مرتضیٰ جتوئی سول اسپتال سے نارا جیل حیدرآباد منتقل
اشاعت کی تاریخ: 25th, February 2025 GMT
مرتضی جتوئی تینوں مقدمات میں ضمانتوں کے باوجود رہا نہ ہوسکے
(رپورٹ: علی نواز)سول اسپتال حیدرآباد کے کارڈ یورولوجی وارڈ میں داخل سابق وفاقی وزیر مرتضٰی جتوئی کو صحت یابی کے بعد نارا جیل واپس بھیج دیا گیا،اسپتال سے جیل منتقل کرنے پر مرتضٰی جتوئی کی اہلیہ بیٹا اور دیگر جی ڈی اے رہنماؤں کی بڑی تعداد موجود تھی،اسی جیل منتقلی کے دوران میں مرتضٰی جتوئی کے بیٹے نے بتایا کہ مرتضی جتوئی کیخلاف داخل تینوں مقدمات میں عدالت کی جانب سے ضمانتیں منظور کردی گئی ہے ، جیل حکام کو ضمانت کے ریلیز آڈر بھیج دیئے ہیں،جس کے بعد نارا جیل کے باہر جتوئی قبیلے اور جی ڈی اے رہنماؤں کی بڑی تعداد مرتضٰی جتوئی کی استقبال کیلئے کھڑی رہی، جس کے بعد معلوم ہوا کہ مرتضیٰ کیخلاف تھانہ باگڑجی میں داخل کیس میں سول جج اینڈ جوڈیشل مجسٹریٹ نے نارا جیل کو مرتضیٰ جتوئی کا 14 روزہ ریمانڈ دے دیا،مرتضیٰ جتوئی کے 14 روزہ ریمانڈ کی خبر پر جی ڈی اے رہنماؤں سمیت اہل خانہ میں مایوسی دکھائی دی،مرتضیٰ جتوئی کے بیٹے شاہنواز جتوئی نے اس مقدمے پر اپنا موقف دیا کہ مرتضیٰ جتوئی کیخلاف انتقامی کارروائیاں کی جارہی ہیں،امید ہے کہ عدلیہ انصاف فراہم کرے گی۔ ہسپتال اور جیل کے باہر پولیس کی بھاری نفری موجود تھی۔
.ذریعہ: Juraat
کلیدی لفظ: مرتض ی جتوئی جتوئی کی نارا جیل
پڑھیں:
پی پی گوجرانوالہ کا اجلاس‘ حلقہ 52 کا ضمنی الیکشن ہر صورت لڑیں گے: گورنر
لاہور (نامہ نگار) گورنر پنجاب سردار سلیم حیدر نے کہا کہ پیپلز پارٹی پی پی 52 کا ضمنی الیکشن تن، من، دھن سے لڑے گی۔ گورنر ہاؤس لاہور میں پیپلز پارٹی گوجرنوالہ ڈویژن کے اجلاس کی صدارت کرتے ہوئے انہوں نے پی پی 52 کے ضمنی الیکشن کیلئے راحیل کامران چیمہ، احسن گھمن، حسن مرتضیٰ، ملک طاہر اور رانا فاروق اشرف کو کاغذات جمع کرانے کی ہدایت کی۔ اس موقع پر شرکاء نے ضمنی الیکشن کیلئے دعا بھی کی۔ اجلاس میں صدر پی پی وسطی پنجاب راجہ پرویز اشرف جنرل سیکرٹری سید حسن مرتضیٰ، آصف بشیر بھاگٹ، ملک طاہر، عبدالرزاق سلیمی، راحیل کامران چیمہ، احسن رضوی، عائشہ نواز چودھری، شہباز خان، چودھری اختر چھوکر، میاں اظہر حسن ڈار، اعجاز سمہ، ریاض حسین شاہ، ملک ظہیر اعوان، محمد اظہر ڈیال، رانا محمود اشرف، شاہد بٹ، احسن ظفر گھمن، کاشف گجر شامل تھے۔ حسن مرتضیٰ نے کہا کہ پنجاب میں جہاں سے بھی پارٹی کیلئے الیکشن لڑنا پڑا میں لڑونگا، اگر کوئی بھی الیکشن نہ لڑا تو میں وہاں سے لڑ کر دکھاؤں گا۔ انہوں نے کہا کہ پی پی 52کا ضمنی الیکشن ان شاء اللہ پیپلز پارٹی کی ریوائیول کا سبب بنے گا۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی