ایتھوپیا کے سفیر ڈاکٹر جمال بکر نے گرینڈ ایتھوپیا پاکستان بزنس فورم کی صدارت کی
اشاعت کی تاریخ: 25th, February 2025 GMT
ایتھوپیا کے سفیر ڈاکٹر جمال بکر نے گرینڈ ایتھوپیا پاکستان بزنس فورم کی صدارت کی WhatsAppFacebookTwitter 0 25 February, 2025 سب نیوز
لاہور (سب نیوز)پاکستان میں ایتھوپیاکے سفیرڈاکٹر جمال بکر عبد اللہ نے وزارت تجارت، ٹریڈ ڈویلپمنٹ اتھارٹی پاکستان اور فیڈریشن آف پاکستان چیمبرز آف کامرس اینڈ انڈسٹری کے عہدیداروں کے ساتھ مل کر لاہور میں ایک گرینڈ ایتھوپیا پاکستان بزنس فورم کی صدارت کی۔اسلامی جمہوریہ پاکستان کی حکومت کی طرف سیاس سال کی مئی 2025 میں ادیس ابابا، ایتھوپیا میں ہونے والی سنگل کنٹری نمائش کیلئے پنجاب کے تاجروں کو متحرک کرنے کے لیے اس بزنس فورم کا انعقاد کیا گیا جس میں پنجاب سے 26 سے زائد کاروباری چیمبرز کے عہدیداروں نے شرکت کی۔
ایتھو پاکستان بزنس فورم کا انعقادایتھوپیا کے اسلام آبادمیں سفارت خانہ،وزارت تجارت، ٹریڈ ڈویلپمنٹ اتھارٹی اور فیڈریشن آف پاکستان چیمبرز آف کامرس اینڈ انڈسٹری کی ایک مشترکہ کاوش تھی۔ ایف پی سی سی آئی کی پاکستان ایتھوپیا بزنس کونسل کے چیئرمین اور کراچی میں ایتھوپیا کے اعزازی قونصل ابراہیم خالد تواب اور ایتھوپیا کے سرمایہ کاری کمیشن کے سینئر انویسٹمنٹ پروموشن ٹیم لیڈ مسٹر موکونن ہیلو نے بزنس فورم میں آن لائن شرکت کی۔اجتماع سے خطاب کرتے ہوئے، سفیر نے تاجر برادری کو ایتھوپیا کی حکومت کی طرف سے کی گئی قانونی اور اقتصادی اصلاحات کے بارے میں بتایا جس سے ملک میں کاروبار اور سرمایہ کاری کے لیے سازگار ماحول پیدا ہوا ہے۔انہوں نے کہا کہ کے معاشی اصلاحات کے نتیجے میں پانچ بڑے شعبوں بشمول زراعت اور ایگرو پروسیسنگ، مینوفیکچرنگ، کان کنی، سیاحت اور آئی سی ٹی میں غیر معمولی کاروبار، تجارت اور سرمایہ کاری کے مواقع پیدا ہوئے۔انہوں نے کہا کیاسلامی جمہوریہ پاکستان کی کاروباری برادری کو ایتھوپیا میں سرمایہ کاری کے لیے خاص طور پر سستی، صاف اور سبز توانائی، ایک بڑی آبادی، ہنر مند نوجوان اور نہ صرف افریقہ بلکہ پوری دنیا کے ساتھ رابطے کے حوالے سے تقابلی فائدہ حاصل ہے۔ انہوں نے کہ ایتھوپیا افریقی کانٹینینٹل فری ٹریڈ ایریا کا رکن ہے، اور افریقہ میں سب سے بڑی ایئر لائنز بھی رکھتا ہے۔
سفیر نے تاجر برادری پر زور دیا کہ وہ ادیس ابابا میں سنگل کنٹری نمائش کا حصہ بنیں جس سے دونوں ممالک کے درمیان باہمی تجارت کو بڑا فروغ ملے گا۔ افریقہ کو پاکستان سے جوڑنے کے لیے ایتھوپیا کی ایئرلائنز کے اہم کردار پر روشنی ڈالتے ہوئے سفیر نے لک افریقہ اور انگیج افریقہ پالیسی کو موثر انداز میں نافذ کرنے پر حکومت پاکستان کی تعریف کی۔انہوں نے کہا کہ ایتھوپین ایئرلائنز نے ادیس ابابا سے کراچی کے لیے پروازیں شروع کر دی ہیں اور جلد ہی لاہور سے اس کا آپریشن شروع کر دیا جائے گا۔دوسری جناب منظور الحق ملک، سابق ریجنل چیئرمین اور نائب صدر فیڈریشن آف پاکستان چیمبرز آف کامرس اینڈ انڈسٹری نیدونوں ممالک کے باہمی تعلقات کو فروغ دینے میں ڈاکٹر جمال بکرکے کردار کو سراہا۔ ڈائریکٹر جنرل عبدالکریم نے ایتھوپیا کی معاشی تر قی کو سراہا اورایتھوپیا میں کاروبار، تجارت اور سرمایہ کاری کے مواقع کو اجا گر کیا۔ انہوں نے تاجر برادری پر زور دیا کہ وہ سنگل کنٹری نمائش کے لیے TDAP کے ساتھ رجسٹر ہو۔س موقع پر گرین لیگسی انیشیٹو کے تحت شجرکاری کی تقریب بھی منعقد ہوئی۔
.ذریعہ: Daily Sub News
کلیدی لفظ: پاکستان بزنس فورم
پڑھیں:
کے ٹو اور کے تھری نیوکلیئر پلانٹس تکمیل کے بعد فعال ہو چکے: چینی سفیر
---فائل فوٹوپاکستان میں چین کے سفیر جیانگ زیڈونگ نے کہا ہے کہ چین نے پاکستان کی قومی خود مختاری، آزادی اور علاقائی سالمیت کی ہمیشہ حمایت کی، کے ٹو اور کے تھری نیوکلیئر پلانٹس تکمیل کے بعد فعال ہو چکے ہیں۔
چینی سفیر نے کہا ہے کہ پاکستان کی ون چائنا پالیسی پوری دنیا کے لیے ایک مثال ہے، چین اور پاکستان نے ہمیشہ اہم قومی مفادات، معاملات پر ایک دوسرے کی حمایت کی ہے۔
اسلام آبادپاکستان میں چین کے سفیر جیانگ زیڈونگ...
انہوں نے مزید کہا کہ چین گزشتہ ایک دہائی سے پاکستان کا سب سے بڑا تجارتی شراکت دار ہے، سی پیک منصوبہ اب ایک حقیقت ہے، گوادر پورٹ کو مزید فعال کیا گیا ہے، خنجراب پاس اب پورا سال کھلا رہتا ہے۔
چینی سفیر کا یہ بھی کہنا ہے کہ چین اور پاکستان کے درمیان کرنسی تبادلے کا معاہدہ ہو چکا ہے، گزشتہ ایک دہائی میں چین اور پاکستان کے درمیان فوجی مشقیں بھی ہوئی ہیں۔
وفاقی محتسب نے خاتون کو سابق شوہر کی مشترکہ جائیداد میں سے آدھا حصہ دلوا دیا