بھارت چیمپیئنز ٹرافی میں ’غیرمنصفانہ‘ مقام کا فائدہ اٹھا رہا ہے؟ پیٹ کمنز
اشاعت کی تاریخ: 25th, February 2025 GMT
آسٹریلیا کے کپتان پیٹ کمنز نے کہا ہے کہ دبئی میں اپنے تمام میچ کھیلنے سے بھارت کو غیر منصفانہ فائدہ مل رہا ہے۔ بھارت کو بڑا فائدہ یوں ہے کہ وہ اپنے تمام میچ ایک ہی میدان پر کھیل رہے ہیں۔ وہ پہلے ہی بہت مضبوط نظر آتے ہیں اور ان کے پاس اپنے تمام میچ وہاں کھیلنے کا واضح فائدہ ہے۔
آسٹریلین میڈیا رپورٹس کے مطابق ان کا کہنا تھا کہ میں گھر پر ہوں اور ٹخنے کی بحالی اچھی ہو رہی ہے، میں اس ہفتے دوڑنا اور گیند بازی کرنا شروع کروں گا۔ آئی پی ایل اگلے ماہ ہے اور پھر ہمارے پاس ٹیسٹ ورلڈ چیمپئن شپ اور ویسٹ انڈیز کا دورہ ہے، تو بہت کچھ ہے جس کا انتظار ہے۔
پاکستان میں سیکیورٹی خدشات کا حوالہ دیتے ہوئے کھیلنے سے انکار کرنے کے بعد، بھارت اپنے میچز دبئی انٹرنیشنل اسٹیڈیم میں ہائبرڈ ماڈل کے تحت کھیل رہا ہے۔ چیمپیئنز ٹرافی کے سیمی فائنل میں بھارت کی جگہ قریباً تصدیق شدہ ہے۔
مزید پڑھیں: بھارت کے خلاف پاکستان کی بدترین شکست پر وسیم اکرم کا مزاحیہ تجزیہ وائرل
روہت شرما اور ان کی ٹیم اب تک ناقابل تسخیر رہی ہے۔ اس نے بنگلہ دیش اور پاکستان کے خلاف زبردست کامیابیاں حاصل کی ہیں۔ بھارت کا آخری گروپ میچ اتوار کو نیوزی لینڈ کے خلاف صرف دونوں ٹیموں کے لیے ناک آؤٹ مرحلے سے پہلے ایک وارم اپ ہو سکتا ہے۔
واضح رہے کہ کمنز نے چیمپیئنز ٹرافی کو چھوڑ کر اپنے دوسرے بچے (بیٹی ایڈی) کی پیدائش کے لیے گھر پر رہنے اور ٹخنے کی ہلکی چوٹ سے آرام کرنے کا فیصلہ کیا تھا۔ کمنز اگلے ماہ ایکشن میں واپس آئیں گے، جب وہ انڈین پریمیئر لیگ (آئی پی ایل) میں سن رائزر حیدرآباد کی قیادت کریں گے جو 22 مارچ سے شروع ہو گی۔
کمنز نے گزشتہ سیزن میں سن رائزر حیدرآباد کو فائنل تک پہنچایا تھا، لیکن وہ کولکتہ نائٹ رائڈرز (کے کے آر) سے ہار گئے تھے۔
ان کی غیر موجودگی میں، اسٹیو اسمتھ ٹیم کی قیادت کر رہے ہیں۔ آسٹریلیا نے لاہور میں اپنے حریف انگلینڈ کے خلاف اپنا ابتدائی میچ جیتا، جہاں جوش انگلس کی ناقابل شکست 120 رنز (86 گیندوں پر) کی مدد سے 352 کا ہدف پورا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا آسٹریلیا بنگلہ دیش بھارت پاکستان پیٹ کمنز دبئی.ذریعہ: WE News
کلیدی لفظ: آسٹریلیا ا سٹریلیا بنگلہ دیش بھارت پاکستان پیٹ کمنز کے خلاف
پڑھیں:
ویمنز کرکٹ ورلڈ کپ: کیا قومی ٹیم اپنے میچز کھیلنے کے لیے بھارت جائےگی؟
پاکستان کرکٹ بورڈ (پی سی بی) کے چیئرمین محسن نقوی نے واضح کیا ہے کہ قومی ویمنز کرکٹ ٹیم اپنے میچز کھیلنے کے لیے بھارت نہیں جائےگی، ہمارا بی سی سی آئی کے ساتھ جو معاہدہ ہے وہ قائم رہےگا۔
یہ بھی پڑھیں ویمنز پی ایس ایل سمیت اہم اعلانات، محسن نقوی لڑکیوں کی کارکردگی پر خوشی سے سرشار
لاہور میں میڈیا سے گفتگو کرتے ہوئے انہوں نے کہاکہ ویمنز ورلڈ کپ میں پاکستان کے میچز کہاں پر ہوں گے یہ فیصلہ بھارت نے کرنا ہے، کوئی بھی میدان ہو ہماری ٹیم میچز کھیلنے وہاں جائے گی لیکن بھارت نہیں جائے گی۔
واضح رہے کہ ویمنز کرکٹ ٹیم نے بھارت میں شیڈول آئی سی سی ورلڈ کپ کے لیے کوالیفائی کرلیا ہے، قومی ٹیم ورلڈ کپ کوالیفائر میں ناقابل شکست رہی، اور آخری میچ میں بنگلہ دیش کو شکست دی۔
چیئرمین پی سی بی محسن نقوی نے کہاکہ آئی سی سی ویمنز ورلڈ کپ کے لیے کوالیفائی کرنے پر ویمنز کرکٹ ٹیم کو انعام سے نوازا جائےگا، یہ ان کا حق ہے، ہار جیت کھیل کا حصہ ہے، لیکن ٹیم کو متحد ہوکر کھیلنا چاہیے۔
انہوں نے کہاکہ جب ٹیم مل کر کھیلے تو نتیجہ ضرور نکلتا ہے، لڑکیوں کو کارکردگی پر انعام سے نوازا جائےگا۔ یہ فتوحات ایک دن کا نتیجہ نہیں اس کے پیچھے محنت ہے، چھوٹی چھوٹی تبدیلیاں کیں جس کا نتیجہ آپ کے سامنے ہے، ہماری مینز ٹیم انڈر 19 اور پاکستان شاہینز بھی فتوحات کے ٹریک پر آئے گی۔
انہوں نے کہاکہ قومی مینز کرکٹ ٹیم کے ہیڈ کوچ کا فیصلہ کچھ روز میں ہو جائے گا، ہم ویمنز کرکٹ کے پی ایس ایل کا پلان بھی کررہے ہیں۔ ویمنز کرکٹ ٹیم کے لیے بھی پاور ہٹنگ کیمپ کا انعقاد کیا جائے گا۔
یہ بھی پڑھیں پاکستان اور بنگلہ دیش نے ویمنز کرکٹ ورلڈ کپ 2025 کے لیے کوالیفائی کرلیا
صحافی نے سوال کیاکہ محمد رضوان آج کل اتنے غصے میں کیوں ہیں؟ جس کے جواب میں چیئرمین پی سی بی نے کہاکہ میں اس پر کچھ نہیں کہوں گا، جو بھی کارکردگی دکھائے گا اس کے لیے خوشخبری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارت میزبان بی سی سی آئی پی سی بی چیئرمین پی سی بی محسن نقوی ہائبرڈ ماڈل وی نیوز ویمنز کرکٹ ٹیم ویمنز کرکٹ ورلڈ کپ
امریکی شہریت رکھنے والے یرغمالی سے متعلق حماس کا اہم بیان سامنے آگیا