معروف بالی ووڈ اداکارہ سشمتا سین کا شادی کا فیصلہ، لائف پارٹنر کیسا ہو ؟اداکارہ نے بتا دیا
اشاعت کی تاریخ: 25th, February 2025 GMT
بالی ووڈ انڈسٹری کی معروف اداکارہ سشمتا سین نے شادی کرنے کا فیصلہ کرلیا، لائف پارٹنر کیسا ہو اس بارے بھی انسٹاگرام لائیو سیشن میں کھل کر اظہار کیا۔
تفصیلات کےمطابق حال ہی میں اداکارہ سشمتا سین نے انسٹاگرام لائیو سیشن میں صحیح شریکِ حیات کی تلاش کے بارے میں گفتگو کی، اس سے قبل میں یہ دیکھنے میں آیا ہے کہ وہ سوشل میڈیا پر اپنے مداحوں کے ساتھ اپنی ذاتی زندگی کے بارے میں کافی کھل کر بات کرتی رہی ہیں۔ حالیہ انسٹاگرام لائیو سیشن میں جب ایک مداح نے ان سے ان کی شادی کے بارے میں پوچھا تو سشمتا نے کہا، “مجھے بھی شادی کرنی ہے، لیکن شادی کے لائق کوئی ملنا چاہیے نا؟ ایسے تھوڑی ہوتی ہے شادی۔ کہتے ہیں نا، بہت رومانوی انداز میں دل کا رشتہ ہوتا ہے۔ دل تک بات تو پہنچنی چاہیے نا؟ پھر شادی بھی کر لیں گے۔”
سشمتا سین اس سے قبل آئی پی ایل کے بانی اور سابق چیئرمین للت مودی کے ساتھ اپنے تعلقات کی وجہ سے خبروں میں رہ چکی ہیں، للت مودی نے انسٹاگرام پر اپنی اور سشمتا کی چھٹیوں کی تصاویر شیئر کی تھیں۔ انہوں نے اپنی انسٹاگرام بائیو میں بھی سشمتا کا ذکر “میری محبت” کے طور پر شامل کیا تھا، تاہم، بعد میں ان کا بریک اپ ہوگیا۔
اس سے قبل سشمتا سین کا اداکار روہمن شال کے ساتھ تعلق تھا۔ تین سال تک ڈیٹنگ کے بعد، دونوں نے 2021 میں اپنے راستے الگ کر لیے، اپنے بریک اپ کا اعلان انسٹاگرام پر کرتے ہوئے سشمتا نے لکھا تھا کہ’’ہم نے دوستی سے آغاز کیا، اور ہم اب بھی دوست ہیں‘‘ رشتہ کافی پہلے ختم ہو چکا تھا،لیکن محبت باقی ہے!!!
.ذریعہ: Daily Ausaf
کلیدی لفظ: سشمتا سین
پڑھیں:
ستاروں کی روشنی میں آپ کا آج (پیر) کا دن کیسا رہے گا ؟
آج بروزپیر،21اپریل 2025 :آج کے دن آپ کے ستارے آپ کی زندگی کے حوالے سے کیا کہتے ہیں ۔ آپ کے کیرئیر ، ملازمت، محبت، صحت، پیسے، کیریئر سے متعلق اپنے گہرے سلگتے سوالات کے جوابات تلاش کریں
برج حمل ، سیارہ مریخ، 21 مارچ سے 20 اپریل
ایک اہم معاملے میں انشاءاللہ کامیابی ملے گی اور آپ کی ایک مالی ضرورت بھی پوری ہو گی،جو لوگ عرصہ دراز سے سفر کی خواہش میں ہیں وہ جلد اب خوشخبری سن سکیں گے۔
برج ثور، سیارہ زہرہ، 21 اپریل سے 20 مئی
پراپرٹی وغیرہ کے حوالے سے خوشی کی خبر ہے، جوائنٹ فیملی میں رہنے والے اب الگ رہائش کا پروگرام بنا لیں گے،جن لوگوں نے اپنا کام بدلنا ہے وہ فی الحال انتظار کریں۔
برج جوزہ، سیارہ عطارد، 21 مئی سے 20 جون
ایک پرانے مسئلے سے نجات ملے گی اور جن کاموں میں رکاوٹ کا سلسلہ جاری تھا وہ اب دور ہو سکے گا۔اس وقت آپ کے قدم اٹھانے کی دیر ہے کامیابی نصیب ہو گی۔
برج سرطان، سیارہ چاند، 21 جون سے 20 جولائی
اللہ نے چاہا تو ایک مشکل سے نجات ملے گی، جن لوگوں کو پچھلے دِنوں روز گار میں نقصان ہوا تھا۔ اب فائدہ ملے گا، سابقہ نقصان کا بھی ازالہ ہو جائے گا۔ آج اس کی ابتداءہے۔
برج اسد، سیارہ شمس، 21 جولائی سے 21 اگست
اپنے معاملات میں آسانیاں محسوس کریں گے، جو لوگ وجہ رکاوٹ تھے وہ خودبخود پیچھے ہٹ جائیں گے۔آج اولاد کے حوالے سے بھی فیصلہ لینے میں آسانیاں ہوں گی۔
برج سنبلہ ، سیارہ عطارد، 22 اگست سے 22 ستمبر
کچھ نہ کچھ رقم تو ہاتھ لگے گی،جس سے وقتی طور پر ضرورت پوری ہو سکے گی۔ آج کا دن آپ کی گھریلو پریشانی کو بھی بحکم اللہ کم کرنے میں بہت مددگار ثابت ہو سکا۔
برج میزان ، سیارہ زہرہ، 23 ستمبر سے 22 اکتوبر
آپ کےلئے آج کسی طرف سے ایک کام ہونے کی خوشخبری ہے جو لوگ روزگار کے حوالے سے پریشان تھے اُن کا بھی کوئی سلسلہ بن سکے گا۔آج کاروباری حضرات کے لئے بھی اچھا دن ہے۔
برج عقرب ، سیارہ مریخ، 23 اکتوبر سے 22 نومبر
ایک انہونی بات کان پڑے گی جس سے اپنوں کے درمیان کشیدگی کا اندیشہ بھی ہے۔اگر آپ نے خاموشی اختیار کر لی تو معاملہ خراب ہونے سے بچ سکتا ہے۔آج محتاط ہو کر چلیں بس۔
برج قوس ، سیارہ مشتری، 23 نومبر سے 20 دسمبر
آپ کو اندازہ ہی نہیں ہے کہ کس سمت اور کہا قدم اٹھا رہے ہیں آپ نے اگر اس طرح سے لاپرواہی ہی برقرار رکھی تو مشکل میں آ جائیں گے۔آج کا دن تھوڑا آزمائشی ہی ہے۔
برج جدی ، سیارہ زحل، 21 دسمبر سے 19 جنوری
جن افراد نے ماضی میں جن سے دھوکا کھایا تھا وہ دوبارہ اُن کے قریب ہو رہے ہیں جو خطرناک بات ہے فوری طور پر اپنا قبلہ درست کریں آج کا دن کافی مشکل ہو سکتا ہے۔
برج دلو ، سیارہ زحل، 20 جنوری سے 18 فروری
حالات اب بدل رہے ہیں اپنے ساتھ چھوڑ رہے ہیں اور جن پر کبھی احسان کیے تھے وہ مخالفت پر اُتر آئے ہیں اس لئے خود ہی اپنا قبلہ درست کر لیں اور آج خصوصاً محتاط ہو جائیں۔
برج حوت ، سیارہ مشتری، 19 فروری سے 20 مارچ
جو لوگ آپ کو کسی معاملے میں لالچ دے رہے ہیں۔اُن کی باتوں میں نہیں آنا،ورنہ بڑا نقصان ہو گا۔آپ کے نصیب میں جو ہو گا وہ خود چل کر آپ تک آ جائے گا،توکل اختیار کریں۔
سپریم کورٹ کے سابق جج جسٹس سرمد جلال عثمانی طویل علالت کے بعد انتقال کر گئے
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی