کو سراہا
ایک شہری نے کہا کہ پاک فضائیہ کی جانب سے دشمن کا طیارہ مار گرائے جانے پر ہمیں بہت خوشی ہوئی۔
شہری نے بتایا کہ کچھ ہی دیر بعد پاک آرمی کے جوان پہنچے اور بھارتی پائلٹ کو اپنے ساتھ لے گئے۔
واضح رہے کہ بھارت کی پاکستان کے ہاتھوں ہزیمت کو 6 سال ہو چکے ہیں مگر پاکستانی عوام کے ذہنوں میں آج بھی پاک فضائیہ کا کارنامہ محفوظ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27 فروری 2019 ابھی نندن آپریشن سوئفٹ ریٹارٹ آپریشن سوئفٹ ریٹارٹ 2019 بھارتی طیارہ تباہ.ذریعہ: WE News
کلیدی لفظ: ابھی نندن ا پریشن سوئفٹ ریٹارٹ ا پریشن سوئفٹ ریٹارٹ 2019 بھارتی طیارہ تباہ ا پریشن سوئفٹ ریٹارٹ شہری نے کہا کہ ایک شہری نے شہری نے کہ شہریوں نے پاک فوج کہ پاک
پڑھیں:
ریلوے میں بوگیوں کی شدید کمی سے ٹرین آپریشن متاثر
data-id="863a0a8" data-element_type="widget" data-widget_type="theme-post-content.default">
251212-01-21
لاہور (آن لائن) ریلوے حکام کو ملک بھر میں ٹرین آپریشن برقرار رکھنے میں شدید مشکلات کا سامنا ہے، کیونکہ ریلوے کے نظام میں بوگیوں کی مجموعی کمی 385 تک پہنچ گئی ہے۔ بوگیوں کی قلت کے باعث متعدد ٹرینیں شارٹ کمپوزیشن کے ساتھ چلائی جا رہی ہیں، جس سے ٹرینوں کی روانگی اور وقت کی پابندی دونوں متاثر ہو رہی ہیں۔ذرائع کے مطابق ریلوے نے مختلف ٹرینوں کے ریک سے مجموعی طور پر 45 بوگیاں نکال کر کم کی ہوئی کمپوزیشن کے ساتھ ٹرینیں چلانا شروع کر دی ہیں، جبکہ حیران کن طور پر 135 بوگیاں سالانہ مینٹی ننس کے بغیر ہی ٹریک پر دوڑائی جا رہی ہیں، جس پر مسافروں کی سیکیورٹی سے متعلق سوالات اٹھنے لگے ہیں۔بوگیوں کی کمی کے باعث لاہور اور کراچی اسٹیشنوں پر لازمی طور پر موجود 34 بوگیوں کے اضافی ریک بھی ختم کر دیے گئے ہیں، جبکہ ریلوے کے پاس مختلف کیٹیگریز میں صرف 24 اضافی بوگیاں باقی رہ گئی ہیں، جو ایک بڑے سسٹم کے لیے ناکافی ہیں۔ادھر ریلوے ورکشاپس میں 503 بوگیاں مرمت اور بحالی کے لیے طویل عرصے سے منتظر ہیں۔ فنڈز کی کمی، مستحکم پالیسیوں کا فقدان اور افسران کے غیر ضروری بار بار تبادلے مرمتی عمل میں بڑی رکاوٹ بن چکے ہیں، جس کا براہِ راست اثر ٹرین آپریشن پر پڑ رہا ہے۔اعداد و شمار کے مطابق ریلوے کو معمول کے مطابق ٹرین آپریشن چلانے کے لیے کم از کم 1,464 بوگیوں کی ضرورت ہے، مگر اس وقت سسٹم میں صرف 1,079 فعال بوگیاں موجود ہیں۔ حکام کا کہنا ہے کہ بوگیوں کی کمی سے روزانہ کی روانگی، وقت کی پابندی اور مسافر لوڈ شدید متاثر ہو رہے ہیں، جبکہ فوری طور پر بوگیوں کی بحالی اور نئی بوگیوں کی خریداری ناگزیر ہو چکی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر