چین 2 لاکھ نوجوانوں کو آئی ٹی کی تعلیم دے گا: احسن اقبال
اشاعت کی تاریخ: 26th, February 2025 GMT
شکر گڑھ (نامہ نگار) وفاقی وزیر احسن اقبال نے گورنمنٹ پوسٹ گریجویٹ کالج شکر گڑھ میں تقسیم انعامات کی تقریب سے خطاب کرتے ہوئے کہا کہ آنے والا وقت آئی ٹی کی تعلیم سے جڑا ہے۔ ہم نوجوانوں کو چھ چھ ماہ کے آئی ٹی کورسز سکھانے جا رہے ہیں۔ خواتین گھر بیٹھ کر لاکھوں کما سکتی ہیں۔ وزیر اعظم پروگرام کے تحت 2 لاکھ نوجوانوں کو چائنہ آئی ٹی تعلیم دے گا۔ آرٹیفیشل انٹیلی جنس کی تعلیم سے ملکی ترقی میں مثبت تبدیلی آئے گی۔ نوجوان کو سوشل میڈیا سے گمراہ کیا جا سکتا ہے۔ ایک نوجوان کی میرے سے کوئی دشمنی نہیں تھی مگر اس نے سوشل میڈیا کی پوسٹوں سے متاثر ہوکر میری جان لینے کی کوشش کی۔ نوجوان نے مجھے جو گولی ماری وہ نفرت کی گولی تھی جو آج بھی میرے جسم میں ہے۔ کچھ جماعتیں ہیں جو کہتی ہیں کہ ہمیں ووٹ دوگے تو جنت میں جاؤ گے، ان کے بہکاوے میں نہ آئیں۔ رمضان میں ہمیں ریفریشر کورس کرنا ہے۔ آج ہم نے قرآن مجید سے تعلق توڑ دیا ہے، قرآنی تعلیم سے ہم سوشل میڈیا کے بہکاوے سے بچ سکتے ہیں۔ ہمارے پاس دنگا فساد اور گالم گلوچ کرنے والوں کی کمی نہیں ہے۔
.ذریعہ: Nawaiwaqt
پڑھیں:
نوجوان جمہوری اقدار، پارلیمانی روایات ،قانون سازی میں حصہ لیں:محمد احمد خان
لاہور(خصوصی نامہ نگار )سپیکر پنجاب اسمبلی ملک محمد احمد خان سے ینگ پارلیمنٹری فورم بورڈ کے نو منتخب عہدیداروں نے ملاقات کی۔ سپیکر نے نو منتخب ٹیم کو مبارکباد دیتے ہوئے ان کیلئے نیک خواہشات کا اظہار کیا۔سپیکر ملک محمد احمد خان نے نوجوانوں پر زور دیا کہ وہ جمہوری اقدار، پارلیمانی روایات اور قانون سازی کے عمل میں بھرپور حصہ لیں تاکہ ایک ترقی یافتہ اور باشعور معاشرے کی تشکیل ممکن ہو سکے۔ ملاقات میں صدر آمنہ حسن، جنرل سیکرٹری سلمان شاہد، سینئر نائب صدر منصور اعظم، نائب صدر حسن رضا، جوائنٹ سیکرٹری محمد انس، فائننس سیکرٹری انعام باری، انفارمیشن سیکرٹری زرناب شیر سمیت دیگر ممبران شریک تھے۔سپیکر ملک محمد احمد خان نے ڈپٹی سپیکر ملک ظہیر اقبال، چیئرمین پی اے سی ٹو سید علی حیدر گیلانی اور دیگر ممبران اسمبلی کے ہمراہ کیک کاٹا اور کامیاب ٹیم کو خراجِ تحسین پیش کیا۔ سپیکر نے کہا نوجوانوں کے حقوق و مفادات کے تحفظ کیلئے ینگ پارلیمنٹرینز فورم ایک موثر اور فعال پلیٹ فارم ہے جو نوجوانوں کی رہنمائی اور نمائندگی کا اہم ذریعہ بن چکا ہے۔
کراچی: کورنگی کریک میں ماہرین نے دوبارہ آگ لگا دی