سندھ: ماہ رمضان کے باعث امتحانات کی تاریخیں تبدیل
اشاعت کی تاریخ: 25th, February 2025 GMT
سندھ میں ماہ رمضان کے باعث امتحانات کی تاریخ تبدیل کر دی گئیں۔ نویں اور دسویں جماعت کے امتحانات 7 اپریل سے شروع ہوں گے۔گیارہویں اور بارہویں جماعت کے امتحانات کا آغاز 28 مئی سے ہوگا۔
دریں اثنا حکومت سندھ نے صوبے میں اساتذہ کی بھرتی کا مرحلہ 30 جون تک بڑھانے کا فیصلہ کیا ہے۔صوبائی وزیر تعلیم کی زیر صدارت اجلاس میں 5 ہزار مسلسل غیرحاضر اساتذہ کو برطرف کرنے کی ہدایت کی گئی ہے۔
واضح رہے کہ 22 فروری کو صوبہ سندھ میں میٹرک امتحانات کے شیڈول میں ردوبدل کا فیصلہ کرلیا گیا تھا.
ذریعہ: Nawaiwaqt
پڑھیں:
جے یو آئی (ف) کا کینالز معاملے پر تحریک کو تیزکرنے کافیصلہ
جے یو آئی (ف) نے کینالز کے معاملے پر ہونے والے احتجاج کو مزید تیز کرنے کا فیصلہ کیا ہے۔رہنما جے یو آئی (ف) مولانا راشد سومرو نے کہاکہ 24 ، 25 اور 26 اپریل کو جلسے کرکے سندھ پنجاب بارڈر بلاک کریں گے۔راشد محمود سومرو نے وفاقی حکومت سے کینا لز کا فیصلہ واپس لینے کا مطالبہ کرتے ہوئے کہا کہ تحریک کے اگلے مرحلے میں کندھ کوٹ ،گھوٹکی اور سکھر میں دھرنے ہوں گے۔ دوسری جانب دریائے سندھ سے نہریں نکالنے کے مجوزہ منصوبے کے خلاف سکھر ببرلو بائی پاس پر وکیلوں کا دھرنا چوتھے روز میں داخل ہوگیا۔ علاوہ ازیں کراچی بار نے گزشتہ روز مبینہ فائرنگ کے واقعے پر جوڈیشل انکوائری کا بھی مطالبہ کیا جب کہ سندھ بار کونسل کا آج سے سندھ بھر میں غیر معینہ مدت کے لیے عدالتی کارروائی کے بائیکاٹ کا اعلان کیا ہے۔مجوزہ کینالز کے خلاف حیدر آباد اور لاڑکانہ سمیت سندھ کے متعدد شہروں میں شٹر ڈاؤن ہڑتال رہی جب کہ خیرپور میں ریلوے ٹریک کو بھی بند کیا گیا جسے پولیس اور رینجرز نے بعد ازاں کھلوا دیا۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل