شہریوں کو عالمی معیار کی سفری سہولیات فراہمی کیلیے پنجاب حکومت کا بڑا اعلان
اشاعت کی تاریخ: 24th, February 2025 GMT
لاہور:
پنجاب میں شہریوں کو عالمی معیار کی سفری سہولیات فراہم کرنے کے لیے صوبائی حکومت نے بڑا اعلان کردیا۔
مشیر اطلاعات خیبر پختونخوا بیرسٹر سیف کے بیان پر ردعمل کا اظہار کرتے ہوئے ترجمان پنجاب حکومت اور صوبائی وزیر اطلاعات عظمیٰ بخاری نے بتایا کہ بائیکر لین کا رنگ لوکل کمپنی نے ایک سال کی گارنٹی پر ٹیسٹ کے طور پرلگایا تھا، اب وہی کمپنی دوبارہ بائیکر لین کا رنگ کرے گی۔
انہوں نے کہا کہ اس کام میں ایک پنجاب حکومت کا ایک دھیلے کا بھی نقصان نہیں ہوا اور نہ ہی اس مد میں کوئی ادائیگی کی گئی ہے۔
عظمیٰ بخاری کا کہنا تھا کہ پشاور کی بی آر ٹی پچھلے 5سال میں چلی کم، جلی زیادہ اور حادثات کا شکار ہوئی۔ پشاور میٹرو کے آج بھی کے پی حکومت نے 60 ارب روپے ادا کرنے ہیں۔ پشاور بی آر ٹی کا کیس آج بھی عالمی عدالت میں چل رہا ہے۔
ترجمان صوبائی حکومت نے کہا کہ بیرسٹر سیف ہمیشہ پنجاب پر تنقید کر کے خبروں میں زندہ رہنے کی بھونڈی کوشش کرتے ہیں۔ کے پی حکومت کے ترجمان نے آج تک قوم کو اپنے وزیراعلیٰ کی کارکردگی نہیں بتائی۔
انہوں نے بتایا کہ کے پی میں آج بھی لوگ ندی نالوں سے ڈولیوں میں اور بائیکس کو ندیوں سے عبور کرتے ہیں۔
عظمیٰ بخاری نے اپنے بیان میں بتایا کہ پنجاب میں میٹرو بس، اورنج ٹرین کے بعد اب ٹرام اور انڈر گراؤنڈ گرین لائن بننے جا رہے ہیں، جس سے شہریوں کو بین الاقوامی معیار کی سفری سہولیات ملیں گی۔
انہوں نے کہا کہ جن کی اپنی کارکردگی بتانے لائق نہ ہو، وہ دوسروں کے اچھے کاموں میں کیڑے نکالتے ہیں۔
.ذریعہ: Express News
پڑھیں:
ٹرانسپورٹرز اور پنجاب حکومت میں مذاکرات کامیاب، ہڑتال ختم کرنے کا اعلان
ٹرانسپورٹرز اور پنجاب حکومت میں مذاکرات کامیاب، ہڑتال ختم کرنے کا اعلان WhatsAppFacebookTwitter 0 12 December, 2025 سب نیوز
لاہور(سب نیوز)ٹرانسپورٹرز اور پنجاب حکومت میں مذاکرات کامیاب ہو گئے جس کے بعد ہڑتال ختم کرنے کا اعلان کر دیا گیا۔
پنجاب کی سینئر صوبائی وزیر مریم اورنگزیب سے ٹرانسپورٹر کے نمائندوں کی بات چیت میں ہڑتال ختم کرنے پر اتفاق ہوا، وزیراعلی پنجاب مریم نواز شریف نے ٹرانسپورٹرز کے مسائل کے حل کے لیے کمیٹی تشکیل دے دی۔سینئر صوبائی وزیر مریم اورنگزیب کی سربراہی میں قائم کمیٹی میں ٹرانسپورٹرز کے نمائندے شامل ہیں، ہفتہ کو ٹرانسپورٹرز اور صوبائی وزیر مریم اورنگزیب کے درمیان کمیٹی کا اجلاس منعقد ہوگا، ٹرانسپورٹرز نے فوری طور پر ہڑتال ختم کرنے کا اعلان کر دیا ہے۔
پاکستان گڈز ٹرانسپورٹ الائنس کے مرکزی صدر حاجی شیر علی چودھری اور دیگر عہدیداروں نے مصالحتی قرارداد پر دستخط کر دیئے، سینئر صوبائی وزیر مریم اورنگزیب نے ٹرانسپورٹرز کے فیصلے کا خیرمقدم کیا ہے۔مریم اورنگزیب نے کہا کہ مسائل کو افہام و تفہیم سے حل کریں گے، حکومت کا مقصد انسانی زندگی کا تحفظ اور تمام شہریوں کے لیے حالات بہتر بنانا ہے۔مذاکرات کے عمل میں ٹرانسپورٹرز کے دیگر نمائندے نبیل محمود طارق، محمد ریاض خان تاجک، چودھری مقبول حسین، رانا طارق مشتاق، ملک اعجاز، ملک معروف، سیف شاہ دین گجر، فیصل بشیر بھٹی، ملک جاوید اور حاجی پرویز اعوان بھی شریک تھے۔
حاجی شیر علی نے کہا کہ کل صبح 10 بجے تمام ٹرانسپورٹروں کے مسائل حل ہوں گے، سی ایم پنجاب مریم نواز، سینئر منسٹر مریم اورنگ زیب سے کل صبح دس بجے معاملات حل ہوجائیں گے۔انہوں نے کہا کہ تمام گڈز ٹرانسپورٹرز کو کہتا ہوں کہ گاڑیاں سڑکوں پر لے آئیں، جنہوں نے اعلان پہلے کیا تو ہڑتال کھولنے کا وہ کھلوا نہ سکے، اب ہم نے کیا ہے اب ہڑتال کھل گئی ہے۔چیئرمین پاکستان گڈز ٹرانسپورٹ الائنس ریاض تاجک نے کہا کہ میری سینئر صوبائی وزیر مریم اورنگزیب سے ملاقات ہوئی ہے، انہوں نے ہمارے مطالبات کے حوالے سے کل میٹنگ رکھی ہے۔
ریاض تاجک نے کہا کہ سب دوست اپنی گاڑیاں روڈ پر لے آئیں، اگر کسی کو کوئی ایشو آیا تو ہم سے رابطہ کرے، ایک روز میں اب صرف ایک ہی چالان ہو گا۔پاکستان گڈز ٹرانسپورٹرز ایسوسی ایشن کے صدر نبیل محمود طارق نے کہا کہ جو ریلیف دیا جاسکتا تھا وہ ہم کو دیا گیا، ہم ہڑتال کی کال کو واپس لیتے ہیں۔نبیل محمود طارق نے کہا کہ جرمانوں سے لے کر کارپوریشن کے ایشو کو حل کرنے کا اعلان کر دیا جس کے بعد ہڑتال ختم کر دی گئی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیر اعظم شہباز شریف کی ایرانی صدر سے ملاقات، باہمی تعاون بڑھانے پر اتفاق وزیر اعظم شہباز شریف کی ایرانی صدر سے ملاقات، باہمی تعاون بڑھانے پر اتفاق پی آئی اے اور کینیڈین ہائی کمیشن کا سرمایہ کاری و ثقافتی تعاون بڑھانے پر اتفاق پارٹی کے اندر لڑائی برداشت نہیں کی جائے گی، اگر کوئی ملوث ہے تو اس کو باہر رکھا جائے،نواز شریف پی ٹی آئی کے ساتھ اب کوئی فیض حمید نہیں، منفی سیاست چھوڑ دے، طارق فضل چوہدری اسلام آباد میں بلدیات کے متبادل نظام لانے کی تیاریاں، وفاقی کونسل کی تشکیل زیر غور پاکستان پیٹرولیم ڈیلرز ایسوسی ایشن کا ملک بھر میں پمپس بند کرنے کا عندیہCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر