ماہ رمضان کے دوران اسلام آباد میں کونسے مقامات پر رمضان بازار لگائے جائیں گے؟
اشاعت کی تاریخ: 25th, February 2025 GMT
رمضان سے قبل ہی ملک بھر میں ماہ مبارک کی تیاریاں شروع ہو جاتی ہیں۔ اس دوران اشیاء خورونوش کی خریدوفروخت میں بھی اضافہ ہوتا ہے اور ایسے میں متوسط طبقے سے تعلق رکھنے والے افراد کو سب سے زیادہ رمضان بازاروں کا انتظار رہتا ہے۔ ملک بھر کے باقی شہروں کی طرح اسلام آباد میں بھی مختلف مقامات پر رمضان بازار لگائے جاتے ہیں۔
رمضان بازار میں عام مارکیٹوں کے مقابلے میں اشیاء خورونوش کافی مناسب داموں فروخت ہو رہی ہوتی ہیں۔ یہی وجہ ہے کہ وہ افراد جو عام مارکیٹ سے خریداری نہیں کرسکتے، ان کے لیے یہ رمضان بازار کسی حد تک ریلیف فراہم کرتے ہیں۔
یہ بھی پڑھیے: پشاور کا وہ رمضان دسترخوان جس کے لیے بھارت سے بھی صدقات آتے ہیں
اس رمضان میں رمضان بازار کہاں کہاں لگائے جائیں گے؟اس حوالے سے بات کرتے ہوئے ڈی سی اسلام آباد عرفان نواز میمن نے وی نیوز کو بتایا کہ ہر بار کی طرح اس بار بھی رمضان بازار کی تیاریاں جاری ہیں۔ فی الحال 4 مقامات پر رمضان بازار لگانے کے حوالے سے فیصلہ کیا گیا ہے جبکہ مزید ایک اور مقام پر بھی غور کیا جارہا ہے۔
انہوں نے بتایا کہ جی سکس اور ایچ نائن میں پہلے سے موجود دونوں اتوار بازاروں کو رمضان بازار میں تبدیل کیا جائے گا۔
اس کے علاوہ جی نائن اور آئی نائن میں موجود بازاروں کو بھی رمضان بازار میں تبدیل کیا جائے گا۔
ان کا مزید کہنا تھا کہ اس کے علاوہ بارہ کہو میں بھی رمضان بازار لگانے کے حوالے سے پیش رفت جاری ہے۔
یہ بھی پڑھیے: رمضان سے قبل کن اشیائےخورونوش کی قیمتوں میں اضافہ اور کمی ہوئی؟
ایک مزید سوال پر ان کا کہنا تھا کہ یقیناً عام مارکیٹ کے مقابلے میں ان رمضان بازاروں میں اشیاء خورونوش سستے داموں دستیاب ہوں گی۔ اور پورا مہینہ اس بات کو چیک اینڈ بیلنس کے ذریعے یقینی بھی بنایا جائے گا کہ قیمتوں میں من مانی تو نہیں کی جا رہی۔ اسلام آباد انتظامیہ کی جانب سے رمضان بازاروں کے حوالے سے پر قسم کا تعاون کیا جائے گا۔
وی نیوز سے بات کرتے ہوئے اسلام آباد کے ایک شہری کا کہنا تھا کہ رمضان بازار لگانا ایک بہت مثبت قدم ہے لیکن انتظامیہ کی جانب سے اس بات کو یقینی بنایا جائے کہ قیمتوں میں دکانداروں کی جانب سے ہیرا پھیری نہیں کی جا رہی۔ اور جو چیزیں فروخت کی جا رہی ہیں ان کا معیار بھی عام مارکیٹ کے مقابلے کا ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Islamabad ramzan bazar sunday market اتوار بازار اسلام اباد رمضان بازار.ذریعہ: WE News
کلیدی لفظ: اتوار بازار اسلام اباد حوالے سے جائے گا
پڑھیں:
جماعت اسلامی کا ریڈزون کے بجائے اسلام آباد ایکسپریس وے پر مظاہرے کا اعلان
جماعت اسلامی کا ریڈزون کے بجائے اسلام آباد ایکسپریس وے پر مظاہرے کا اعلان WhatsAppFacebookTwitter 0 20 April, 2025 سب نیوز
اسلام آباد (آئی پی ایس )جماعت اسلامی ( جے آئی ) اور انتظامیہ کے مابین معاملات طے پا گئے، فلسطین یکجہتی مارچ کے تحت اسلام آباد کے ریڈ زون کی طرف مارچ کے بجائے اسلام آباد ایکسپریس وے پر مظاہرہ کیا جائے گا۔ترجمان جماعت اسلامی نے کہا ہے کہ فلسطین یکجہتی مارچ کے تحت اسلام آباد کے ریڈ زون کی طرف مارچ نہیں کیا جائے گا، اس کے بجائے اب اسلام آباد ایکسپریس وے پر مظاہرہ کیا جائے گا۔
اس سے قبل، وفاقی حکومت نے امن و امان کی صورتحال برقرار رکھنے کے لیے ہائی سیکیورٹی والے ریڈ زون کی طرف جانے والے تمام داخلی اور خارجی راستوں کو سیل کر دیا تھا، تاہم، مارگلہ گیٹ کو عوام کے لیے کھلا رکھا گیا تھا لیکن وہاں پولیس کی بھاری نفری تعینات تھی، کیونکہ جماعت اسلامی کے حامی غزہ میں اسرائیل کی خونی فوجی کارروائی کے درمیان فلسطینیوں کے ساتھ اظہار یکجہتی کے لیے دارالحکومت کی طرف بڑھ رہے تھے۔ جماعت اسلامی اسلام آباد کے سیکرٹری اطلاعات عامر بلوچ نے آج کہا کہ پارٹی اسلام آباد ایکسپریس وے پر مارچ کرے گی کیونکہ جے آئی اور اسلام آباد انتظامیہ کے درمیان معاملات طے پا گئے ہیں۔
عامر بلوچ نے ایک بیان میں کہا کہ جماعت اسلامی نے ریڈ زون کی طرف مارچ نہ کرنے کا فیصلہ کیا ہے اور اب اسلام آباد ایکسپریس وے پر غزہ کے لیے مارچ کیا جائے گا، انہوں نے کہا کہ ہم زیرو پوائنٹ کے قریب مارچ کریں گے اور ایچ 8 اوور ہیڈ برج پر ایک اسٹیج بنایا جائے گا، جبکہ امیر جماعت اسلامی پاکستان حافظ نعیم الرحمان سمیت ہمارے مرکزی قائدین ریلی سے خطاب کریں گے۔
جماعتِ اسلامی نے اصل میں یہ احتجاج اتوار کو سہ پہر 3 بجے ریڈ زون کے اندر امریکی سفارت خانے کے باہر کرنے کا شیڈول جاری کیا تھا۔، تاہم، لاک ڈان کے بعد، جے آئی کے جنرل سیکرٹری امیر العظیم نے ایک ویڈیو پیغام میں احتجاج کے لیے ایک متبادل مقام کا اعلان کیا، انہوں نے شرکا پر زور دیا کہ وہ فیض آباد کے قریب سری نگر ہائی وے کے خارجی راستے پر واقع زیرو پوائنٹ کی طرف روانہ ہوں۔
سپریم کورٹ : 9 مئی کے مزید اہم مقدمات سماعت کے لیے مقرر