امریکہ پاکستان اور افغانستان کو لڑانا چاہتا ہے، حافظ نعیم الرحمان
اشاعت کی تاریخ: 24th, February 2025 GMT
امیر جماعت اسلامی نے منصورہ لاہور میں پریس کانفرنس میں کہا کہ پنجاب میں کسان کو گندم کا ریٹ نہ ملا وہ مر جائے گا، کسانوں کو مایوسی میں دھکیلا جا رہا ہے، پاکستان ایک زرعی ملک ہے، مگر اس کی زراعت کو تباہ کرنے کی سازش ہو رہی ہے اور ہمارے حکمران پاکستان دشمن قوتوں کے آلہ کار کا کردار ادا کر رہے ہیں۔ اسلام ٹائمز۔ جماعت اسلامی کے امیر حافظ نعیم الرحمان نے لیاقت بلوچ، امیرالعظیم، اسامہ رضی، قیصر شریف سمیت دیگر رہنماوں کے ہمراہ پریس کانفرنس میں بتایا کہ جماعت اسلامی کی مجلس شوری اور مجلس عاملہ کے اجلاس ہوئے،ان اجلاسوں میں مختلف تنظیمی اور سیاسی فیصلے کیےگئے۔ امیر جماعت اسلامی نے کہا کہ رمضان کے بعد حکومت کیخلاف بڑی تحریک شروع کرنے جا رہے ہیں، پہلے مرحلے میں شاہراہوں پر دھرنے دیئےجائیں گے، دوسرے مرحلے میں گورنر ہاؤسز کے باہر احتجاج ہوگا اور پھر عوامی مارچ ہوگا۔ حافظ نعیم الرحمان کا کہنا تھا کہ آئی پی پیز کی جانب سے قیمتوں میں کمی کے باوجود تاحال اس کا ریلیف عوام کو نہیں دیا جا رہا، حکومت عوام کی ریلیف دینے میں مکمل طور پر ناکام ہو چکی ہے۔
انہوں نے کہا کہ حکومت مہنگائی کی شرح میں کمی کا دعویٰ کرتی ہے لیکن ایسا نہیں، عام آدمی کیلئے مشکلات بڑھ رہی ہیں، تعلیم بھی بچوں سے دور ہو رہی ہے۔ امیر جماعت کا کہنا تھاکہ حالات کے باعث ہائیر ایجوکیشن حاصل کرنا ناممکن ہوتا جا رہا ہے، کاشتکار پریشان ہے، روانہ اجرت کمانے والوں کیلئے روز بروز حالات تنگ ہو رہے ہیں، قوم کی نمائندگی جماعت اسلامی کر رہی ہے اور کرتی رہے گی۔ حافظ نعیم الرحمان کا کہنا تھاکہ ملک کے جاگیرداروں کیخلاف جب تک تحریک شروع نہیں ہوگی اس وقت تک حالات بہتر نہیں ہو سکتے، ملک میں منشیات عام ہو رہی ہیں، تعلیمی اداروں میں نوجوانوں کے اندر منشیات کی صورت میں زہر اتارا جا رہا ہے۔ منشیات پولیس کی پشت پناہی میں فروخت ہو رہی ہیں، کوئی پوچھنے والا نہیں۔
انہوں نے کہا کہ رمضان المبارک میں علماء منشیات کیخلاف لوگوں کو آگاہ کریں۔ تعلیمی اداروں میں ہراسگی کے واقعات بڑھتے جا رہے ہیں، خواتین کی کام کرنیوالی جگہیں ہوں یا تعلیمی ادارے، خواتین کہیں بھی محفوظ نہیں رہیں۔ انہوں نے کہا کہ کوئی سیاسی جماعت خواتین کے حق میں بات نہیں کرتی، جماعت اسلامی ہی واحد جماعت ہے جو عام آدمی، طالبعلموں، خواتین اور ہر طبقے سے تعلق رکھنے والوں کیساتھ ہے، ملک میں امن و امان کی صورتحال بد تر ہوتی جا رہی ہے، ملک کا نظام بوسیدہ بن چکا ہے، نظام واضح ہو جس میں خواتین کو تمام حقوق ملنے چاہئیں۔ کسی سیاسی جماعت کا ایجنڈا نہیں وہ تعلیم، خواتین کے حقوق اور منشیات پر بات کریں۔
حافظ نعیم الرحمن نے کہا کہ ملک میں امن و امان کی بدترین صورتحال ہے، قبائلی علاقوں میں امن و امان کے سنگین حالات ہیں، امریکہ کی خواہش ہے پاکستان اور افغانستان کو لڑایا جائے، بلوچستان میں ہزاروں کی تعداد میں لوگ لاپتہ ہیں، ریاست جب خود آئین کو پامال کرے گی لوگ کیسے آئین پر عمل کریں گے۔ امیرجماعت اسلامی نے کہاکہ بلوچستان میں بلوچ لوگ کو ان کے حقوق ملنے چاہئیں، اندرون سندھ میں اس وقت ڈاکو راج ہے، کراچی میں عوام کی زندگی کو عذاب بنا کر رکھ دیا گیا ہے، پیپلز پارٹی ٹینکروں کا ٹائم نہیں سیٹ کروا سکتی۔ امیر جماعت اسلامی نے کہا کہ پنجاب میں کسان کو گندم کا ریٹ نہ ملا وہ مر جائے گا، کسانوں کو مایوسی میں دھکیلا جا رہا ہے، پاکستان ایک زرعی ملک ہے، مگر اس کی زراعت کو تباہ کرنے کی سازش ہو رہی ہے اور ہمارے حکمران پاکستان دشمن قوتوں کے آلہ کار کا کردار ادا کر رہے ہیں۔
ذریعہ: Islam Times
کلیدی لفظ: حافظ نعیم الرحمان جماعت اسلامی نے جا رہا ہے نے کہا کہ رہے ہیں رہی ہے ہو رہی
پڑھیں:
حکمران امریکا اور اسرائیل سے ڈرتے ہیں، حافظ نعیم الرحمان کا غزہ مارچ سے خطاب
اسلام آباد میں غزہ مارچ سے خطاب کرتے ہوئے حافظ نعیم الرحمٰن نے کہا کہ اگر ہم یہ سمجھتے ہیں کہ امریکا اور اسرائیل کی خدمت کرکے عزت حاصل کرسکتے ہیں تو یاد رکھیں امریکا کسی کا بھی نہیں ہے، وہ صرف دہشت گردوں کو سپورٹ کرتا ہے اور ہم سب اس کا نشانہ ہیں۔ اسلام ٹائمز۔ امیر جماعت اسلامی حافظ نعیم الرحمٰن نے کہا ہے کہ حکمران امریکا اور اسرائیل سے خوف کھاتے ہیں، مگر امت سوئی ہوئی نہیں ہے، اسرائیلی وحشت روکنے کیلئے ہمیں متحد ہونا پڑے گا۔ اسلام آباد میں غزہ مارچ سے خطاب کرتے ہوئے حافظ نعیم الرحمٰن نے کہا کہ اگر ہم یہ سمجھتے ہیں کہ امریکا اور اسرائیل کی خدمت کرکے عزت حاصل کرسکتے ہیں تو یاد رکھیں امریکا کسی کا بھی نہیں ہے، وہ صرف دہشت گردوں کو سپورٹ کرتا ہے اور ہم سب اس کا نشانہ ہیں۔
انہوں نےکہا کہ امریکا مسلمانوں اور انسانوں کا قاتل ہے، امریکا کے نوجوان خود اس کے خلاف احتجاج کررہے ہیں، یونیورسٹیوں کے طلبا و طالبات فلسطین کی حمایت میں احتجاج کررہے ہیں۔ حافظ نعیم الرحمٰن نے کہا کہ بیت المقدس یہودیوں کے قبضے میں ہے، یہ عربوں اور فلسطینیوں کی سرزمین ہے جس پر یہودی جبراً مسلط کردیے گئے ہیں، مغربی کنارے میں بھی انہوں نے ایک لاکھ لوگ بے گھر کیے گئے ہیں، قبضے کا یہ سلسلہ رکے گا نہیں ہمیں روکنا پڑے گا۔
انہوں نے کہا کہ ہمیں متحد ہونا پڑے گا، عالم اسلام کو بھی جگانا پڑے گا، اور باضمیر ممالک جو اس وقت اسرائیل کے خلاف ہیں انہیں اکٹھا کرنا پڑے گا، کوئی اور یہ کام کرے نہ کرے، پاکستان کو یہ کام کرنا ہوگا، لوگ پاکستان کی طرف بہت امید سے دیکھتے ہیں۔ انہوں نے کہا کہ قائداعظم نے اسرائیل کو مغرب اور استعمال کی ناجائز اولاد قرار دیا تھا، اور اعلان کردیا تھا کہ پاکستان اسرائیل کو کبھی تسلیم نہیں کرے گا۔
حافط نعیم الرحمٰن نے کہا کہ ہم نے امریکی سفارتخانے کی طرف مارچ کا کہا تھا، حکمران امریکا سے خوف کھاتے ہیں، اسرائیل سے ڈرتے ہیں، اس لیے انہوں نے اسلام آباد بند کیا ہے، مگر ہم کسی بندوق اور گولی سے ڈرنے والے نہیں ہیں، یہ ہمارا راستہ نہیں روک سکتے تھے مگر ہم پولیس والوں کے ساتھ تصادم نہیں کرنا چاہتے۔ انہوں نے کہا کہ حکمران سوئے ہوئے ہیں مگر امت سوئی ہوئی نہیں ہے، اسرائیلی وحشت روکنے کیلئے ہمیں متحد ہونا پڑے گا، یہ سیاسی نعرے بازی نہیں ہمارے ایمان کا معاملہ ہے۔
امیر جماعت اسلامی نے حکمرانوں ہدف تنقید بناتے ہوئے کہا کہ ظالم حکمرانوں نے تباہی پھیر دی ہے اور ملک بھر میں مسائل اس وجہ سے مظلوموں کی طاقت تقسیم کردی گئی ہے، ہمیں بلوچ، پنجابی، سندھی، پختونوں میں تقسیم کردیا گیا ہے۔ انہوں نے کہا کہ ہمیں متحد ہوکر ان ظالموں اور جابروں اور امریکا کے غلاموں کو تقسیم کرنا ہوگا، پھر کسی کا حق نہیں مارا جائے گا۔ خطاب کے آخر میں حافظ نعیم الرحمٰن نے عوام سے 26 اپریل کی ہڑتال کو کامیاب بنانے کی اپیل کرتے ہوئے کہا کہ 27 اپریل کو اگلے لائحہ کا اعلان کیا جائے گا۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ