گورنر سندھ نے انڈیا سے جیتنے پر قومی ٹیم کو ایک کروڑ روپے انعام دینے کا اعلان کردیا
اشاعت کی تاریخ: 23rd, February 2025 GMT
گورنر سندھ کامران خان ٹیسوری نے بھارت کے خلاف جیت پر قومی ٹیم کے لیے ایک کروڑ روپے انعام دینے کا اعلان کر دیا۔ انہوں نے کہا کہ وہ اس وقت لندن میں موجود ہیں لیکن ان کا دل اور تمام دعائیں پاک بھارت ٹاکرے کے ساتھ ہیں۔
لندن میں میڈیا سے گفتگو کرتے ہوئے کامران ٹیسوری نے کہا کہ پوری قوم قومی ٹیم کی کامیابی کے لیے دعاگو ہے اور کھلاڑیوں کو چاہیے کہ وہ بھرپور لگن سے کھیلیں کیونکہ جیت پاکستان کی ہوگی۔ انہوں نے امید ظاہر کی کہ قومی ٹیم بھارت کے خلاف کامیابی حاصل کرکے ملک کا سر فخر سے بلند کرے گی۔
گورنر سندھ کا کہنا تھا کہ قومی ٹیم ہمارے سر کا تاج ہے، جیت ہو یا ہار، قوم اپنے کھلاڑیوں کے ساتھ کھڑی ہے۔ انہوں نے قومی ٹیم کے کھلاڑیوں کو پیغام دیا کہ وہ پوری جان لڑائیں اور اللہ تعالیٰ کی مدد سے کامیابی حاصل کریں۔
دوسری جانب چیئرمین پاکستان کرکٹ بورڈ (پی سی بی) محسن نقوی نے بھی امید ظاہر کی ہے کہ پاکستان ٹیم بھارت کے خلاف شاندار کارکردگی دکھائے گی۔
صحافیوں سے گفتگو میں ان کا کہنا تھا کہ قومی ٹیم پوری طرح تیار ہے اور بھارت کے خلاف ایک زبردست مقابلہ ہوگا۔ انہوں نے کہا کہ اگر پاکستان میچ جیتتا ہے تو یہ قوم کے لیے ایک بڑا انعام ہوگا، اور چاہے جیت ہو یا ہار، ٹیم کے ساتھ کھڑے رہیں گے۔
یاد رہے کہ چیمپئنز ٹرافی 2025 کے پانچویں میچ میں پاکستان اور بھارت آج دبئی انٹرنیشنل کرکٹ اسٹیڈیم میں آمنے سامنے ہوں گے۔
.ذریعہ: Daily Mumtaz
کلیدی لفظ: بھارت کے خلاف قومی ٹیم انہوں نے
پڑھیں:
مراد علی شاہ کا ہر قیمت پر نہریں نہ بننے دینے کا اعلان
وزیرِ اعلیٰ سندھ مراد علی شاہ— فائل فوٹووزیرِ اعلیٰ سندھ مراد علی شاہ نے ہر قیمت پر نہروں کو نہ بننے دینے کا اعلان کر دیا۔
اس حوالے سے اپنے ایک بیان میں مراد علی شاہ نے کہا کہ ہر گارنٹی دینے کے لیے تیار ہوں کہ سندھ حکومت اور پیپلز پارٹی عوام کی طاقت سے نہروں کا منصوبہ بننے نہیں دے گی۔
انہوں نے کہا ہے کہ امید ہے وزیرِ اعظم انصاف سے کام لیں گے، وزیرِ اعظم کو بھی نہروں کے معاملے پر نتائج کی سنگینی کا اندازہ ہے۔
وزیرِ اطلاعات پنجاب عظمیٰ بخاری کا کہنا ہے کہ مراد علی شاہ کو سندھ کے کسانوں سے زیادہ پنجاب کے کسانوں کی فکر ہے۔
وزیرِ اعلیٰ سندھ نے بتایا کہ جولائی 2024ء سے نہری منصوبے پر کام اور نومبر سے ایکنک میں منظوری رکی ہوئی ہے، ہم اس بات پر ناخوش ہیں کہ اب تک اس منصوبے کو ختم کیوں نہیں کیا گیا۔
انہوں نے کہا کہ وکیل اور قوم پرست احتجاج ضرور کریں مگر اپنے لوگوں کو تکلیف دینے سے گریز کریں۔
وزیرِاعلیٰ سندھ مراد علی شاہ نے یہ بھی کہا کہ پیپلز پارٹی اور مظاہرین کا مقصد ایک ہے، اگر ہم ناکام ہوئے تو پھر ہم بھی ہر طرح سے احتجاج کریں گے۔
سنگاپور میں پارلیمنٹ تحلیل، عام انتخابات 3 مئی کو ہوں گے