رمضان المبارک کا آغاز کب اور عید کس دن ہوگی؟ تاریخ سامنے آگئی
اشاعت کی تاریخ: 24th, February 2025 GMT
اسلام آباد(نیوز ڈیسک)رمضان المبارک کا بابرکت مہینہ دنیا بھر کے مسلمانوں کے لیے خصوصی دینی و روحانی اہمیت رکھتا ہے۔ اسلامی کیلنڈر قمری حساب پر مبنی ہونے کے باعث رمضان کا آغاز چاند نظر آنے پر منحصر ہوتا ہے، جس کی وجہ سے مختلف ممالک میں رمضان کے آغاز کی تاریخ مختلف ہو سکتی ہے۔ 2025 میں بھی یہی صورتحال برقرار رہے گی، اور چاند دیکھنے کے مختلف معیارات کی وجہ سے مختلف علاقوں میں روزوں کی ابتدا میں فرق دیکھا جا سکتا ہے۔
چاند نظر آنے کی اہمیت اور طریقہ کار
اسلامی مہینے کا آغاز ہلال کے چاند کو دیکھ کر کیا جاتا ہے۔ روایتی طور پر، چاند دیکھنے کے لیے اسلامی ممالک میں مختلف کمیٹیاں قائم ہوتی ہیں، جو آنکھوں سے چاند دیکھنے کی تصدیق کرتی ہیں۔ جدید دور میں فلکیاتی حسابات کا بھی استعمال کیا جاتا ہے، مگر کئی مسلم ممالک میں اب بھی روایتی طریقہ کار کو ترجیح دی جاتی ہے۔
سعودی عرب اور خلیجی ممالک
سعودی عرب میں چاند دیکھنے کی کمیٹی 28 فروری 2025 کو ہلال کی تلاش کرے گی۔ اگر چاند نظر آ گیا تو پہلا روزہ یکم مارچ 2025 کو ہوگا، ورنہ رمضان 2 مارچ سے شروع ہوگا۔
پاکستان اور بھارت
پاکستان اور بھارت میں چاند نظر آنے کی روایات پر عمل کیا جاتا ہے، لہذا امکان ہے کہ رمضان 2 مارچ 2025 سے شروع ہوگا۔ رویت ہلال کمیٹیاں چاند دیکھنے کا اعلان کریں گی۔
یورپ اور امریکا
مختلف اسلامی تنظیمیں سعودی عرب یا مقامی رویت ہلال پر انحصار کرتی ہیں۔ برطانیہ اور امریکہ میں بعض مساجد سعودی اعلان کے مطابق یکم مارچ کو روزہ رکھ سکتی ہیں، جبکہ دیگر مقامی رویت کی بنیاد پر 2 مارچ کو آغاز کریں گی۔
ماہِ مبارک رمضان اور روزہ داروں کیلئےضروری ہدایات
سحری اور افطار کی تیاری میں رمضان کے دوران متوازن غذا کا استعمال کریں تاکہ جسمانی توانائی برقرار رہے۔ پانی کی مقدار کا خاص خیال رکھیں۔
یہ مہینہ قرآن کی تلاوت، نماز، اور ذکر و اذکار کے لیے بہترین وقت اور بہت بابرکت مہینہ ہے، اس میں زیادہ سے زیادہ ازکار کرنے چاہیئں۔
رمضان میں نیکیوں کا اجر بڑھ جاتا ہے، اس ماہ میں صدقہ و خیرات کی اہمیت اپنی جگہ موجود ہے اور لوگ زیادہ سے زیادہ اس ماہ میں اللہ رب العزت کی رضا کے لیے زیادہ سے زیادہ عبادات کرتے ہیں اور ساتھ ہی اپنے مال سے بھی لوگوں کی مدد کرتے ہیں، مسلمانوں کی زیادہ تعداد اسی ماہ میں زکواۃ بھی ادا کرتی ہے-
اختلافات کے باوجود اتحاد
چاہے رمضان کا آغاز کسی بھی تاریخ کو ہو، اس مہینے کا حقیقی مقصد روحانی بہتری، صبر، اور محبت کا فروغ ہے۔ چاند دیکھنے کے اختلافات کے باوجود مسلمانوں کو ایک دوسرے کا احترام کرنا چاہیے اور رمضان کی برکتوں سے بھرپور فائدہ اٹھانا چاہیے۔
مزیدپڑھیں:کانپور: چچا بھتیجی کی محبت کا المناک انجام، لاشیں خستہ حال مکان سے برآمد
ذریعہ: Daily Ausaf
کلیدی لفظ: چاند دیکھنے چاند نظر کا آغاز جاتا ہے کے لیے
پڑھیں:
عازمین حج کے لیے اہم خبر
اسلام آباد : عازمین حج کے لیے اہم خبر آگئی. ویکسین کی فراہمی کا آغاز آج سے ہوگا۔
تفصیلات کے مطابق عازمین حج کے لئے ویکسین کی فراہمی کا آغاز آج سے ہوگا، یہ ویکسین اسلام آباد، لاہور، پشاور اور ملتان میں فراہم کی جائے گی۔کراچی، رحیم یار خان، سکھر، فیصل آباد اور سیالکوٹ میں 22 اپریل سے ویکسین فراہمی کا آغاز ہو گا۔کوئٹہ کے عازمین کو لازمی ویکسین لگانے کا آغاز 23 اپریل سے ہو گا جبکہ رحیم یار خان کا عارضی حاجی کیمپ 22 تا 24 اپریل تک کام کرے گا۔عازمین کرام متعلقہ کیمپوں میں لازمی ویکسین، ادویات اور تحائف وصول کریں گے جبکہ حج پرواز سے2 دن قبل متعلقہ حاجی کیمپ سے ٹکٹ اور دیگر چیزیں حاصل کرنا ہوں گی۔
خیال رہے سعودی حکومت سے معاہدوں اور ادائیگیوں میں تاخیر کی وجہ سے تقریباً 67,000 پاکستانی عازمین حج 2025 کی ادائیگی سے محروم ہو گئے ہیں۔
ان درخواستوں کے مسترد ہونے کی بڑی وجہ سعودی حکام کو بروقت بکنگ اور ادائیگیاں نہ کرنا تھا۔سعودی عرب نے اس سال پاکستان کے لیے 179,210 عازمین حج کا کوٹہ مختص کیا تھا، جس میں سرکاری اور نجی ٹور آرگنائزرز کے لیے 89,605 مقامات شامل تھے۔ تاہم پرائیویٹ اسکیم کے تحت صرف 14000 درخواستیں ہی قبول کی گئیں۔حج آپریٹرز نے دعویٰ کیا تھا کہ انہوں نے 67,000 عازمین حج کے لیے بکنگ کی تھی اور ان عازمین کے لیے 70 لاکھ ریال سعودی عرب بھیجے تھے۔
غزہ کا گمنام ہیرو، پیاسوں تک پانی پہنچانے والا ابراہیم علوش