ہم ملک میں آئین کی بالادستی کی بات کر رہے ہیں ، شاہد خاقان عباسی
اشاعت کی تاریخ: 26th, February 2025 GMT
اسلام آباد(اردوپوائنٹ اخبار تازہ ترین۔26فروری 2025)عوام پاکستان پارٹی کے رہنماء شاہد خاقان عباسی کا کہنا ہے کہ ہم ملک میں آئین کی بالادستی کی بات کر رہے ہیں، چوری کے ذریعے حکومت میں آنے والے آئین سے ڈرتے ہیں، یہ ایک بھی ایک کانفرنس سے ڈرتے ہیں، اب یہ کانفرنس جہاں بھی ہو ضرور ہوگی،اسلام آباد میں تحریک تحفظ آئین پاکستان کے رہنماﺅں کے ہمراہ پریس کانفرنس کرتے ہوئے انہوں نے کہا کہ انہیں کانفرنسوں کے ذریعے ملک سے انتشار ختم ہوتا ہے۔
ہم کھل کر آئین کے حوالے سے بات کریں گے۔ قانون کی حکمرانی اور ترقی کی بات کی جائے گی۔ ہم نے پریس کانفرنس کیلئے ہال بک کروایا لیکن وہاں اجازت نہیں دی گئی۔اس کے بعد ہم نے ایک اور مارکی میں انتظام کیا۔ ہمیں یہ کہا گیا یہاں سے ٹیم گزرتی ہے ہم نے ایک اور جگہ پر ہال لیا وہاں بھی نہیں چھوڑا گیا، یہ کوئی جلسہ نہیں تھا بلکہ یہ ایک کانفرنس تھی۔(جاری ہے)
ہم نے اپنی پریس کانفرنس میں میڈیا، دانش وروں اور وکلا کو دعوت دی تھی۔اس موقع پر گفتگو کرتے ہوئے تحریک تحفظ آئین پاکستان کے سربراہ محمود خان اچکزئی کا کہنا تھا کہ ہم پھر فارم 45 والوں کی اسمبلی بلائیں گے۔ ہم پھر پیکا ایکٹ اور 26 ویں ترمیم ختم کریں گے۔یہ حکمران ناجائز ہیں، ہمیں مجبور کیا گیا تو اسمبلی کی کارروائی نہیں کرنے دیں گے۔انہوں نے کہا کہ کسی کو اچھا لگے یا برا یہ روایات ہم نے توڑنی ہیں۔آئین سے کھیلنے والوں کو کوئی سزا نہیں ملتی۔خیال رہے کہ چند روز قبل گفتگو کرتے ہوئے عوام پاکستان پارٹی کے سربراہ شاہد خاقان عباسی کا کہنا تھا کہ سب کو بیٹھ کر مسائل کا حل نکالنا ہوگا۔ پارلیمنٹ میں بھی زبان بندی تھی۔وہاں پربھی کسی کو بولنے نہیں دیا جاتاتھا۔ بانی پی ٹی آئی عمران خان بھی اپنے دور حکومت میں یہی کام کرتے تھے اس وقت بھی کسی کوبھی بولنے کی اجازت نہیں تھی۔ انہوں نے یہ بھی کہاتھا کہ مسلم لیگ ن نے مجھے بہت کچھ دیا ہے اور میں نے بھی جماعت کو ہمیشہ عزت دی تھی۔ میرانوازشریف کے ساتھ ذاتی تعلق تھی۔صرف نواز شریف کو مجھ پر بات کرنے کا حق تھا۔نواز شریف جو بات کریں گے میں قبول کروں گا۔مسلم لیگ ن نے موجودہ سیاست کاجو راستہ اپنایا تھا میں اس سے اتفاق نہیں کرتاتھا۔میں ووٹ کو عزت دو کے نعرے کے ساتھ تھا۔ نوازشریف کے ساتھ میرا 35 سال کا تعلق تھا اور میں نے ہمیشہ ان کی عزت کی تھی۔وہ میرے لئے قابل احترام تھے۔ جو آئین کی بالادستی ، شفاف الیکشن اور ملکی ترقی کی بات کرے گا میں ہمیشہ اس کے ساتھ ہونگا۔.
ذریعہ: UrduPoint
کلیدی لفظ: تلاش کیجئے کے ساتھ کی بات بات کر
پڑھیں:
چیف جسٹس ایس سی او جوڈیشنل کانفرنس کیلیے آج چین جائیں گے
اسلام آباد:چیف جسٹس پاکستان یحییٰ آفریدی چائنہ میں شنگھائی تعاون تنظیم ( ایس سی او) جوڈیشل کانفرنس میں شرکت کے لیے آج روانہ ہونگے۔
کانفرنس 22 سے 26 اپریل تک چین کے شہر ہانگڑو میں منعقد ہوگی ،وفد میں جسٹس امین الدین، جسٹس شاہد وحید، سیشن جج گوادر ظفر جان، سینئر سول جج ضلع لکی مروت نادیہ گل بھی شامل ہونگے۔
چیف جسٹس پاکستان چین کی سپریم پیپلز کورٹ کے ساتھ تاریخی مفاہمتی یادداشت پر دستخط کریں گے جسکا مقصد بین الاقوامی تجارتی قانون، ثالثی، سائبر کرائم، مالیاتی جرائم، موسمیاتی تبدیلی سے متعلق قانونی چارہ جوئی اور عدالتی ٹیکنالوجی کے انضمام سمیت اہم شعبوں میں عدالتی تعاون کا فروغ ہے۔
مزید پڑھیں: ججز کے تبادلے چیف جسٹس کی مشاورت سے ہوئے، رجسٹرار سپریم کورٹ کا جواب
جسٹس شاہد وحید مصنوعی ذہانت کا عدالتی اطلاق کے عنوان سے کلیدی خطاب کریں گے۔ چیف جسٹس کی ایران اور ترکی کے چیف جسٹسز کیساتھ دو طرفہ ملاقاتیں بھی شیڈول ہیں۔چیف جسٹس پاکستان خصوصی دعوت پر ترکی کا بھی دورہ کرینگے۔
چیف جسٹس ترکیۃ کی آئینی عدالت کی 63 ویں سالگرہ کی تقریبات میں شرکت کریں گے جبکہ کل سپریم کورٹ کے سینئر جج جسٹس منصور علی شاہ قائم مقام چیف جسٹس کا حلف اٹھائیں گے ۔جسٹس منیب اختر اُن سے حلف لیں گے۔
سینئر وکلاء اور ججز حلف برداری کی تقریب میں شرکت کریں گے۔ آئندہ عدالتی ہفتے کیلئے سپریم کورٹ کے کیسز کی کاز لسٹ جاری کردی گئی ہے ۔جسٹس محمد علی مظہر کی سربراہی میں پانچ رکنی آئینی بنچ 22 اپریل کو ججز سنیارٹی کیس کی سماعت کرے گا۔
مزید پڑھیں: 9 مئی مقدمات میں ملزمان کے حقوق کا تحفظ کیا جائے گا، چیف جسٹس
جسٹس عامر فاروق اور جسٹس علی باقر نجفی پر مشتمل دو رکنی بنچ لاہور میں کیسز سنے گا۔21 اپریل کو جسٹس منصور علی شاہ اور جسٹس شاہد بلال حسن پر مشتمل بنچ کیسز کی سماعت کرے گا۔22 اپریل کو جسٹس منصور علی شاہ کی سربراہی میں جسٹس محمد علی مظہر اور جسٹس شاہد بلال حسن پر مشتمل بنچ کیسز کی سماعت کرے گا۔
جسٹس منیب اختر کی سربراہی میں تین رکنی بنچ تشکیل دیا گیا ہے ۔تیسرا بنچ جسٹس جمال مندوخیل اور جسٹس میاں گل حسن اورنگزیب، چوتھا تین رکنی بنچ جسٹس اطہر من اللہ کی سربراہی میں تشکیل دیا گیا ۔پانچواں بنچ جسٹس مسرت ہلالی اور جسٹس شکیل احمد ، چھٹا بنچ جسٹس نعیم اختر افغان اور جسٹس شفیع صدیقی، ساتواں بنچ جسٹس سردار طارق مسعود اور جسٹس مظہر عالم میاں خیل پر مشتمل تشکیل دیا گیا۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ