عامر خان نے چین میں اپنی شہرت کے راز سے پردہ اٹھا
اشاعت کی تاریخ: 24th, February 2025 GMT
MUMBAI:
بالی ووڈ کے سپر اسٹار عامر خان دنیا بھر کی طرح چین میں بھی اپنی بہترین اداکاری کی وجہ سے مشہور ہیں، حیران کن طور پر وہ واحد ادکار ہیں جنہیں چین کے شہری انکل عامر کے نام سے جانتے ہیں۔
عامر خان نے چین میں اپنی مقبولیت کے راز سے پردہ اٹھاتے ہوئے بتایا کہ چین کی حکومت نے پائریسی قانون میں اصلاحات نے میری پہچان چین کے ہر گھر میں کرا دی ہے۔
ان کی فلم تھری ایڈیٹ جو بھارتی تعلیمی نظام پر مبنی تھی، چین میں پائریسی کی وجہ سے مقبول ہوئی اور اداکار اسی فلم کی وجہ سے چین میں انکل عامر کے نام سے مشہور ہوئے۔
عامر خان نے کہا کہ چینی ناظرین نے ایک مختلف ثقافت کی فلم کو محبت اور احترام سے قبول کیا۔ تھری ایڈیٹ کے بعد، ان کی دیگر فلمیں جیسے پی کے اور دنگل بھی چین میں ہٹ ہوئیں۔
عامر خان اور درشیل سفاری جو تارے زمین پر میں ایک ساتھ کام کر چکے ہیں، 14 سال بعد ستارے زمین پر کے سیکوئل میں دوبارہ اکٹھے ہو رہے ہیں۔
پروڈکشن کے محاذ پر عامر خان راجکمار سنتوشی کی فلم ’ لاہور 1947 ‘ کے پروڈیوسر ہوں گے، جس میں سنی دیول مرکزی کردار میں ہوں گے۔
.ذریعہ: Express News
کلیدی لفظ: چین میں
پڑھیں:
فلم ’جوش‘ میں کاجول اور عامر خان نے شاہ رخ کیساتھ کام کرنے سے کیوں منع کردیا تھا؟
کاجول اور شاہ رخ خان کی جوڑی فلمی دنیا کی مقبول ترین جوڑی ہے جس نے دل والے دلہنیا لے جائیں گے اور بازیگر جیسی ہٹ فلمیں دی ہیں۔
معروف فلم ساز منصور خان نے ایک حالیہ انٹرویو میں انکشاف کیا ہے کہ سنہ 2000 میں ریلیز ہونے والی فلم ’’جوش‘‘ میں شاہ رخ خان کی بہن کا کردار پہلے کاجول کو آفر کیا گیا تھا۔
’’قیامت سے قیامت تک‘‘ اور ’’جو جیتا وہی سکندر‘‘ جیسی کامیاب فلمیں بنانے والے منصور خان نے فلم جوش میں شاہ رخ خان کے ساتھ کام کرنے سے نہ صرف عامر خان بلکہ کاجول نے بھی انکار کردیا تھا۔
فلم ساز منصور خان نے بتایا کہ فلم ’’جوش‘‘ کے لیے شاہ رخ کی بہن کا کردار کاجول کو دیا گیا تھا لیکن ان کے انکار کے بعد یہ کردار ایشوریہ رائے کو دیا گیا.
فلم جوش میں شاہ رخ خان کے مدمقابل کردار راہول شرما کے لیے منصور خان نے عامر خان کا انتخاب کیا تھا لیکن جب انھیں پتا چلا کہ مرکزی کردار شاہ رخ کے پاس ہے تو وہ پیچھے ہٹ گئے تھے۔
فلم ساز منصور خان نے یہ انکشاف بھی کیا کہ انھوں نے شاہ رخ کی جگہ سلمان خان کو بھی میکس کے کردار کی پیشکش کی تھی لیکن اُن دنوں سلمان خان ایشوریہ رائے کو پسند کرتے تھے اور اس فلم میں انھیں اپنی بہن کا کردار ادا کرتے نہیں دیکھنا چاہتے تھے۔
TagsShowbiz News Urdu
17 اپریل کو عام تعطیل کا اعلان