حکام کو منشیات مخالف شہری کوششوں کی بھی حمایت کرنی چاہیئے، میرواعظ عمر فاروق
اشاعت کی تاریخ: 23rd, February 2025 GMT
میرواعظ کشمیر نے کہا کہ لوگوں کو یہ حق حاصل ہے کہ وہ معاشرے میں اخلاقی اور ذمہ دارانہ طرزِ عمل کی حمایت کریں چاہے وہ مقامی افراد ہوں یا یہاں آنے والے مہمان ہوں۔ اسلام ٹائمز۔ میرواعظ کشمیر ڈاکٹر مولوی محمد عمر فاروق نے لال چوک کے تاجروں کی اس پہل کی ستائش کی ہے جنہوں نے علاقے میں ایک سائن بورڈ نصب کیا تھا جس میں سیاحون سے مقامی ثقافت کا احترام کرنے، شراب اور منشیات سے پرہیز کرنے اور صفائی کا خیال رکھنے کی اپیل کی گئی تھی۔ انہوں نے کہا کہ اس طرح کی شہری پہل وقت کی اہم ضرورت ہے اور دوسروں کو بھی، خاص طور پر ہوٹل اور سیاحت کی صنعت سے وابستہ افراد کو، اس کی تقلید کرنی چاہیئے کیونکہ یہی وہ مقامات ہیں جہاں ان برائیوں کو فروغ دینے کا بہانہ فراہم کیا جاتا ہے۔ میرواعظ عمر فاروق نے کہا کہ لوگوں کو اپنے معاشرے کے اخلاقی اور ثقافتی ورثے کو محفوظ رکھنے اور ماحول کو بچانے میں فعال کردار ادا کرنا ہوگا۔
میرواعظ عمر فاروق نے کہا کہ یہ امر حیران کن اور افسوسناک ہے کہ حکام نے اس سائن بورڈ کو ضبط کر لیا ہے، جس سے اس اقدام کے پس پردہ مقاصد پر سوالات اٹھتے ہیں۔ سوشل میڈیا پلیٹ فارم ایکس پر اس کارروائی پر اٹھائے گئے سوالات کا حوالہ دیتے ہوئے میرواعظ نے زور دیا کہ لوگوں کو یہ حق حاصل ہے کہ وہ معاشرے میں اخلاقی اور ذمہ دارانہ طرزِ عمل کی حمایت کریں چاہے وہ مقامی افراد ہوں یا یہاں آنے والے مہمان ہوں یا سیاح۔ میرواعظ عمر فاروق نے حکام سے اپیل کی کہ جس طرح وہ جموں و کشمیر میں منشیات کی لعنت کے خلاف کارروائی کر رہے ہیں، اسی طرح انہیں ایسی شہری کوششوں کی بھی حمایت کرنی چاہیئے جو معاشرتی اقدار اور عوامی فلاح و بہبود کے فروغ میں مددگار ثابت ہوں، نہ کہ انہیں دبایا جانا چاہیئے۔
ذریعہ: Islam Times
کلیدی لفظ: میرواعظ عمر فاروق عمر فاروق نے نے کہا کہ
پڑھیں:
سندھ کے پانی کے معاملے پر کوئی سمجھوتہ نہیں کریں گے، فاروق ستار
میڈیا نمائندگان سے گفتگو کرتے ہوئے ایم کیو ایم رہنما نے کہا کہ پیپلز پارٹی متنازع کینالوں کے معاملے پر جلسوں کے پیچھے چھپنے کے بجائے آل پارٹیز کانفرنس بلائے اور بتائے کہ صدر نے اس فیصلے پر دستخط کئے تھے یا نہیں، پیپلز پارٹی پنجاب سے سندھ کے حصے کا پانی لیتی ہے مگر کراچی کو اُسکے حق کا پانی نہیں دیتی ہے۔ متحدہ قومی موومنٹ (ایم کیو ایم) پاکستان کے سینئر رہنما اور رکن قومی اسمبلی ڈاکٹر فاروق ستار نے کہا ہے کہ سندھ کے پانی کے معاملے پر کوئی سمجھوتہ نہیں کریں گے۔ کراچی ایکسپو سینٹر میں منعقدہ فرنیچر نمائش کے دورے کے موقع پر میڈیا نمائندگان سے گفتگو فاروق ستار نے زور دیا کہ پیپلز پارٹی متنازع کینالوں کے معاملے پر جلسوں کے پیچھے چھپنے کے بجائے آل پارٹیز کانفرنس بلائے اور بتائے کہ صدر نے اس فیصلے پر دستخط کئے تھے یا نہیں۔ ان کا کہنا تھا کہ پیپلز پارٹی پنجاب سے سندھ کے حصے کا پانی لیتی ہے مگر کراچی کو اُسکے حق کا پانی نہیں دیتی ہے۔
ڈاکٹر فاروق ستار نے مزید گفتگو کرتے ہوئے کہا کہ متنازع کینالز کے معاملے پر ہمارا دو ٹوک مؤقف ہے، ایم کیو ایم پاکستان سندھ کے پانی پر کوئی سمجھوتا نہیں کرے گی۔ انہوں نے کہا کہ کراچی والے فراغ دل ہونے کے ساتھ ساتھ صابر اور شاکر بھی ہیں کہ جن کو کبھی بجلی، پانی تو کبھی گیس کی لوڈشیڈنگ کے نام پر تنگ کیا جاتا ہے، شہر کی سڑکیں اور انفراسٹرکچر تباہ و برباد ہوچکا مگر اسکے باوجود کراچی کے شہری صبر کئے ہوئے ہیں۔ ڈاکٹر فاروق ستار نے کہا کہ اس وقت میٹرک کے امتحانات کے دوران لوڈ شیڈنگ اور مختلف سینٹرز کی تبدیلیوں نے طلباء اور والدین کو پریشان کر رکھا ہے۔
17 اپریل کو عام تعطیل کا اعلان